هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأرسل مقالالتسجيلدخول
 

 الشاعر خليل روكز أبو روكز

اذهب الى الأسفل 
2 مشترك
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: ﻣﺮّﻩ ﺭﺣﺖ ﻣﺸﻮﺍﺭ ﻋﺎ ﻣﺮﺟﺔ ﺯﻫﻮﺭ   الشاعر خليل روكز أبو روكز - صفحة 2 Emptyالأحد أبريل 29, 2018 8:51 am

ﻣﺮّﻩ ﺭﺣﺖ ﻣﺸﻮﺍﺭ ﻋﺎ ﻣﺮﺟﺔ ﺯﻫﻮﺭ … ﻓﺘّﺶ ﻋﺎ ﺯﻫﺮﻩ ﺗﺒﻴﻌﻨﻲ ﻧﻔﺤﺔ ﻋﻄﻮﺭ
ﻋﺎ ﻛﻞّ ﺯﻫﺮﻩ ﺷﻔﺖ ﻧﺤﻠﻪ ﺣﺎﻳﻤﻲ … ﺭﺟﻌﺖ ﺍﺧﺘﺼﺮﺕ ﺍﻟﺪّﺭﺏ ﻭﻋﻜﺴﺖ ﺍﻟﻤﺮﻭﺭ
ﻭﻣﻦ ﻗﺒﻞ ﻣﺎ ﺇﻣﺸﻲ ﻋﻠﻰ ﺩﺭﺏ ﺍﻟﺮﺣﻴﻞ … ﺳﻤﻌﺖ ﺷﻬﻘﺔ ﺯﻧﺒﻘﺔ ﺑﺪﻫﺎ ﺧﻠﻴﻞ
ﺗﺄﻣّﻠﺖ ﻓﻴﻬﺎ ﺷﻔﺖ ﻣﻨﻈﺮﻫﺎ ﺟﻤﻴﻞ … ﻟﻜﻦ ﻭﻫﻠﻨﻲ ﻭﺟﻮﺩﻫﺎ ﺑﻴﻦ ﺍﻟﺼّﺨﻮﺭ
ﻗﺮﺑﺖ ﻟﻴﻬﺎ ﺳﺄﻟﺘﻬﺎ ﻋﻦ ﺷﻮﻗﻬﺎ … ﻭﻟﻴﺶ ﻣﺎ ﻓﻲ ﻧﺤﻞ ﺣﺎﻳﻢ ﻓﻮﻗﻬﺎ
ﻗﺎﻟﺖ : ﻣﺎ ﺷﺎﻓﺖ ﻧﺤﻞ ﻳﻌﺠﺐ ﺫﻭﻗﻬﺎ … ﻭﻋﺎ ﻗﻮﻟﻬﺎ ﻣﺘﺄﻣّﻠﻲ ﺑﺤﺴﻦ ﺍﻷﻣﻮﺭ
ﻗﻠﺘﻠّﻬﺎ ﻭﺍﻟﻠﻮﻥ ﻣﻨّﻚ ﻭﻳﻦ ﺭﺍﺡ … ﻗﺎﻟﺖ ﺃﻧﺎ ﺑﺨﺸﺸﺖ ﻟﻮﻧﻲ ﻟﻠﺼﺒﺎﺡ
ﻭﻻﻃﻴﻪ ﺑﻘﺮﻧﻪ ﻣﻦ ﺟﻨﻮﻥ ﺍﻟﺮّﻳﺎﺡ … ﻭﻛﻮّﻣﺖ ﺣﺪّﻱ ﺣﺠﺎﺭ ﺧﻮﻑ ﻣﻦ ﺍﻟﻄّﻴﻮﺭ
ﺇﻻ ﻭﻧﺤﻠﻪ ﺑﺎﻋﺘﺘﻬﺎ ﺍﻟﺴّﻮﺳﻨﻲ … ﺳﻤﻌﺖ ﺣﻜﻲ ﻭﺟﺎﻳﻲ ﺗﺎ ﺗﻌﺮﻑ ﺷﻮ ﺑﻨﻲ
ﻭﻧّﺖ ﺑﻘﺮﺑﻲ ﻋﺮﻓﺖ ﻭﻧّﺘﻬﺎ ﺳﺆﺍﻝ … ﻗﻠﺘﻠّﻬﺎ ﺷﺎﻋﺮ ﻭﺗﺎﻳﻪ ﺑﺎﻟﺪّﻧﻲ
ﺗﺎ ﺷﻮﻑ ﺯﻫﺮﻩ ﺑﻜﺮ ﻻﺑﺴﻬﺎ ﺍﻟﻜﻤﺎﻝ … ﻣﺎ ﻳﻜﻮﻥ ﺑﺎﻳﺲ ﺗﻤّﻬﺎ ﺍﻟﻌﻴﺶ ﺍﻟﻬﻨﻲ
ﻭﻳﻜﻮﻥ ﻓﻴﻬﺎ ﺭﻭﺡ ﻣﺎ ﻓﻴﻬﺎ ﺟﻤﺎﻝ … ﺗﺒﻘﻰ ﺇﻟﻲ ﻭﺣﺪﻱ ﻭﻓﻴﻬﺎ ﺇﻋﺘﻨﻲ
ﺭﻭﺣﻲ ﻳﺎ ﻧﺤﻠﻪ ﻟﻘﻴﺖ ﻫﺎﻟﺒﻨﺖ ﺍﻟﺤﻼﻝ … ﺣﺒّﻴﺘﻬﺎ ﻭﻏﻴﺮ ﻫﻴﻚ ﻣﺎ ﺑﻴﻬﻤّﻨﻲ
ﻭﺭﻏﻢ ﺍﻟﻜﺒﺮ ﻓﻴﻬﺎ ﺷﻔﺖ ﻛﻞّ ﺍﻟﺪّﻻﻝ … ﻭﺍﻟﺤﺐّ ﻗﺪّﺍﻣﻮ ﺍﻟﺠﺒﺎﻝ ﺑﺘﻨﺤﻨﻲ
ﻫﻮﻥ ﺍﻧﻔﺮﻁ ﺑﺎﻟﻨّﺤﻞ ﻋﻘﺪ ﺍﻹﻋﺘﺪﺍﻝ … ﻭﻃﻠّﻖ ﺳﻜﻮﺗﻮ ﻭﺍﺑﺘﺪﺍ ﺑﺎﻟﻮﻧﻮﻧﻲ
ﻭﻗﻠّﻲ ﺣﻴﺎﺗﻚ ﻟﻴﺶ ﻭﺍﻗﻌﻬﺎ ﺧﻴﺎﻝ … ﻭﻃﻴﺐ ﻗﻠﺒﻚ ﻋﺎ ﺃﻟﻮﻫﻴﺘﻚ ﺟﻨﻲ
ﺣﺒّﻴﺖ ﺯﻫﺮﻩ ﻣﺎﺷﻴﻪ ﺑﺪﺭﺏ ﺍﻟﺰّﻭﺍﻝ … ﻣﺎ ﻓﻲ ﻧﺤﻞ ﺑﺎﻟﻜﻮﻥ ﺗﺎ ﻣﻨﻬﺎ ﺟﻨﻲ
ﻣﺴﻜﻴﻦ ﻳﺎ ﻃﺎﻟﺐ ﻧﺘﻴﺠﻪ ﻣﻦ ﺍﻟﻤﺤﺎﻝ … ﻭﻃﺎﻟﺐ ﺻﺒﺎ ﻣﻦ ﻗﻠﺐ ﺯﻫﺮﻩ ﻣﺘﺸﺮﻧﻲ
ﺻﻔّﻰ ﺻﻮﺍﺑﻚ ﻃﻴﺶ ﻭﻃﻤﻮﺣﻚ ﻏﺮﻭﺭ
ﺗﺄﻣّﻠﺖ ﺑﺎﻟﻨّﺤﻠﻪ ﻭﺣﻜﻴﺘﻠﻬﺎ ﺍﻟﻜﻼﻡ … ﻋﺎ ﻣﺤﻚّ ﺗﺤﻠﻴﻞ ﺍﻟﻨّﺼﺢ ﻭﺍﻹﻧﺘﻘﺎﻡ
ﺗﺸﺒّﺜﺖ ﻭﺣﺴﺒﺖ ﺍﻟﻜﻼﻡ ﻣﺠﺎﻣﻠﻲ … ﻭﺣﻜﻲ ﺍﻟﻤﺬﻣّﻪ ﺯﺍﺩﻧﻲ ﺷﻮﻕ ﻭﻫﻴﺎﻡ
ﻭﻗﻠﺘﻠﻮ ﻳﺎ ﻧﺤﻞ ﻫﻲ ﺷﻮ ﻋﺎﻣﻠﻲ … ﺗﺎ ﺗﺒﻌﺪﻭ ﻋﻨﻬﺎ ﻓﺮﻭﺽ ﺍﻹﺣﺘﺮﺍﻡ
ﻻ ﺗِﺘْﻬِﻤﻮ ﺑﺎﻟﻨّﻘﺺ ﺯﻫﺮﻩ ﻛﺎﻣﻠﻲ … ﻛﻞ ﻣﺎ ﻋﺠﺰﺗﻮ ﺗﻮﻗﻌﻮﻫﺎ ﺑﺎﻟﻐﺮﺍﻡ
ﻫﻴﺪﻱ ﻧﻜﺎﻳﻪ ﺑﺎﻟﻘﺪﺭ ﺑﻘﻴﺖ ﺇﻟﻲ … ﻭﺍﻟﺤﻆّ ﺧﺒّﺎﻫﺎ ﺇﻟﻲ ﺑﻘﺮﻧﺔ ﺳﻼﻡ
ﻭﻟﻮ ﻣﺎ ﺗﻜﻮﻥ ﺑﻜﺮ ﺍﻟﻄّﻬﺎﺭﻩ ﺣﺎﻣﻠﻲ … ﻛﺎﻥ ﺍﻟﻨّﺤﻞ ﻋﺎ ﺷﻔﺎﻓﻬﺎ ﺍﻟﺤﻠﻮﻳﻦ ﺣﺎﻡ

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: كلاب الكون عملو مظاهره   الشاعر خليل روكز أبو روكز - صفحة 2 Emptyالسبت مايو 05, 2018 6:05 am

كلاب الكون عملو مظاهره

شوفو كلاب الكون عملو مظاهره
منشان شقفة كلب طالع عالقمر
هيدا شعور هيدي نوايا طاهره
هَي عاطفه بتحطّ من قدر البشر

كلب راح على القمــر شمّ الهوا
ومات لكــن موتتو عِزّ وغِــوا
احتجّو الكلاب وصوت غيرتهم دوا
وجنّو قبل ما يصيب صاحبهم ضَرر

يا لطيف الكلــب شو عندو شعور
أكتر من الإنسان عا جنسو غيور
الكلب أوفى صاحــب بكلّ الأمور
وما بيشمت بخيّو إذا حلّ القــدر

طلعة كلب عالجوّ عملت مشكلي
ومن هون فَرق العنصريّة بينجلي
هيروشيما دمّرتها القنبلي
لا تظاهر العالم ولا جنّ الخبر

شوفو كلاب الكون عملو المستحيل
وقامو القيامي وربّحو العالم جميل
ونحنا البشر كلّ ما وقع منّا قتيل
منودّعو بمظاهرة غضّ النّظر

وين العقول الفتحت بواب السّحاب
ليش للعمران ما عملت حساب
شفنا الكرامه واعيه عند الكلاب
وكرامة الإنسان ما إلها أثر

صحاب العقول تقدّمو بالإختراع
وما تقدّمو بحلّ المشاكل والصراع
بالشرّ وصلو عالقمر بالإرتفاع
لكن عليهم خاطر الخير انكسر

يلّي احتقرتو الكلب عا شخصيّتو
يا ريت في معكن سلامة نيّتو
الإنسان مهما تقدّمت عقليّتو
كان ضلّ تفكيرو متل حلم الضرير
لو ما يلاقي كلب يطلع عالقمر

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: ثوره على الحكام ، ومطالب المغتربين   الشاعر خليل روكز أبو روكز - صفحة 2 Emptyالأحد مايو 13, 2018 9:24 am

ثوره على الحكام ، ومطالب المغتربين

يا موطني البمعزّة الطّفل الوحيد
يا زوغة الأحلام بعراس السّلام
شوقي سلاني متل دهني عالوقيد
وما سليتك لا بيقظه ولا بمنام
حملتك بأفكاري لأبعد من بعيد
وقلت لمّا ردّني ليك الهيام
يا ريتني ضلّيت ببلاد العبيد
ولا رجعت عا إشعاع أبشع من ظلام

ومن جهّتي بلبنان ما بحبّ الهجا
وبنتكي من شخص ببلادو ان هجي
لكن متى ما الشّعب للنقد التجا
المسؤول للإصلاح ممكن يلتجي
غيّابنا من بلادنا قطعوا الرّجا
وصارو بقرف من هيك حالي مرجرجي
لا تعتبو عالمغترب لو ما إجا
لو كان شايف خير ببلادو بيجي

وشو حاكلو حتّى يجي وما في نهار
بيمرق بلا سرقه وقتل وإنتحار
ولا تلومو المغترب لولا نفر
من موطنو وحطّو الملامه عالكبار
وصدفه إذا إنسان من بعد السّفر
جايي وجاهل شهوة نفوس الصّغار
إن ما عرف يكبس على إيد الغفر
بينام كلّ الليل عا باب المطار

لا تدفعوا حقّ الدّعايه وتتعبو
وتوعدو المصطاف بالكنز الثّمين
وليش حتّى نشدّ فيه ونطلبو
ونربح جميلة غرب ونفوت البنين
الغيّاب تا يزورو البلاد بيرغبو
بسّ من "جمرك" وطنهم خايفين
لا تجبروهم يتركونا ويهربو
لبنان عايش عا كتاف الغايبين

سمعنا بأرض الهند عيّنتو سفير
بيقبض معاش وبسّ ، ما بيعمل عمل
وفي لنا غيّاب اكتر من كتير
بأفريقيا من بلادهم قطعوا الأمل
بدهم قناصل يشفعو بحال الفقير
الحامل ضرايب قاسيه ما بتنحمل
لا تعيفوا إبن لبنان الكبير
في مجاهل أرض مهضوم الحقوق
ويشكي العطش والميّ عا ضهر الجمل

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: بكيت من ظلم الهوى   الشاعر خليل روكز أبو روكز - صفحة 2 Emptyالأحد مايو 20, 2018 9:37 am

بكيت من ظلم الهوى

يوم الأحد سافر حبيبي من الدّيار
لمّا تركني وراح منّي العقل طار
بكهف المصايب ناطر وحتّى يجي
بالعين دمعه مجمّره وبالقلب نار

أوّل نهار حملت قربان الفراق
وحملت عا كتافي صليب الإشتياق
ومشيت فوق الشّوق حافي للعراق
وعن قبر ليلى الباليه لملم سرار

وتاني نهار بكيت من ظلم الهوى
ولبّست عمري حداد بعراس النّوا
وصرت بجناح الوهم عربش عالهوا
تا شوف شو عندو الهوا عنّو خبار

وتالت نهار غطست في بحر الهموم
ومن سوء حظّي هون إغرق هون عوم
تا صرت في نصف النّهار شوف النّجوم
تلامس عيوني عن طريق الإنتحار

ورابع نهار وقفت عا شوار الدّني
وقّفة أليعازر على باب الغني
ورحت لعند يعقوب عاجز منحني
نبكي الهنا وختيار يندب إختيار

وخامس نهار بجرح بعدو ما اندمل
غرّقت حالي والجرح مبرك جمل
وبقيت حياتي معلّقه بخيط الأمل
آخ ما أصعب حياة الإنتظار,,,

وسادس نهار دورّت جنّاز السّرور
وعا نغمة الأحزان علّمت الطّيور
وزرعت روحي في ترابات القبور
يا حسرتي خمّنت بتردّ البدار

وسابع نهار غفيت عا فراش الإبر
ويا ريت أيوب النّبي متلي صبر
وعن حالتي ودّيت "للخنسا" خبر
وعا "صخر حزني" تعلّمت تنظم شعار

وتامن نهار دخلت عا سجن الكدر
ناجي خيال الولف بلسان الحجر
وعدت حفرت رسمو على درب القمر
وقلت بلكي بيلمحو خلف السّتار

وتاسع نهار صرخت يا شمس وقفي
شو سارقه وبين الحبال ملفلفي
جيبي حبيبي من قبل ما تختفي
يمّا بجيب الليل وبشيل النهار

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: قصيدة تذكار    الشاعر خليل روكز أبو روكز - صفحة 2 Emptyالثلاثاء مايو 29, 2018 7:35 am

قصيدة تذكار :
بعدك بفكري ولو كنت عنك بعيد
وكل ما بعدت عنك غرامي عم يزيد
ومهما يقولوا البعد والغربة جفا
لاتصدقي بعدو معي حبك جديد
وكل ماعليي ينشلح ليل الجفا
بسهر بربي بغربتي طفل الوفا
وببعت إلك حصة عيوني من الغفا
ودمعة حنين بكل بيت من القصيد
هديتك من عيوني الغفا تاتشبعي
نوم الهنا وأحلام خضرا تقشعي
حتى تشوفي بغفوتك حبك معي
ورسمك بإيد ومحرمة ذكرك بإيد
مالي سمير على النوى غير النوى
وذكريات بخاطري تقسم نوا
إنتي عا تلة برد وجليد وهوا
وقلبي بصحرا شوق أقوى من الوقيد
وبينك وبيني كل شي طال المدى
الله وكيلك ماهتف قلبي لحدا
ومن كتر ماتمتمت إسمك ياهدى
صار غنية على شفاف العبيد
ولو بتعرفي قديش عندي إشتياق
شوقي إلك شوق الملوح للعراق
وشوق والد دوبو جمر الفراق
حتى عيونو يقشعوا طفلو الوحيد
وديت عالميلاد روحي زنبقة
عنوان حبي البكر صورها البقا
حتى تعزيكي بميلاد اللقا
وترجع تهنيكي على الفصح المجيد
عتبتي وقلتي ليش مابتبعت سلام
وماوصلك المكتوب شو عليي ملام
وديت لك مكتوب نهدات وهيام
يمكن يكون الحبر نشف عالورق
يما احترق في قلب صندوق الحديد

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: كلمة المرسال   الشاعر خليل روكز أبو روكز - صفحة 2 Emptyالأحد يونيو 03, 2018 7:52 am

كلمة المرسال والفيها
لازم على هالحدّ نلغيها
ونجيب لون جديد للمنبر
يرقّص الناس على كراسيها
شو قيمة المرسال لو خبّر
عن عظمة الجنّه وباريها
المرسال بالبنيان مش أخبر
بمهندس الحاره وبانيها
وعا نوح لمّا الأزرق تجبّر
وبسفينتو فزعو أهاليها
ما بفتكر أنّو غصن أخضر
ردّ السّفينه عا شواطيها
ويللي بروما كرستو عمّر
هيدي نْبَنِت عا إسم فاديها
قلت الهوا مرسال شو معتّر
وشو نفسك بعيدي أمانيها
نسمة البتجبلك هوا أصفر
موسى الكمال لازم تسمّيها
تذكرت كلمه قالها عنتر
بعدا المراجل عم بتحكيها
لو رسلت رمحي مع جبان أسمر
بيقدر بإسمي الجنّ يمحيها
ما في نبي برعيّتو فكّر
قبل الرّساله يكون راعيها
لو ما الرّساله عالنّبي تظهر
ويكلّفو فيها مودّيها
ومهما النّبي بشرع البشر يكبر
ويشعّ نورو في لياليها
بتضلّ كلمة " الله و أكــبـــر"
مش بسّ أكبر من نبي مرسول
أكبر من الأرض وبما فيها

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: من شوق روحي   الشاعر خليل روكز أبو روكز - صفحة 2 Emptyالأربعاء يونيو 06, 2018 7:05 am

شروقي

من شوق روحي إلك يابو العيون السّود
كلّفت عنّي الهوى ياخدلك رسالي
وبلّش يروح الهوا عاديرتك ويعود
مصفرّ لونو متل تشرين آمالي
يرجع بخيبه وأسف مدري الدّرب مسدود
مدري بوجهو خبر عن حيّكن خالي
يردّ الرّساله الكنت بوصولها موعود
وصير الكتبتو أنا عيدو على حالي
هاجرت حيّ الهنا قلبي عا شو مسنود
وعرفت غيرك حدا ما عاد يحلالي
رح ضلّ طول العمر عا محبتك محسود
ومقتول عمري معك وبقول نيّالي
بعدو حنيني إلك متل القشر عالعود
وبهديك نومي الغميق وبسهر ليالي
كرمال قلبي المعك يا أسمراني عود
بغياب خيط التّلاقي تخّ مغزالي
من ميل عا غيبتك ببكي أمل مفقود
وبقول راح الحبيب الأسمر الغالي
ومن ميل تاني معي عم بقشعك موجود
طيفك بعيني وإنت سهران في بالي

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: بماضي الزّمن   الشاعر خليل روكز أبو روكز - صفحة 2 Emptyالأربعاء يونيو 13, 2018 5:59 am

بماضي الزّمن ?ان الذّ?ي وإبن الحلال
يعمل نبي ويفرض وجودو عالمجال
يا غبن قلبي عالمضى وعا ?لّ حال
ماتو القِيم والرخص سيطر عالرّجال
صار الغبي بالواسطه يعمل نبي
والزّلحفه تقدّ المراجل عالغزال

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: مشوشره   الشاعر خليل روكز أبو روكز - صفحة 2 Emptyالأربعاء يونيو 13, 2018 6:53 am

مشوشره

تمشي وحلم جديد يمشي قبالها
ومن جهلها توقف تحاكي حالها
وعم ترقص اللهفه بعينيها الزّغار
مش قاشعه بهالكون إلّا حالها

والشّمس عا شوار النّهار مسرّبي
فوق الشّفق وقفت غريبه مسرسبي
ومنها اندبح عالموج شعرا مدهبي
استغبن عليها الليل نخّ وشالها

وداب السّراب وبلّشو يطلّو النّجوم
والطقس رايق لا رياح ولا غيوم
والنّاس شلحت خلفها تياب الهموم
وهالبنت مدري مين شاغل بالها

مشوشره تشحد من النّسمه خبر
تمشي وتوقف تحت إجريها إبر
وختيار شايب كلّخ سنانو الكبر
شروة مسا بغمزه وكلمه مالها

وبالليل باعت قلبها للإختيار
ومن هيك صار الليل مسخرة النّهار
تشرين صار يضحك بعرس الإنتصار
ونوّار يبكي عا ورد آمالها

بموجة شقاها ضاع مركب سعدها
وللهنا الأبيض ما وفيت وعدها
دشّرتها بحضن التّعاسي وبعدها
تمشي وحلم جديد يمشي قبالها

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: شو جيت أعمل عا دني فيها النّظام   الشاعر خليل روكز أبو روكز - صفحة 2 Emptyالجمعة يونيو 22, 2018 7:33 am



شو جيت أعمل عا دني فيها النّظام
بتخلقو وبتخنقو رجال العظام
دنية غرور العدل فيها مِنبِني
عالواسطه وعمواهب الفهم السّلام
ومسخَّر القانون فيها للغني
وللمال والملبوس ?لّ الإحترام
ما عاش فيها غير أهل الخَيخَني
وأهل المباخر والدّمع والإبتسام
قلِّت صحاب الصّدق والمبدا فِني
ومات الوفا وتقطَّع رباط ال?لام
وفسدِت الأخلاق والشّامخ حِني
وقلّ الحلال و?ترِت ولاد الحرام
وسرّ الطَّمع بالنّاس علّه مزمني
والخياني من البدايي للختام
وبالنّاس أجواخ النَّوايا مبطّني
بحيّات سوء وشوك والظّاهر خزام
ولمّا الدّني ?انت جديده م?وًَّني
مع آدم ورَبُّو وقع أول خصام
وقايين أول شخص عا خيّو جِني
لأجل الطّمع بالمُلك وبكبر المقام
وهاك الغراب ال?ان في عَيشو هَني
و?َلّفو نوح النّبي يجبلو علام
لو ما ي?ون من خلقتو ترابو دَني
ما ?ان وَجهو اسوَدّ وابيَضّ الحمام
ويوضاس شو ?ان حا?لو للملعني
تا يقبض الفضّه ثمن فادي الأنام
و?انت على وَجهو الخياني مبَيّني
بسرّ العشا وبين الأبانا والسّلام
وبطرس ال?ان إسمو وزير المَيمَني
بح?ومة الفادي ومن رجالو ال?رام
شكك بقدس معلّمو عالهَيِّني
وعا صياح الديك بالن?ران قام
هيدي دِني بصبغة خياني ملوَّني
وفيها انزرع بزر الشّ?وك بدل الزّمام
وما زالها بعهد الخلقها خايني
فينا إذا بتخون ما عليها ملام
يا دِني ضلّي بوجهي مسَودني
وخلّي لغيري وجهِك بلاطة رخام
أمرك على الحالَين ما بيهمّني
تمرَّد ضمير الطّين وانفَكّ اللحام
لَي?ي أنا ما جيت عن قصد وعَني
جيت لَي?ي عن درب س?رة غرام
وندمان بترَجّى الخلاص يردّني
يا ريت ?انت يقظتي في?ي مَنام
يا دِني لا تسأليني شو بني
عامل عا شرع ال?ون ثورة إنتقام
بيصعَب عليّي شوف زهرة سَوسَني
بين شو?ات العبوديّه تنام
وروحي بتتألَّم عا ورده مفرعني
حَرّموها المَيّ يبست بال?مام
وقلبي بيوجعني عا دُرّه متمَّني
هامت بصايغها وقتل فيها الهيام
يا ريت قادر أحصر سنيني بسِني
وينتهي عمري الملتَّم بالظّلام
بلا جميلِتك ردّي ترابك يا دِني
أفضل إلي ما شوف ناس معذَّبين
وفي ?لّ شبر تراب عضم وجمجمي

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: المنبر بس اوقف عا خشابو   الشاعر خليل روكز أبو روكز - صفحة 2 Emptyالسبت يونيو 30, 2018 12:01 pm

المنبر بس اوقف عا خشابو
ما بعرف ليش بيشبرق شبابو
مدري بيعرف سنيني قصيري
مدري بيفرح بقلبي وعذابو
حملت الهم في عنقي ذخيره
كرامة ناس من دون هم شابو
ولو ما احمل مصايب كتيره
طموحي كانت انشلت عصابو
ما بحسد فرحة الطفله الزغيره
ولا أيوب عا خفة مصابو
ولا داوود عالتوبه الأخيره
ولا موسى الكليم على كتابو
ولا بحسد ملك حاكم عشيره
ولا الحامل قنابل عا جنابو
ولا حسدت المعري ولا الحريري
ولا سحبات وائل عا خطابو
ولا بحسد نبي مليان غيري
ولا قبر المسيح ولا ترابو
ولا جبران عا فكارو الغزيره
ولا شروق الهلال ولا غيابو
ما بحسد قصر مرمر في جزيره
ولا العندو عبيد على بوابو
ولا القانع على شقفة حصيره
ولا العندو فبارك عا حسابو
وما بحسد صاحب النعمه الكبيره
ولا البيكون ورماني جيابو
وإذا بتحلفوني في ضميري
ما بحسد غير هالبيكون متلي
غني بالفقر ومحبة صحابو ..

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: صرخة - خليل روكز    الشاعر خليل روكز أبو روكز - صفحة 2 Emptyالأحد أغسطس 26, 2018 11:10 am

صرخة

اختفي يا ليل فقري من قبالي
وَعيي ما بقا يطيق الليالي
وبعد ما كان رسمالي خمولي
طلع فجري كسرلي "راسمالي"

أنا ما خلقت حتّى عيش خامل
خلقت رافق مراحل عمر كامل
نزلت من ورشة الإيّام حامل
معي ضدّ العبوديّي رسالي

خلقت شاعر معي أفكار شتّى
وسما شعري وعي عالحلّ شتّى
وأنا جايي على هالكون حتّى
إتمرّد عا حكم "الإرتجالي"

أنا شاعر وتفكيري تسامى
عن المدح المخصّص "للنشامى"
خلقت ثوره من دموع اليتامى
كفرت بالظّلم ، وكرهت العدالي

كرهت العدل حيث العدل نادر
وجودو ، وما إلو حقل وبيادر
كفرت بالظّلم حيث الظّلم صادر
على حقوق العبيد من "الموالي"

عشقت مذهب مساواة الخليقه
ودرب بين الخيالي والحقيقه
وزرعت من الأمل أجمل حديقه
وسجنت اليأس وقتلت الجهالي

أنا تركت الهنا عشقت المصيبي
تا أعرف عدوّي من حبيبي
وأنا ما خلقت إقنع في نصيبي
نصيبي الذلّ وطموحي المعالي

كنت إمّي الفزع والضّعف بيّي
نكرت أهلي ومعي حرّرت خيّي
الضعف بيعود يستولي عليي
إذا ما خلقت من ضعفي بسالي

كنت من عازتي "للبيك"غنّي
وكان الوهم مالك قسم منّي
"التحرر" كشّح الأوهام عنّي
ولبّسني الوعي بدلة كمالي

يا شعّار "التّغزّل" في وطنّا
اتبعو شاعر بفكرة شعب غنّا
ولازم كل مقطع شعر منّا
ينقل شعب من حالي لحالي

تعو بتحقيق هالفكره نجاهد
ونبني للشعر أرقى معاهد
شبع فنّ المعنّى من "المشاهد"
وقرفنا من "غزل شايف غزالي"

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: لمّا كنت شلفون   الشاعر خليل روكز أبو روكز - صفحة 2 Emptyالجمعة أغسطس 31, 2018 6:31 am

لمّا كنت شلفون

لمّا كنت شلفون بالعشرين
مين كان متلي وكان قدّي مين
ما كنت عامل شغلتي إلّا
شبرق شبابي وإلحق الحلوين

كنت مغرم بالعيون السّود
ومحبوب نجمي وطالعي مسعود
وفي وقتها وين ما كنت موجود
يبقو بنات الحيّ فرحانين

وكان في عندي حبيبة قلب
فتّش عليها الحيّ شرق وغرب
وكنّا انشفنا بعضنا عالدّرب
عالدّرب نقضي الليل سهرانين

كنّا انتركنا بعضنا نبكي
دمعة حنين قلوب مشتبكي
وكنّا إذا لعبنا على الدّبكي
يحسبونا الناس سكرانين

كانت ليالي البَسط حلوي كتير
آخ لو بتعود شو بيصير
كنّا منرجع للهوى بكّير
تخمين بيعود المضى تخمين؟

ما كنت حاسب للزمان حساب
ولا كنت عارف كيف غيري شاب
وخمّنت مش رح يبرم الدّولاب
تاري دواليب الهوى مجانين

وكان لي فصل زينة تلات فصول
فصل الرّبيع الأخضر المقبول
نوّار ودّعني وإجا أيلول
وتشرين لاحقني ورا تشرين

ضاع الشّموخ بلين أخلاقي
وفطّمو عنبات أشواقي
ودبلت غصوني ويبست وراقي
متل ما بتيبس وراق التّين

صار عمري عذاب عا حلّو
وتعشعش بجمسي الوجع كلّو
ويا غبن قلبي عليك يا خلّو
تصير من بعد الهنا مسكين
وتطلع من العشرين للستّين

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: يوم عرسي - خليل روكز أبو روكز   الشاعر خليل روكز أبو روكز - صفحة 2 Emptyالسبت سبتمبر 01, 2018 8:44 am

يوم عرسي
احكمني بدون ميول منحازي
وحلّل عِقَد شعري وألغازي
شاعر أنا مصوّر ببّو العين
وعامل جفوني كحل بروازي
متل المعرّي بمجمع البحرين
يلملم أدب عن ذيل غنبازي
الشيطان والمرأه إجوني تنين
ووسوسولي بجنّة الجازي
ونزّلو الصوره على إيدين
برواز حامل لوح وقزازي
وبدل ما أوعا على زندين
وإغفى عا حنوّة إيد هزّازي
فاقت عيوني حامله جرحين
تنزف مدامع لونها فرازي
وحوّم على حظّي غراب البين
ينعي حياتي الما لها عازي
يعني أنا شفت الدّني يومين
يوم عرسي الحامل التابوت
تا يلفّني في يوم جنّازي

عم تطلبي بالحبّ حاكيكي
وزوّر حنيني وحبّ إهديكي
شو بتعرفي من الحبّ غير حرفين
دابو على خشونة أياديكي
استرجلي يا دابحه الجنسين
وعيشي بغشاوة جهل تعميكي
من جهتي عندي عيون تنين
من نورها بضوّي لياليكي
وما زالني شاعر ما بترك عين
ترخّص النّظره وتلتقي فيكي

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 2 Empty
مُساهمةموضوع: فكاهية - بو حنّا    الشاعر خليل روكز أبو روكز - صفحة 2 Emptyالثلاثاء سبتمبر 11, 2018 7:19 am

بو حنّا "زلمي"ختيار
وتاجر متقدّم بالكار
عايش ما بينام الليل
تا يربّي ولادو القصّار
---
عايش بالقلّي ومديون
والبيت ولادو أطفال
متل عصافير الطيون
بينطبّ عليهم غربال
وفي عندو حنا شلفون
رفيقو بيكلّ الأشغال
وعادات التّاجر بيكون
في عندو "زماله" بالبيت
وبو حنّا حمارو بالدّار
---
قامو غدويّة بكير
وشدّو عالجحش الأغبر
ومشيو مسافه كبيرة كتير
شي ساعه الله أخبر
بو حنّا قلّو يا زغير
ركبلك شقله تا تكبر
حنا قلّو ما بيصير
يا بيي حسب القانون
البيّ بيركب عالحمار
---
بو حنا دغري تعلّا
عالأغبر برّانيّه
وما مشيو مسافه إلّا
تلاقى بدفر مكاريّه
سلّم الله حيّا الله
ولكنهن قالو سويه
يا تعتيرك من الله
كيف انت بتركب عالجحش
وبتمشّي إبنك مشوار
---
لمّا شاف الشغله هيك
بو حنا، حوّل بالحال
قلّو وكرامة عينيك
يا ابني بتتمشّى مجال
وحنا تعلّا متل البيك
إلّا وتلاقى برجّال
قلّو عيب الشوم عليك
بييك ماشي وراكب إنت !
لازم تمشي ليل نهار
---
حنّا ما عاد استنّا
وتا يمشي متل الماضي
حوّل يمشي ويتأنّى
تا يلاقي واحد راضي
مشيو حنّا وبو حنّا
والأغبر ماشي فاضي
وهيك الجحش بيتمنّى
يمشي فاضي كلّ الدّرب
مريّح ظهرو من التّجّار
---
حنّا صار ماشي بالورب
وبو حنا ظهرو حاني
وبين الطرح وبين الضرب
تلاقو بمكاري تاني
"قلّن"والله بدكم ضرب
إنتو من أيّا دياني
كيف بتمشوا كلّ الدّرب
ومعكم جحش كبير كتير
بالطّلعه بيحمل قنطار
---
دغري الجماعه تعلّو
عالجحش وقاموا غاره
وصاروا عالدّرب يصلّو
تا تخلص هالتّجاره
وإلا مكاريّه طلّو
من أصحاب الشّطاره
واحد لرفيقو قلّو
كيف بيسوى جحش زغير
يحمل جوز رجال كبار!!
---
نزلو يمشو عالأقدام
ومن حكي الناس احتارو
ساعتها بو حنّا قام
يسب ويلعن مشوارو
صار حنّا يمشي قدّام
وبو حنّا يسوق حمارو
ونحنا هيك بهالإيّام
متل حكاية بو حنّا
صاير فينا جهار نهار
---

_________________
الشاعر خليل روكز أبو روكز - صفحة 2 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
 
الشاعر خليل روكز أبو روكز
الرجوع الى أعلى الصفحة 
صفحة 2 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية
 مواضيع مماثلة
-
» الشاعر خليل روكز في ضيف ودف
» قصايد زجل
» مختارات من أعمال ومؤلفات جبران خليل جبران
» أسكتشات فيروز
» الشاعر حنا الأسعد

صلاحيات هذا المنتدى:لاتستطيع الرد على المواضيع في هذا المنتدى
 :: 000{ القسم الأدبي والشعري }000 :: أصدقاء شعر الزجل والكلام المحكي-
انتقل الى: