الشاعر خليل روكز أبو روكز

ﻣﺮّﻩ ﺭﺣﺖ ﻣﺸﻮﺍﺭ ﻋﺎ ﻣﺮﺟﺔ ﺯﻫﻮﺭ … ﻓﺘّﺶ ﻋﺎ ﺯﻫﺮﻩ ﺗﺒﻴﻌﻨﻲ ﻧﻔﺤﺔ ﻋﻄﻮﺭ
ﻋﺎ ﻛﻞّ ﺯﻫﺮﻩ ﺷﻔﺖ ﻧﺤﻠﻪ ﺣﺎﻳﻤﻲ … ﺭﺟﻌﺖ ﺍﺧﺘﺼﺮﺕ ﺍﻟﺪّﺭﺏ ﻭﻋﻜﺴﺖ ﺍﻟﻤﺮﻭﺭ
ﻭﻣﻦ ﻗﺒﻞ ﻣﺎ ﺇﻣﺸﻲ ﻋﻠﻰ ﺩﺭﺏ ﺍﻟﺮﺣﻴﻞ … ﺳﻤﻌﺖ ﺷﻬﻘﺔ ﺯﻧﺒﻘﺔ ﺑﺪﻫﺎ ﺧﻠﻴﻞ
ﺗﺄﻣّﻠﺖ ﻓﻴﻬﺎ ﺷﻔﺖ ﻣﻨﻈﺮﻫﺎ ﺟﻤﻴﻞ … ﻟﻜﻦ ﻭﻫﻠﻨﻲ ﻭﺟﻮﺩﻫﺎ ﺑﻴﻦ ﺍﻟﺼّﺨﻮﺭ
ﻗﺮﺑﺖ ﻟﻴﻬﺎ ﺳﺄﻟﺘﻬﺎ ﻋﻦ ﺷﻮﻗﻬﺎ … ﻭﻟﻴﺶ ﻣﺎ ﻓﻲ ﻧﺤﻞ ﺣﺎﻳﻢ ﻓﻮﻗﻬﺎ
ﻗﺎﻟﺖ : ﻣﺎ ﺷﺎﻓﺖ ﻧﺤﻞ ﻳﻌﺠﺐ ﺫﻭﻗﻬﺎ … ﻭﻋﺎ ﻗﻮﻟﻬﺎ ﻣﺘﺄﻣّﻠﻲ ﺑﺤﺴﻦ ﺍﻷﻣﻮﺭ
ﻗﻠﺘﻠّﻬﺎ ﻭﺍﻟﻠﻮﻥ ﻣﻨّﻚ ﻭﻳﻦ ﺭﺍﺡ … ﻗﺎﻟﺖ ﺃﻧﺎ ﺑﺨﺸﺸﺖ ﻟﻮﻧﻲ ﻟﻠﺼﺒﺎﺡ
ﻭﻻﻃﻴﻪ ﺑﻘﺮﻧﻪ ﻣﻦ ﺟﻨﻮﻥ ﺍﻟﺮّﻳﺎﺡ … ﻭﻛﻮّﻣﺖ ﺣﺪّﻱ ﺣﺠﺎﺭ ﺧﻮﻑ ﻣﻦ ﺍﻟﻄّﻴﻮﺭ
ﺇﻻ ﻭﻧﺤﻠﻪ ﺑﺎﻋﺘﺘﻬﺎ ﺍﻟﺴّﻮﺳﻨﻲ … ﺳﻤﻌﺖ ﺣﻜﻲ ﻭﺟﺎﻳﻲ ﺗﺎ ﺗﻌﺮﻑ ﺷﻮ ﺑﻨﻲ
ﻭﻧّﺖ ﺑﻘﺮﺑﻲ ﻋﺮﻓﺖ ﻭﻧّﺘﻬﺎ ﺳﺆﺍﻝ … ﻗﻠﺘﻠّﻬﺎ ﺷﺎﻋﺮ ﻭﺗﺎﻳﻪ ﺑﺎﻟﺪّﻧﻲ
ﺗﺎ ﺷﻮﻑ ﺯﻫﺮﻩ ﺑﻜﺮ ﻻﺑﺴﻬﺎ ﺍﻟﻜﻤﺎﻝ … ﻣﺎ ﻳﻜﻮﻥ ﺑﺎﻳﺲ ﺗﻤّﻬﺎ ﺍﻟﻌﻴﺶ ﺍﻟﻬﻨﻲ
ﻭﻳﻜﻮﻥ ﻓﻴﻬﺎ ﺭﻭﺡ ﻣﺎ ﻓﻴﻬﺎ ﺟﻤﺎﻝ … ﺗﺒﻘﻰ ﺇﻟﻲ ﻭﺣﺪﻱ ﻭﻓﻴﻬﺎ ﺇﻋﺘﻨﻲ
ﺭﻭﺣﻲ ﻳﺎ ﻧﺤﻠﻪ ﻟﻘﻴﺖ ﻫﺎﻟﺒﻨﺖ ﺍﻟﺤﻼﻝ … ﺣﺒّﻴﺘﻬﺎ ﻭﻏﻴﺮ ﻫﻴﻚ ﻣﺎ ﺑﻴﻬﻤّﻨﻲ
ﻭﺭﻏﻢ ﺍﻟﻜﺒﺮ ﻓﻴﻬﺎ ﺷﻔﺖ ﻛﻞّ ﺍﻟﺪّﻻﻝ … ﻭﺍﻟﺤﺐّ ﻗﺪّﺍﻣﻮ ﺍﻟﺠﺒﺎﻝ ﺑﺘﻨﺤﻨﻲ
ﻫﻮﻥ ﺍﻧﻔﺮﻁ ﺑﺎﻟﻨّﺤﻞ ﻋﻘﺪ ﺍﻹﻋﺘﺪﺍﻝ … ﻭﻃﻠّﻖ ﺳﻜﻮﺗﻮ ﻭﺍﺑﺘﺪﺍ ﺑﺎﻟﻮﻧﻮﻧﻲ
ﻭﻗﻠّﻲ ﺣﻴﺎﺗﻚ ﻟﻴﺶ ﻭﺍﻗﻌﻬﺎ ﺧﻴﺎﻝ … ﻭﻃﻴﺐ ﻗﻠﺒﻚ ﻋﺎ ﺃﻟﻮﻫﻴﺘﻚ ﺟﻨﻲ
ﺣﺒّﻴﺖ ﺯﻫﺮﻩ ﻣﺎﺷﻴﻪ ﺑﺪﺭﺏ ﺍﻟﺰّﻭﺍﻝ … ﻣﺎ ﻓﻲ ﻧﺤﻞ ﺑﺎﻟﻜﻮﻥ ﺗﺎ ﻣﻨﻬﺎ ﺟﻨﻲ
ﻣﺴﻜﻴﻦ ﻳﺎ ﻃﺎﻟﺐ ﻧﺘﻴﺠﻪ ﻣﻦ ﺍﻟﻤﺤﺎﻝ … ﻭﻃﺎﻟﺐ ﺻﺒﺎ ﻣﻦ ﻗﻠﺐ ﺯﻫﺮﻩ ﻣﺘﺸﺮﻧﻲ
ﺻﻔّﻰ ﺻﻮﺍﺑﻚ ﻃﻴﺶ ﻭﻃﻤﻮﺣﻚ ﻏﺮﻭﺭ
ﺗﺄﻣّﻠﺖ ﺑﺎﻟﻨّﺤﻠﻪ ﻭﺣﻜﻴﺘﻠﻬﺎ ﺍﻟﻜﻼﻡ … ﻋﺎ ﻣﺤﻚّ ﺗﺤﻠﻴﻞ ﺍﻟﻨّﺼﺢ ﻭﺍﻹﻧﺘﻘﺎﻡ
ﺗﺸﺒّﺜﺖ ﻭﺣﺴﺒﺖ ﺍﻟﻜﻼﻡ ﻣﺠﺎﻣﻠﻲ … ﻭﺣﻜﻲ ﺍﻟﻤﺬﻣّﻪ ﺯﺍﺩﻧﻲ ﺷﻮﻕ ﻭﻫﻴﺎﻡ
ﻭﻗﻠﺘﻠﻮ ﻳﺎ ﻧﺤﻞ ﻫﻲ ﺷﻮ ﻋﺎﻣﻠﻲ … ﺗﺎ ﺗﺒﻌﺪﻭ ﻋﻨﻬﺎ ﻓﺮﻭﺽ ﺍﻹﺣﺘﺮﺍﻡ
ﻻ ﺗِﺘْﻬِﻤﻮ ﺑﺎﻟﻨّﻘﺺ ﺯﻫﺮﻩ ﻛﺎﻣﻠﻲ … ﻛﻞ ﻣﺎ ﻋﺠﺰﺗﻮ ﺗﻮﻗﻌﻮﻫﺎ ﺑﺎﻟﻐﺮﺍﻡ
ﻫﻴﺪﻱ ﻧﻜﺎﻳﻪ ﺑﺎﻟﻘﺪﺭ ﺑﻘﻴﺖ ﺇﻟﻲ … ﻭﺍﻟﺤﻆّ ﺧﺒّﺎﻫﺎ ﺇﻟﻲ ﺑﻘﺮﻧﺔ ﺳﻼﻡ
ﻭﻟﻮ ﻣﺎ ﺗﻜﻮﻥ ﺑﻜﺮ ﺍﻟﻄّﻬﺎﺭﻩ ﺣﺎﻣﻠﻲ … ﻛﺎﻥ ﺍﻟﻨّﺤﻞ ﻋﺎ ﺷﻔﺎﻓﻬﺎ ﺍﻟﺤﻠﻮﻳﻦ ﺣﺎﻡ