Amer-H
صديق فيروزي متميز جدا
علم الدولة : 
الجنس : 
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
 | موضوع: خليل روكز- في المروج  السبت يناير 18, 2020 9:37 am | |
| خليل روكز-في المروج
مسا هالليل يسعدلي صباحو
انجلى وعن جبهتو الغيمات راحو
وصرنا نشعر بنسمه طرية
برعشتها عطور الذوق فاحو
اشمخي يا ارض عالوادي الغنية
بجمالك كل اهل الكون ساحو
انا الحامل خطايا المجدلية
جروحي غير فيك ما ارتاحو
انسمى الصفصاف شجرة مستحية
امانيها عفقد التمر ناحو
وصفصافة صحاب المعنوية
العقل بقلبها بيوجد نجاحو
يا انصارنا عن صدق نية
انتو لشعرنا الزجلي سلاحو
وانتو جناح طير الشاعرية
وشو نفع الطير لولا من جناحو
خلق لبنان بالدنيا لغاية
غاية حب ما الها نهاية
خلق عا تلة الدنيا منارة
ارتدى من الزنبق الابيض عبايي
على رواسيه تلج من الطهارة
وعلى شواطية موجات العنايي
موجه حاملي منا حضارة
وموجه بتمها عنا حكاية
اذا السايح عمل النا زيارة
ومن بلادو اجا مشوب كفاية
ان دخل لبنان بتصفي الحرارة
برد والبرد لازملو دفاية
بلادي اسمها مهد الشطارة
ومن بلادي انتشر حرف القراية
بلادي بمعصم الدنيا سوارة
لبستها الطبيعه من البداية
بلادي كون والمعمور حارة
لها في كل دولة مجد راية
بلادي تلالها السمره عذارى
خاطبهم اله اللا نهاية
بلادي اهلها مرد وامارا
نسبها من الفنيقيين جاية
اسألوا شمس المجره بالاشارة
بتجاوب انا حلوه ولكن
حلا لبنان اجمل من حلايي _________________  | |
|
