| | الشاعر خليل روكز أبو روكز |  |
|
|
|
| كاتب الموضوع | رسالة |
|---|
Amer-H
صديق فيروزي متميز جدا
علم الدولة : 
الجنس : 
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
 | موضوع: راحو حباب القلب وبقينا  الثلاثاء سبتمبر 11, 2018 7:23 am | |
| "راحو حباب القلب وبقينا.....نستفقد لزهوة ليالينا
وبدل الغزل ننظم فراقيّات.....ونبكي على مدفن أمانينا
ما عاد إلنا بالعمر لذّات.....ناطرين الموت يطوينا
وصرنا نشوف صحابنا حيّات.....والدرب تستتقل إذا مشينا
يا حباب كيف الحب فيكن مات.....تا تحاكمونا قبل ما خطينا
وصرتو علينا تلفّقو حكايات.....ونحنا منعنا الناس تحكينا
نحنا خلقنا ندوب غنيّات.....وإنتو تركتو البعد يكوينا
وتا تعرفو شو قيمة الدمعات.....انشالله بتبكو متل ما بكينا
رحتو وشو نفع التمنيّات.....صرنا متل مركب بلا مينا
بتحطّنا وبتشيلنا الموجات.....وما في حدا عالشط يهدينا
عن بعضها شو بتفرق الكلمات.....متل فرق الشهد والكينا
كلمة بخاطركن بلا بسمات.....مش متل كلمة مرحبا جينا
رحتو وراحت زهوة الحفلات.....ومتل الغُرب ببلادنا صفينا
إنتو نسيتو الحب والرعشات.....ونحنا انشالله نموت لو نسينا
رحتو وحتى ترجعو هيهات.....يا شماتة الحاضر بماضينا
ما ضل عنا غير هالنهدات.....البقيت ع فرقتكن تسلّينا
وكاسة خمر عا سفرة اللوعات.....حمرا ومازتها مآسينا
نسهر وعنكن نسأل النجمات.....بلكي خبر عنكن بتعطينا
غابو النجوم وغفيت السمكات.....ونحنا عن التذكار ما غفينا
منحب نغفى وخايفي الغفوات.....من جوعنا للطّيف يأذينا
رحتو وصرنا نكلّف النسمات.....تودّيلكن جرحة غنانينا
ونبعت دموع برفقة الغيمات.....تا كل ما مرقت على صنين
تذكّر حبايب قلبنا فينا" _________________  | |
|
 | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: كنت إضحك الجمعة سبتمبر 14, 2018 6:55 am | |
| كنت إضحك
شو باك بعدك عم تقلّي شو بكي
منّك لحالك إنت وجّهت الحكي
كنت إضحك قبل ما عنّي تغيب
وبغيبتك خلّيتني حِبّ البكي
---
كنت إضحك قبل ما عنّي تغيب
وبغيبتك موّنتني نَوْح ونحيب
ومن بعد ما حمّلتني تنعشر صليب
كيف طاوعك قلبك عليّي تشتكي
---
ليش حتّى بعد هالرجعه قسيت
وكيف الخبز والملح يا ظالم نسيت
ريتك بقيت بغربتك ما كنت جيت
ولا برجعتك خلّيت راسي يتّكي
---
ريت الطّريق تكسّرت قبل الرّجوع
ولا صار قلبي فوق لهلوبة ولوع
غيابك دموع ورجعتك لَيّي دموع
ومن كتر ما عذّبتني دمعي احترق
ومنين بدها العين تجمعلك بكي
--- _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: هموم الدني - خليل روكز الجمعة سبتمبر 14, 2018 7:12 am | |
| ( هموم الدني - خليل روكز )
من وقت ما طليت عالعالم غريب
إستعرض هموم الدني وآخد وجيب
وبعدني ماشي بفتش عالهموم
بلكي بلاقي هم لهمومي قريب
تلاقيت في أيوب شفتو مبتلي
بلوي زغيري كتير بالنسبه إلي
وكفيت مشواري عا درب الجلجلي
وشفت الصليب وقلت شو هالمرجلي
هيدا صليب والحاملو قلبي صليب ؟
ومن بعد ما تلاقيت بالإم البتول
تبكي وتسقي بدمعها حجار الحقول
سمعت نهدتها القديمه وصرت قول
مش هيك بيكون النحيب بلا أصول
رافقيني .. بعلمك كيف النحيب
ولما مصايب هالوجود كشفتها
حملتها وعن أهلها خففتها
استوهمت منها من قبل ما عرفتها
لكن بعد ما بعين عقلي شفتها
ما شفتها أصعب من فراق الحبيب _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: يا سارقين الرّوح السبت سبتمبر 15, 2018 7:21 am | |
|
يا سارقين الرّوح
من قلب متفاني
مزروع قلبي جروح
من عين دبلاني
قلبي مساكب همّ
وجروح بركة دمّ
والعين موجة يمّ
عا شطّ أحزاني
يا سارقين الرّوح
وعروق كومة نار
وغصات روحي كتار
وتجرّحو الأوتار
من حزن الحاني
يا سايقين الخيل
عمري صفي بالويل
وناشر تيابو الليل
عا حظّ الواني
يا سارقين الرّوح
يا صانعين قلوع
من مهجتي وضلوع
وطافت بحور دموع
من لحف أجفاني
شرشف غرامي باخ
وهودج آمالي ناخ
مشكشك بقلبي سياخ
والرّوح سكراني
يا سارقين الرّوح
يا مقرّحين العين
حمرا وعبرها عين
ويا طير قلبي وين
عرزال خلّاني
يا ليتني عصفور
كاشف طريق النّور
واحمل من المنتور
شوقي وتحناني
يا ليت قادر طير
وشوف الولف بكّير
هونيك كنت بصير
كنار لبناني
_________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: إبن الإختبار الثلاثاء سبتمبر 18, 2018 7:05 am | |
| إبن الإختبار
ساعة ما نور الرب بلّش ينجلي
وقلها كوني بكلمة إختصار
حدو خلق شيطان اول مرحلي
حتى يضل يعاكسو بليل ونهار
الله خلق آدم من تراب البلي
وحطو بجنه من الفواكه والقمار
وخلقت من ضلوعو صبيه مدللي
تا حوّلت فردوس آدم إبن نار
وآدم من الجنه انطرد والبهدلي
لما رجم قايين خييو بالحجار
ولما كفر شعب البدايي بالعلي
وضاع التقى والكفر نال الإنتصار
طوّف بحر من شر عم يغلي غلي
ومن كل جنس تنين خلاّ للبدار
خان الغراب بنوح كل المسألي
وعا دمة القالو ترك سيدو وطار
وبالمختصر من دون كتر مجادلي
مندشرّ التقوى بقيمة وإعتبار
منبحث بموسى عالجبل لما علي
وصلّا وكلّم خالقو بحشمه ووقار
كنو ضجر شعبو صارت مشكلي
وشككو بموسى بطول الإنتظار
ولو ما طلع هارون صاحب مرجلي
الله بيعلم لوح موسى وين صار
ولما إجا يسوع رحمه ممتلي
تا يردّ شرع الكان من قبلو نهار
تلميذ باعو وعلّقو عالجلجلي
وشوفو الخوف من وين بلّش بالكبار
وبعدو إجا محمد وابن عمو علي
تا يعمّرو للدين والتقوى ديار
ومن بعد ما تأيد على أشرف ولي
ودك الحصون بحد شفرة ذو الفقار
هوني اليتيم من الوفا قلبو خلي
وخان بعلي يا الف عيبه والف عار
ومش يس يوضاس انعرف عالطاولي
في متل يوضاس وابن ملجم كتار
ويا ....لولا سمعت حكي مطاولي
ع كرامتك لا تحاسب عقول الزغار
قال شوقي بيت من شعرو الطلي
للحر نصر وللطفيلي انكسار
ومذمة الناقص بنفس الكاملي
بترّجح بميزان عزتها العيار
وما في ولا شاعر بعصر الجاهلي
لبسّوه قرايبو اكليل غار
لا تزعل بحيث المتل قولو جلي
الشيء ضدّو ابن جنسو والمتل
قبل البشر والعلم ابن الإختبار _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: تشرين السبت سبتمبر 22, 2018 7:52 am | |
| تشرين
شو مضيّعه ؟ يا كروم عم تتنهّدي
نهدة عروس لإمّها مستفقدي
ونهدة مريض محكوم بيشرب الدّوا
وعم يسمع حكايات سكر وعربدي
مين بعراسك كسر دفّ السّهر ؟
وغفّى صبايا اللحن بخيال الوتر
كنتي عرس دايم .. وعينين القمر
وين ما ضاعت عَ نورك تهتدي
شو مضيّعه؟ لا صوت فيكي ولا صدى
ليلك غريب وما بقا يعرف حدا
عمر النّدي من جوّك الحلو ابتدا
واليوم جوّك صار عم يشحد ندي
فيكي الطّبيعه خلّفت أربع ولاد
البكر إسمو صيف أيّامو عياد
راح فصل الصّيف .. ولبستي حداد
وبُكرا بعد موت الخريف بتبردي
انشالله انشالله، ينقصف عمر الخريف
بأوّل شبابو ..والشّتي يطلع خفيف
وفصل الرّبيع يشيب أو يخلق ضعيف
والصّيف من تشرين عمرو يبتدي
فصول السّنة متل السّمك متل البشر
بتنتقم من بعضها بإسم القَدر
تشرين..يا تشرين شو ذنب الشّجر
خلّيتها بالزّعفران معمّدي
وخيّك الـ كان معرّم بتوبو الحلو
يا مفترس كيف لاك قلب تبهدلو
وتمشي بجنّازو بعد ما تقتلو
وتطلب عفو .. وعرفت حالك معتدي
يا محتكر لون الصّفار بعينتيك
من دمّ خيّك قدّ ما تغسل يديك
ما بينغسل حتّى الدّني تشتّي عليك
ويعود يوسف حيّ للبيّ الحزين
ويرجع قميص الحقّ يشهد عَ الرّدي _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: سلامتك الجمعة سبتمبر 28, 2018 7:22 am | |
| سلامتك
عـرفـت مــحـبـوبـتـي للـمـوت مـالـت
سـألـت كـيـف حالها وغـيّرت صـوتـي
عِـرفِـت جـرحـتـي بـكــيـت وقـالـت
أنـا لـو مـتّ كـنـت حـضـرت مــوتـي؟
---
وأنـا تـنـهـّدت والـدّمـعـات سـالـو
وقـلـت مـا بـروح شـو مـا الـنّـاس قـالـو
شـو بـدّي روح أعـمـل يـا حـيـاتـي
راح الكان سـاحـرنـي بـدلالـــو
لـمـيـن بـروح قـدّم واجـبـاتـي
لـعـدوّي وكــفــكــف دمـوعــي قـبــالــــو
أنــا عـزّيـت ذاتــي بــمــوت ذاتـي
وأمــل عــمـري دفــن حـالـو بــحـالـو
---
شــو بــدي روح إرثـيـكـي بـقـصـيــدي
ولــولحـلـك بـــمـنـديـلـك بـــإيــدي
وتا نـفـرض رحـت رح بـقـدر بـشـوفـك
وبـطـفـي حـرقـتـي وآخـي ونـهـيـدي
وتا نـفـرض شـفـتـك وسـمـحت ظـروفـك
بـنـظـره للـشهـيـد مـن الشّهيـدي
رح تـحـسّـي رح تـنـمّـل كـفـوفـك
عـا شـي لـمـسـه عا شـي بوسه جديدي
---
شـو بـدّي روح أعـمـل فـي عـزاكـي
وشـو إلـهـا زيـارتـي طـعمـه بلاكـي
إذا بـفـكـرك تـا تـبـكـيـكـي عـيـونـي
أنـا بـعهـدك قـضـيـت الـعـمـر بـاكـي
شـو بـدّي روح إمـشي يـا حـنـونـي
مـتـل هالـعـالـم الـمـشيـو وراكـي
وشـوف عـيـون عـم بيـسـابـقـونـي
عـلـى نـعشـك عـلـى نـهـاية حـلاكي
---
وعـا كـلـمـة مـا بـروح لا تـواخـذيـنـي
بـروح بـوقـت مـا بـتـرسـي السّفينـي
وبـعـد مـا يـدفـنـوكـي بـشـي دقـيـقـه
بـدبـدب صـوب قـبـرك عـا حـنـيـنـــي
وبــحـفـر بـالـقـلـب جـوره غـمـيـقـه
ونـص اللـيـل بـالـجـمـعـه الـحـزيـنــي
بـــزيـح الــصــخـر عـن قـبـر الـحـقـيـقــه
وبــردّ الـجـواهــر عــالــخــزيــنــي
---
أنـا بِــحـبِّــك أنـا بــحــبُّــك أنـانـي
وبـعـد مـوتـك بـيصفـالـي زمـانـــي
وبـدل مــا روح عــزّي في مـمـاتـك
بــصــيــر بــروح بـتـقـبّــل تــهــانـي
أنـا البــيهــمّـنـي تـخـلـص حـيـاتـك
تا تـصـيـري إلـي ومـن مَـيْـل تـانـي
بـكـفّـي عيشتي عـا ذكـريـاتـك
وبـكـتـب فــوق مـقـبـرتـك عـا صـدري
خـلـودالـحــبّ فــي حـــفــظ الأمــاني _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: انا تركت الوطن الجمعة سبتمبر 28, 2018 7:25 am | |
| انا تركت الوطن لاكن غيابي
ما نساني بلادي ولا صحابي
وكنت كل ماكواني الشوق مره
بكزبات الأمل طفي عذابي
وكنت كل ماكواني الشوق مره
إطفي حرقتي بدمعات حرّه
ويوعدني زماني بالمسره
وبعد الوعد رجعني حنيني
لمهد طفولتي ومسرح شبابي
رجعت من بعد مازرعت المعنى
بأرض افريقيا وعاش وتهنى
رجعت صون المعنى في وطنا
من التقليد من تصغير إسمو
من السرقو القصايد من كتابي
رجعت من بعد غيبه مش طويلي
على لبنان عا ضياعو الجميلة
رجعت لعبادة الأرزة الجليلة
ومابدي يناولوني عالمحبة
وسام كبير او كرسة نيابة
رجعت لترابة بلادي الحنونة
على أرض التواضع والليونة
ويا أنصار يللي في عيوني
عن الغيّاب فيكن تسألوني
بشرط لا تسألوني عن جيابي
أسألوني وريّحو فيي ضميري
عن غيابنا في كل ديري
كتر ما فيهن محبة وغيري
خلّو مجاهل الدنيا الكبيره
عا إسم الأرز تستحلي الصبابي
وأنا برمت الفضا والكون كلّو
وشفت غيابنا مطرح ما حَلّو
المهاجر قد ما يهجر محلو
غناني محبتو بدهن يضلو
بذكر الخمر ونبيذ الخوابي
بذكر العين والضيعة وحلاها
وبسعدى ل ضل بعيونو هواها
راح وفاتها بأول صباها
وبقي موعود قلبو لملتقاها
وحنينو لعينها جرحة ربابي
وانا الغيّاب كانو يسألوني
عن جبيل وعن بعلبك وجونيه
وعند ساعة رجوعي كلفوني
بحمل بوّسات للارزة الحنونة
ولشكر الجيش والنسر الشهابي
وانا حملت الأمانة بحب ظاهر
وما حبيت بالغ بالمظاهر
بس بقول كلمة بقلب طاهر
مازال شهاب عا لبنان ساهر
من لبنان ما بتنقص ترابه _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: قـــصـــة الـــقـــمـــح السبت سبتمبر 29, 2018 7:42 am | |
| قـــصـــة الـــقـــمـــح
بــإيــام فـــقــر وجــوع ومــصـايـب كـتـار
والـكـون مـن كــفــر الــطّـمـع بـركـان نـار
حـرب انـتـهـت والـتّـانـيي شـعـلـت جـديـد
والــنّـاس لـللـقـمـة عــا جـمـر الإنـتــظــار
ومـركـب مـحـمّـل قــمـح جايـي من بـعـيـد
صـواريـه بـتــغــنّــي نــشــيـد الإنـتـصـار
رعــشــة أمـل أو كـهـربـا ومــسّـت حـديـد
بالـشّعب لـمّا الـمـركب عْـلى الـشّـطّ صار
وقـبـطـان مـا حلـمت عـيـونـو بـمـتـل عـيـد
ســاعــة وصـولـو بـالــسّـلامــة عــالــدّيـار
عـيـد الـخلاص من الـعـواصف والـجلـيـد
وعـيـد الــسّـعـي بالـخـيــر عـزّ وإفـتـخـار
وبـنـت الـملك بحكـايــتي بـيـت الـقـصيـد
الـمــركــب لـهـا وبـأمــرهـا شــقّ الـبـحـار
تـا يجـبـلـهـا الإلـماس مـن شـطّ الـعـبـيـد
وتـــزيــد ثـــروتــهــا كــنـــوز وإعـــتـبــار
بـتـقــدر تـضـحّـي بْـكلّ عــبـد وكـلّ سـيـد
ولا تـخـيـس خــزنـة قـصرها درهـم عـيـار
كــلّ شـــي بــعـــيـــون زوغـــتـهـا زهـيــد
مـا عـدا الــبــيـكـون أصـلـو من الحـجـار
نزلت عـلى الـميـنا ومــقـصـدها الـوحـيـد
تـلاقي الـكـنـوز وهـون مـقـصـدها انهـار
لاقــت قــمح بــيــعـكــس ما كانـت تـريــد
وزرع الـــتّـــمـــنـــيـــات مــا ردّ الـــبــدار
بـسكـرة فـشـل وجـمـود نـادت عـا عـمـيـد
الــبــاخـرة وقــالــت إلــو فـي إحـــتــقــار
ويــن الــذّهـب والـعـاج والـدّرّ الـنّــضـيـد؟
خـالــفــتــنــي وفـضّـلـت لـيـلـك عالـنّـهـار
تـنـهّـد عـمـيـد الــبـاخـرة ورأيـو الـسّـديـد
سلـطان مش مـعـقـول يـرضى الإنـكـسار
بـالـرّغـم إنّــو صـاحــب الـحــقّ وعــنــيــد
مـا راد يـــتـــعــرّى مـن تْــيــاب الــوقـــار
قــلّـهـا يـا مــالِــكـي الــعــقــل الـرّشــيــد
إنـتـي بـتـعـرفــيـنـي عـلـى امــورك بـغـار
برمت الـدّني وعن مطـلـبك ما كنـت حـيـد
إلّا بـعـد مـا الــرّيــح عــكـس الـخــطّ دار
ولـمّا عـجـزنـا مـن الـمـعـادن نــسـتـفــيـد
ومــا وجــدنــا مـــطــلــبــك بـالإخــتـصار
شـحـنّـا الــسّـفـينـي قـمـح للأمّـة مـفــيـد
وبــيــكـافـح جْــنــون الــغــلا والإحـتـكـار
كــلّ كـــمــشـة قــمـح بــتــمــوّن شـــريــد
بـس الــذّهــب مـا بــيـطـعـم ولاد الـزّغــار
وعا كل حال يا مالـكي الـعـرش الـسّعـيـد
جـبـنـا قــمـح من حــيـث ما وجدنـا ذهـب
بـدنا الـعـفـو من جْـلالــتـك والـصار صار
هـون ابـتـدا شــرّ الــمـلـوكـــيّـــة وظــهــر
مـن قــلـب لاكــن قــلــب يـا ريـتـو حـجــر
وقـالـت إلــو بْـلـهـجـة نــفــور وإنــتــقــام
مـن طـبـع جـنّ بْـعــظــمـة الــجـاه وكـفــر
رفــضــت أمــري يــا قـــلـيــل الإحـتــرام
وجـايي تـقـلّـي الــقـمـح أحــلا من الـدّرر
إرمـي الـقـمـح بالـبـحـر وفـرقـني بْـسلام
وخـلّـي الــبـشـر مـن جوعـهـا تاكـل بـشر
قال الـعـمـيـد؛برمي الـقمح شو هالكلام ؟
هــيــدا أمــر مـا كـان مــنّــك مــنــتــظـر!
بـكـرا عـلـيكي الـشّعـب بـيـحـطّ الـمـلام
وحكم الـشّـعـب أقـوى مـن جـنون الـقــدر
لا تــشـلـحـي الـقـمـحـات بـالـميّي حـرام
الـحـرب جـايـي وْحــالــة الـكـون بْـخــطـر
وإنـتـي بـنـت سـيّـد مـن مْـلـوك الـعـظـام
لازم بـأمـر الـبـاخــرة تــعــيـدي الــنّـظــر
قـالـت اعـطـيـتـك أمـر وبـإســم الــنّـظـام
ارمي الــقــمح بالــبحر وعــلـيي الــضّـرر
الـملـك مـلـكـي وْهـيـك فـي عــنـدي غـرام
لا تـعــتـرض عا أمـر من حـكـمـي صــدر
ولـمّا الــعـمـيـد بـخـطّــة الــتّــنـفــيـذ قـام
قـــلّـــهـا كـــلـمـة بـــنــت قــلــب انــقــهــر
بــدّك تــمــوتـي جــوع وتــشــوفـي خـتـام
عـمـرك عـلى الـتّـاريـخ عــبـره مـن الـعـبـر
وإيّــام جـــاهـك بــعــد مـا كانـت حــمـام
بــدهــا تـــصــيــر غْــراب ولــيــالـي كـدر
وقــلــبــك الـجـوعــان مـا يـشـــبـع طـعـام
وتــتــبــهــدلي وما يـضـلّ من مجـدك أثـر
وِقْــفــت وغــطّــت حــقــدهـا بـالإبـتـسـام
بـسـمة خـبر مـطـوي عـلى أبــشــع خـبـر
وفي ايـدها خـاتـم إلــو عــظــمــة مــقــام
بـيـن الـخـواتــم إسـمـهـا عْـلـيـه انـحــفــر
شـَلـحـتـو مــن إيــدهـا بــسرعـة ســهــام
لـبــعــيــد حـتّى بـلـجّـة الــبـحـر انـغـــمـر
وقـالت : مـتـى ما خـاتـمي عالـمـوج عـام
وعـــاد لـــيــي بـعـــد مـا إيـــدي هـــجـــر
مــعــقــول إنّـي جــوع لاكــن بـالــمـــنـام
ويـزول مـلـكـي ان صـارت الـعـبــدة قـمـر
ويـمـكـن اذا شـفـت الـسّمك بـالـبحـر نام
بـيــنــام عــزّي وتـــاج عــزّي بــيــنـطـوي
وبـتـصـيـر إنت الـمـبـتـدا ونحنـا الـخـبـر!
وبـالـبــحـر لـمّـا مـركـب الــقــمـح انـدرى
ووصـلـت خــبــارو لــلــمـدايــن والــقــرى
قـامـت قـيـامة شـعـب جـوعـان وبــصـيــر
حـتّـى عــمـل فـي كـلّ بـــيــت مْــظـاهــره
ودار الــزّمــان وغـــيّــر قْـرار الـمــصــيــر
وخـلـقــت مــن الــحـرمـان ثــورة مــقـــدّره
الــجــوع كــافــر والـظـلـم عـمـرو قـصــير
والــشّـعـب بـاع الــذّلّ والــعــزّ اشـــتــرى
وتـاج الــعــبــوديّــة بــمـعــركـة الـضّـمـيـر
تـحـطّـم تــحـت ثــورة شــــعــوب مـحــرّره
وبـنـت الـملـك من بـعد هالـفـصل الأخـيـر
من بـعـد مـا عـجـبـيـنـهـا الـظّـلـم انـقـرى
وبـيـن الـذّهـب والــتّـاج والـعـرش الكـبـيـر
وفـرض الأمـر عالــمـيــمــني والــمــيسـره
تـمـرّد عـلـيـهـا الـشّـعـب وانـهـانـت كـتـيـر
وخـسـرت حـيـاة الــفـخــفــخـة والـزّنـطـره
والـقـصـر صـفّى كوخ والأطـلس حصــيـر
وتــكـريــمـهــا لـعـنـات بـدل الــمــبــخـــره
وصعـبي بـحـقّ الـزّنـبـقـة الـحـدّ الـغــديـر
تـــدبــل بـــنـــوّار الـــغـــوى والــغـــنـــدره
صـارت وحــيــدة وْحـلـم زهـوتـهـا أســيــر
تـبـكي وعلى الـماضي الجـميل محــسّره
لا جــــواري ولاعــــبـــيـــد ولا نــــصـــيــر
هــيــدي نــهــايــة كـلّ ظــالــم يــا تـــرى؟
ومـتـل مـا كـبـرت عــلـى خــبـز الــفــقــيـر
تـكـبّـر عـلـيـهـا الـخــيـر والـجـوع افـتـرى
ورجـعـت لـخـدمة نـفـسها بمسكن حـقـيـر
تـطـبـخ وتــغـسـل بـالــشّـقى والـقـهــقــره
ومـا بــقــي مــعـهـا مـن الــمـال الــوفــيـر
إلا الــقـلـيـل وشــو بــيــنــفـعـهـا الــقـلـيل
والـلّـه يـعـيــن الـكـون مـن جـوع "الــمـرا"
وعــا خــلــعــهـا مـا دار دولاب الـــسّـنـي
وداب الـظّـلام وبــيــيـن الـنّـور الــسَّــنـي
وبــنـهـار حــسـرة قـــلــبــهــا عــا مـالـهـا
وعـا مـجـدهـا وعـا عـمـر عــزّ وسّـلـطـنـي
بــايـع ســـمــك بـالــحـــيّ مــرّ قــبـالـهــا
صــدفـة قـدر تـا تـدلّ عـا كـفـر الـــغــنـي
"وحـوّا "خـطـر أكـل الــسّـمـك عـا بـالـهـا
وأخــدت مــن الــبــيّــاع شـــروي هـيّـنـي
وما فـتـحـت الـسّـمـكي تا شـافـت حالـهـا
قـــدّام خـــاتــم كــانــت تــــظــنّــو فــنــي
تـــذكّــــرت بـــالـــبـــاخـــرة أفــــعــالــهــا
وراســهــا عــالأرض بــلّــش يـــنــحــنــي
وسـمـعـت مـن الــقـبـطـان كـلـمـة قــالـهـا
"بدّك تـموتي جـوع "مـهـــمــا تــغــتــنــي
وقـــفـــت تــــودّع أرمــــلــــة آمــــالــــهـــا
وحــنّــت لــشــبـر تـراب من أصـلـو دنــي
وطــلّـو ضـحــايـا ظــلــمــهــا وإهــمالـهـا
يــتــقـهــقـرو مـن جـنّـة الــعـيـش الـهــني
وسـفـيـنـة الــقـمـحـات صــارو حــبـالــهـا
مـراجـيـح بيـن عـــيـونـهـا والــمــطـحــنـي
ردّت أمـــانـــتـــهــا وقـــفــي مــرسـالــهــا
وعــرفــت بــأنّـو كـفـرها عْــلـيـهـا جــــنـي
الأقـدار شــلــحــتـــهــا تـحـت غــربـالـهـا
وبــقــيــت مع الأجـيـال قــصّــة ظـلــمـهـا
الإيّـــام تـــحــكــيــهــا لــــزوّار الـــدّنـــي
مـا أظــلــم الإنـــســان فــي كــلّ الأمــور
وحـــش مـــتـــديّــن ، إلــه مـن الـــغـــرور
بيقتل ملك منشان كمشة مـن الــطـحــيـن
بــيــعـتـدي حـتّى عا سـمـكـات الــبـحـور
بـشو مجـرمي هالــبـنـت إنـتـو مـجرمـيـن
بـتـعـادلـو الـغـلـطة بــحـسـنـات الــدّهـور
ويـن الــتّـسامـح فـي شــريـعـة كـلّ ديــن
ولــيـش عــقــل الــنّـاس بـيحـبّ الــشّـرور
أهــل الـحــكـم لازم يــكــونــو ظــالـمــيـن
لـو مـا الـظّـلـم مـا فـي أمـان ولا شـعــور
وحتّى الحمامة ما خلـق فـيـهـا الـحــنـيـن
لـو مـا تـشوف بْـعــيــنـها ظـلـم الــنّـسـور
لا لا ولـيــش الـطّـيـن يـظـلـم إبــن طــيـن
وعا كلّ حال الـنّاس مـش مـتـل الـطّــيـور
ولا عـدل نـقــشـىع نـاس مـنّـا مــعــذبـيـن
ونـاس تـرقـص بــالــجــواهــر عـالــقـبـور
صـبّـولـهـا عـالــقــبــر لــعـنـات الـسّنـيـن
هـيـدي بــنــت حـوّا الــخـيـاني والـفـجـور
هي مجرمي ومـعـبـودها الـكـنـز الـثّـميـن
هـيـدي غـراب الـشـؤم عـا مـرّ الــعـصـور
ويـا عــمـيـد الــبـاخرة الـهــادي الــرّزيـن
الخـلّيـت مـن صرخـاتـك الـخــامـل يــثـور
شو خسرت لو عـيـنيك كانو مـغـمّــضـيـن
ولــفـلــفــت هـالـطّـابــق بـإدراك الـصبــور
مش حـقّ تـنـسى أمرها وتـنسى الـيـميـن
ولاحـقّ تـبـدل طـاعـة الــجــنـدي بــنــفـور
انـت جـنـدي الــمُـلْـك والـجــنـدي رهــيــن
أمــر الـقـيـاده ومــلـك سـكّـان الــقــصـور
لا لا إنـت مـخـلــص إنـت جــنـدي أمــيـن
وعا مـصـلحة شــعـبـك وأوطــانــك غــيـور
إنت خـلـقـت تا تـعـيـش مـرفوع الجــبـيـن
ولـلـتـضـحـيـة تـكتـب بــدمّــاتـك ســـطـور
إنـت درع الـشّـعـب وســـيـاجـو الـمـتــيـن
يـا زارع جْـهـادك بِــلـيـل الــشّــعــب نــور
بـهـنّـيـك وبـهـنّـي جــمـيـع الـمـخـلـصـيـن
الـبـيحـصّـلو حْـقـوق الـترّاب مـن الـتّـراب
وبيحـطّـمو قْلوب الصّخـور عْلى الـصّخور _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: إلى وردة ... وتشرين الجمعة أكتوبر 05, 2018 6:31 am | |
| إلى وردة ... وتشرين
مين انظلم بالكون متلك مين
يا شقرتي يا حلوة الحلوين
كيْف زوّجوكي لشايب وختيار
وعمرك بعد ما لحّق العشرين
كيْف زوّجوكي لشايب وختيار
محتار مش وحدي أنا محتار
وقدّيشها نغصه بقلب نوّار
بنتو البكر تاخد إبن تشرين
وينو العدل يا وردتي وينو
تا عاتبو تا حطّ عا عينو
وشو هالعداوي البينك وبينو
بيّك من الحصرم أكل تخمين ؟
يلّي عشقتي القرد عا مالو
المال انفقد من إيد حمّالو
والقرد باقي قرد عا حالو
الله يساعد حظّك المسكين
من رنّة الأصفر حواليكي
شفتي الشّقا سْعاده بعينيكي
شو زاغطك شو صاير عْليكي
تا تاخدي ختيار بالسّتين
يلّي خلق حظّك مع السّمرا
صابك، متل دهني على جمره
ومش عدل يا تفّاحة الحمرا
تاكل حلاكي شفرة السّكين
يا شقرة القدّ الدّني كلّا
صبح الهنا عا جبينك تجلّا
وصام الحسن عَ دْيالك وْصلّا
مش بسّ وحدك ظالمك الله
إنتي وأنا بهالعمر مظلومين _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: خيال الأربعاء أكتوبر 10, 2018 7:30 am | |
| خيال
بكّير كان الفجر شي إنّو مِشي
والطّيور على الكروم مدروشي
ومدبدبي شلعة غطيطا عالهدى
والأرض تصويرة مرايه مغبّشي
وكانت عيوني ملغشني تلغشن غزال
وكلّ ما عزمني النّوم يقرصني الجمال
سْمِعت همسة متل نحنوحة خيال
ودعسة متل زقفة وراق المشمشي
حْدفت الغطا ومْشيت بين شكّ ويقين
وطلّيت عالشّباك حتى شوف مين
صار صوب الباب ياخدني الحنين
عالخربشي ومبحوح صوت الخربشي
وبالآخر استهديت عا نفحة نفس
من مبسمو جايي تشلّحني النّعس
ومن لهفتي خيالي على خيالو دعس
وتوشوشو وما عرفت سرّ الوشوشي
قْعدت حدّو لا حكاني ولا حكيت
ولا سألني ولا سألتو منين جيت
حَنيِة غصن صوبي حِني وصوبو حنيت
وصار الحكي نهدات صفرا ملوّشي
وإيدي عا إيدو حطّها والفجر راح
صوب الضّحى يفسد علينا للصباح
ومن قبل ما يطلّ الصّباح الدّيك صاح
ومتل ما كان اللقى كان الوداع
وبين فجر وصبح دشّرني ومشي _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: قصيدة افتتاح في أفريقيا الأحد أكتوبر 21, 2018 11:24 am | |
| قصيدة افتتاح في أفريقيا
-------
صباح الخير يا دمعه حنوني
حنينك هزّني وحرّك سكوني
عملي خنسا برقّتها وصداها
وبكتر الدّمع خنسا لا تكوني
وإذا بقيت دموعك عا هواها
وبليل الشّوق لازملك معوني
كرامة دمعة المبدا ووفاها
طلبي عيوني على حسابك عيوني
بدمعة ليل بكّيتي اللّيالي
وبنور المعرفي حرقتي الجهالي
كلامك للدّني شهادة حقيقه
وبتاريخ القصايد درّ غالي
خطري بجوّ الزّجل حرّه طليقه
كتبي وغنّي القصيده بصوت عالي
الشعر شو قيمتو بعين الخليقه
إذا ما كان دمعه أو رسالي
انا عالضّيم قبلك بات جفني
وإلي مع كلّ نجمة ليل صفني
كنت بين القرايب والحبايب
غريب وما حدا منهم عرفني
بصبر أيّوب عاركت المصايب
وزماني لا رحمني ولا نصفني
وقفت ناجي أمل مجهول غايب
ابتسملي حظّ عمري بليل أعمى
وعلى أفريقيا المتلو قدفني
وبأرض النّار والغابه الرّهيبي
قلت بتخفّ عن قلبي المصيبي
وقلت برتاح من همّ القوافي
ومن الكانت إلي وصارت غريبي
وأنا عا مخدّة الوسواس غافي
بنومي عود إبكي عا نصيبي
وعندما فيق لاقي عا شفافي
كلام كتير وللي ما نسيتو
بلادي ومسرحي وأهلي وحبيبي _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: ما بدّي من جنوني طيب الخميس ديسمبر 27, 2018 9:11 am | |
| لا,لا ما بدّي من جنوني طيب
جنون الهوى خلقان كرمالي
خايف على طفل الجنون يشيب
ومع مين بدّي إسهر ليالي
يا ريتني مخبّي بْجنوني ديب
ويفلت ويكمش طيفك الغالي
حتّى بعيوني قطّبو تقطيب
من ميل كنت بلفّ خيط الشّوق
ومن ميل كان ارتاح مغزالي _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: دمعتين الأربعاء يناير 30, 2019 8:07 am | |
| دمعتين
إنت وأنا وقعنا بعتمة هالدّنـي
دموع مصفرّا من عيون الكدر
منبكي سني ومنضحك لتاني سني
ومش عارفين لـوين سايقنا القدر
لمّـا وقعـنا تعجّبت فينا السّما
والأرض صارت تسأل علينا منين
عيون الكـدر يا ريت كحّلها العما
ولا نزّلت من ضعفها هالدّمعتين
محتار شو جايين نعمل بالوجود
غُرب نحنا ما بيعرفنا حدا
شو بتفتكر إنت وأنت وإلنا الخلود
يمّا بسكوت الصّوت بيضيع الصدا
ضايعين بكون قدّ الكشتبان
وحلمـنا بليـل العبودية غفي
إبقى معي مخبّى من جنون الزّمان
هالليل ما بيحبّ فجر الفلسفي
أو روح أبرم عا دني خلقت جديد
هونيك خلف الفكر ما فيها بكي
هيدي حلم أخضر بعينين العبيد
لكن شبح أسود بعينين الذّكي
لملم حنينك ...عن ترابات الفنا
ومن هالدّني هرّب طموحك والولوع
ويلّا لحقني ...سابقك منها أنا
هالأرض مش مستاهلي تشرب دموع _________________ | |
|
| | |
Amer-H
صديق فيروزي متميز جدا
علم الدولة :
الجنس :
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
| | موضوع: حاربوا الطائفية الخميس فبراير 21, 2019 8:24 am | |
| حاربوا الطائفية
يا مهاجرين الشّرق ميّات وألوف
وساكنين بكلّ قطر وكلّ ناد
نحنا منعرف مرقت عليكن ظروف
تا كلّ واحد صار منكن سندباد
ونحنا من الأوطان جينا تا نشوف
كيف حال الجاليات بهالبلاد
شفنا ورح نحطّ النقط فوق الحروف
ونحكي الحقيقه الخاليه من الإنتقاد
الطائفيّه بعدها عا فراش صوف
قاعدي وللتفرقه إلها ولاد
وبعدو التعصُّب بالقلوب وبالكفوف
وكل مدّه بيلبُس تيابو الجداد
واجب علينا بحر إلفتنا نطوف
ونترك محمد والمسيح على الحياد
عاشو يتامى بالخيام وبالكهوف
وما علَّمونا عا التفرُّق والفساد
طيور الحسد بيناتنا صارو رفوف
والبغض بين قلوبنا تغلغل وزاد
كونو متل ما قال هاك الفيلسوف
الدين لله والوطن ملك العباد
وإدعو على شمس التعصُّب بالكسوف
والطائفيّه إلبسو عليها الحداد
وحاربوها بالقنابل والسّيوف
وحطّموها عا صخور الإتّحاد _________________ | |
|
| | |
| | الشاعر خليل روكز أبو روكز | |
|
