هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأرسل مقالالتسجيلدخول
 

 الشاعر خليل روكز أبو روكز

اذهب الى الأسفل 
2 مشترك
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: المقبرة    الشاعر خليل روكز أبو روكز - صفحة 4 Emptyالخميس فبراير 21, 2019 8:29 am

المقبرة
ما زال رح تبقي عا ضعفي مكبرة
وما زال ما في عفو عند المقدرة
انشالله تموتي وما حدا بدفنك يجي
وقيمك لوحدي ووصلك عالمقبرة
وصدفي ان اجا انسان تا يحمل معي
بقلو تركني وبالوصيه بتدعي
من ميل تحت النعش بخفي مدمعي
ومن ميل تاني بكون حامل جوهرة
وكل فشخه كنت بقعد بستريح
بزيح الغطا وبتأمل بوجهك مليح
وبسقي شفافك من عطش قلبي الجريح
وبطلب من عيونك شفاعه ومغفرة
وكل ما ارتحت ورجعت قيمك من جديد
بصير صلي تا القبر يبقى بعيد
ومنشان اشبع والنعش يشبع نهيد
شبعة أبد حامل بنعش الآخرة
وغني فراقيات وسنيني الكتار
يدوبو عا داير نعشك الأخضر غبار
ونوقع انا والنعش آخرة النهار
وقعة ابن مريم عا درب الناصرة
وبرجع بقيم النعش عن ارض الهموم
وبشحد شوية عمر من عمر الغيوم
وبعود امشي هون اوقع هون قوم
وضيع نهاري بالمشي وعند الغياب
نوصل انا وانتي سوا عالمقبرة

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: الحرّيّه والفقير   الشاعر خليل روكز أبو روكز - صفحة 4 Emptyالخميس فبراير 28, 2019 7:04 am

الحريه والفقير
مش حرّ يحكي مع جماعه معلّمين
ومش حرّ يلبس متل ملبوس الذّوات
ومش حرّ يرقص عا قبور الميّتين
ومش حرّ من مال الخزينه يقول هات
ومش حرّ يطلب مصلحه من الظّالمين
ومش حرّ يبقى بلا ضريبه بالحياة
ومش حرّ يصرف قدّ ما بدّو طحين
يا حسرتو مش حرّ حتّى بالممات

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: تعي يا شمس في شعري تمرّي   الشاعر خليل روكز أبو روكز - صفحة 4 Emptyالجمعة أبريل 05, 2019 6:39 am

تعي يا شمس في شعري تمرّي
إذا فوق الدّنــــي بدّك تمــــرّي
اغطسي وشيلي البلاغه من خيالي
ورشّيها على قبــــر المعــــرّي
أنا بلبل أسرنــــي إعتــــدالي
بصدر قصر الملك صفّى مقرّي
كنت متلك رخيص وصرت غالي
عندما عطيت للإنسان سرّي
ياما كنت ما نــــام الليالــــي
وشوك الشّنطلي جناحي يعرّي
وكلما كنت غطّ على الدّوالي
شوف صحابها متل التّحرّي
وهلّق صار فيلي مقام عالي
نسّاني الهنا قهــــري ومرّي
شفت النّور من بعد الجهالي
ومنعت الرّيح أسراري يدرّي
أنا رضيت بقفص وارتاح بالي
عفت النّاس من خيري وشرّي
ولمّا صرت جوّي حفظت حالي
وإنت كرمــــال حرّيّة جناحك
خلقت برّي وقضيت العمر برّي

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: إلى عام 1956   الشاعر خليل روكز أبو روكز - صفحة 4 Emptyالأحد أبريل 14, 2019 6:29 pm

إلى عام 1956
روحي والله لا يردلك خبر
يا قجة الويلات يا كفر القدر
رقمك رسم حيلة بفردوس الحساب
وست بنت الست حوا بالصرر
يا عاملي بكون السلامي انقلاب
كل معنى الشر من قلبك ظهر
بعتب عا تقويم الطبيعة وعا كتاب
حملك هالمسافة الطويلة وما كفر
ما في رقم ستة من التاريخ غاب
الا ما يترك بالشقا مأتم اثر
كل ستة في لها حكاية عذاب
عند ما منعيد بالماضي النظر
ستة شهر ايار مشنقة الشباب
بلبنان والتاريخ حافل بالصور
وثورة الستين منها الطفل شاب
بجزين وبتدين وبدير القمر
بيكفي رقم ستعش اعظم حرب جاب
وستة شهر نيسان فادينا انقبر
وسته وتلاتين الدني باربع جناب
هزها هتلر النازي وافتخر
الستات عنوان البلا من كل باب
قالها سيد فرنسا وما اعتذر
الستة رقم منحوس ابشع من غراب
والعن من الستات انشف من حجر
وانتي يا حضرة ستنا يا مدللي
جيتي ورحتي بالمصايب كاملي
من كوريا للما ماو كان القتال
ومن الجزائر للمحيط الساحلي
ومن المجر لجبال سينا للقتال
وبالصين وبقبرص جهنم شاعلي
وببلادنا ضربات من كل الشكال
من حريق مفجع وطوفة بو علي
ومن فقر من امراض تفتك بالعيال
وبالآخرة كملت بهزه وزلزلي
وجدري وهوا اصفر وشهوة احتلال
وافلاس بين الطالعة والنازلي
وطفرة هوس للحكم بعقول الرجال
واعمال تخريب وخليقة مقلقلي
وعقجقة فنا وكفر ورذيلة واحتيال
ودقون عا زرع التعصب مفضلي
روحي انقبري ناطرك قبر الزوال
شبعنا من وجودك تعاسة وبهدلي
خلقتي عجيبة لا حياة ولا جمال
بيك دهر عاجز وامك عاطلي
مليح الخلصتي ولو دلالك بعد طال
معقول اكتر ما عملتي تعملي
الله لا يردك بقا عا كل حال
ويضل رقمك ساقط من المنزلي
معليش لو سنين الدني صاروا قلال
وخليوا من الستات لديار البلي
القلة بلا ويلات خير من الكمال
وحلوي الدني للاصل ترجع كاملي
وهاك الضلع يرجع لخاصرة الذكر
ويا رقم سبعة يا علامة انتصار
اهلا وسهلا بطلعتك متأملبن
ونشوف كون الخربو غيرك عمار
وسفن الرجا توصل على الشاطي الامين
ومهاجرين بلادنا الخلف البحار
يعودوا لوطننا وما يضلوا مهاجرين
وهالاجئين العاملين الخيش دار
انشالله يعودوا عا وطنهم سالمين
ونشوف كفر المنفعة والاحتكار
تحولوا منافع لخير العالمين
ونشاهد ( الذرة ) بدل بركان نار
تصفي مصانع للتياب وللطحين
ونشوف ميدان التسابق عالدمار
صفى تسابق للمبادي الصالحين
ويرتاح شعب الارض من فرض الحصار
وتفنى المطامع باليسار وباليمين
وما نعود نسمع في بشر تحكم بشر

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: تلات تجّار   الشاعر خليل روكز أبو روكز - صفحة 4 Emptyالثلاثاء مايو 28, 2019 6:41 am

تلات تجّار
تشاركو مرّه تلات تجّار
وكانو بأمر المصلحه شطّار
وهالتّلاته جمّعو رسمال
من كلّ واحد خمسميّة دينار
وهالتّلاته جمّعو رسمال
وصفّو النّوايا وراقت الأحوال
والسّوق ماشي باشرو الأعمال
ونزلو تلاتهن على بيروت
والتقو في قهوّة النّجار
ونزلو تلاتهن على بيروت
والرّبح كان مسوكر ومثبوت
استأجرو غرفه بتلات تخوت
بأوتيل حدّ البحر مبني جديد
يوم الخميس بأربعه نوّار
بأوتيل حدّ البحر مبني جديد
جنبو برندا بجملة عواميد
قدّ السّرايا بتقشعو من بعيد
بسّ صاحبتو حزينه كتير
دولابها بالعكس معها دار
بسّ صاحبتو حزينه كتير
معتّره ومرمّلي بكّير
وزادها همّ وشقا وتعتير
موت زوجا وستّ سبع ولاد
ما بقي غير إبنها إدوار
موت زوجا وستّ سبع ولاد
إدوار وحدو الموت عنّو حاد
ومن نهد إمّو كان ياخد زاد
والله سعفها وعمّرت حاره
وعايشي بالكدّ والدّبّار
الله سعفها وعمّرت حاره
ما بتملك غيرها باره
أوتيلها بتدير بشطاره
ومن شروط أوتيلها بتقول
للأمانه مخصّصه جرّار
ومن شروط أوتيلها بتقول
وضع الأمانه عندنا مقبول
التّجّار شافو شرطها معقول
قالو لها استلمي أمانتنا
تا نكون في مأمن من الأخطار
قالو لها استلمي أمانتنا
ومن غير ما نحضر تلاتتنا
ما تسلّمينا قرش لو متنا
وعالبحر نزلو يعملو حمّام
في يوم شوب وشمس للزّنّار
وعالبحر نزلو يعملو حمّام
واحد ورا وتنين مشو قدّام
وقلّهم لا منشفه ولا حرام
جينا جهاله بتنحسب منّا
وبيجرّصونا النّاس عيب وعار
جينا جهاله بتنحسب منّا
البيشوفنا شو رح يقول عنّا
ونادى رفاقو مصطفى وحنّا
رح روح مشوار انطروني شوي
بلكي يلاقي بالأوتيل ستار
رح روح مشوار انطروني شوي
وتا كنت جيت تستّرو بالميّ
مش لايقه مقابيل أهل الحيّ
راح قلّها يا ستّ بدنا نفلّ
للأمانه مخصصه جرّار
وراح قلّها يا ستّ بدنا نفلّ
استعجلي تا نروح قبل الكلّ
شروه رخيصه بتربح وبتغلّ
دخلك قوام استعجلي هاتي
عطينا الأمانه ناطر السّمسار
دخلك قوام استعجلي هاتي
واقفين بالشّمس رفقاتي
قالت أمانه صحابها تلاتي
لإنسان وحدو ما بسلّمها
ولا نسيت كيف الشّرط معنا صار
لإنسان وحدو ما بسلّمها
صار الكفوف عالخدّ يلطمها
ونادى رفاقو وقال كلّمها
يا مصطفى بدها التلاته نكون
ما بتقبل بالشّروط غيار
يا مصطفى بدها التلاته نكون
وحدي أنا تخمين مش مأمون
وميولها بمعنى الرّفيق يمون
وما مضى عالحادث دقيقه
حتّى حمل كيس المصاري وطار
وما مضى عالحادث دقيقه
شعرو الرّفاق بالدّقّ تطبيقا
ومخصوص كانو بحالة الضّيقه
وطلعو وصارو يسألو عنّو
وما في حدا منهن عرفلو قرار
وطلعو وصارو يسألو عنّو
أربع خمس ساعات ما كنّو
ولمّا انقطع حبل الأمل منّو
مسكو الخزينه وقدّمو فيها
دعوه وقاضي المحكمه جبّار
مسكو الخزينه وقدّمو فيها
دعوه بقاع السّجن ترميها
إمّا أمانتهم تأدّيها
ومن بساطة سيدنا القاضي
بيحكم عليها تدفع المقدار
ومن بساطة سيدنا القاضي
وحتّى يعود المدّعي راضي
حضرتو عالغشمني ماضي
رجعت تحلّش شعرها وتبكي
وإبنها بيلعب بأرض الدّار
رجعت تحلّش شعرها وتبكي
ولمين بدها أمرها تشكي
"إدوار " قلّا شو بكي إحكي
خبّرت إدوار بالقصه
بالمحكمه القاضي عليها جار
خبّرت إدوار بالقصّه
القاضي ظلمها بغيرها توصّى
وما رحم بيصوتها الغصّه
إدوار قلّا تصبّري شويّي
ومن هالقبيل لا تشغلي الأفكار
"إدوار" قلّا تصبّري شويّي
دعوه بسيطه توكّلي عليّي
بتربحيها الف بالميّه
وراح صوب المحكمه ماشي
بهمّه قويّه متل شهب النّار
وراح صوب المحكمه ماشي
وقلّو يا قاضي الحقّ متلاشي
أو إنها عينيك غشّاشي
بأيّا نظام حكمت عا إمّي
تخمين نبع العدل عندك غار
بأيّا نظام حكمت عا إمّي
وتارك الوجدان والدّمّي
قلّو يا إبني المسأله مهمّي
شغل إمّك ما حدا عملو
عطيت مصاري مصطفى لخطّار
شغل إمّك ما حدا عملو
بيسوى حقوق النّاس ينهملو؟
من واجبات الحقّ إحكملو
قلّو الأمانه حاضره معها
مقدّسي ما في عليها غبار
قلّو الأمانه حاضره معها
قلّو الرئيس: ليش ما بتدفعها ؟
إدوار ، قلّو بضلّ وادعها
وتنينهم ما بيقبضو ملّيم
ما زال في منهم رفيق دوّار
وتنينهم ما بيقبضو ملّيم
وهيك كان الشّرط بالتّسليم
ياما رجال ما فاتها تعليم
وياما طفالى فضّت مشاكل
بيعجزو عنها رجال كبار

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: حنين   الشاعر خليل روكز أبو روكز - صفحة 4 Emptyالأحد يونيو 09, 2019 8:54 am

حنين
راحو حباب القلب وبقينا … نستفقِد لزهوِة ليالينا
وبدل الغزل ننظّم فراقيّات … ونبكي على مدفن أمانينا
ما عاد إلنا بالعمر لذّات … ناطرين الموت يطوينا
وصرنا نشوف صحابنا حيّات … والدّرب تستتقِل إذا مشينا
يا حباب كيف الحب فيكن مات … تا تحاكمونا قبل ما خطينا
وصرتو علينا تلفّقو حكايات … ونحنا منعنا الناس تحكينا
نحنا خلقنا ندوب غنّيات … وإنتو تركتو البعد يكوينا
وتا تعرفو شو قيمة الدمعات … إنشالله بتبكو متل ما بكينا
رحتو وشو نفع التمنيّات … صرنا متل مركب بلا مينا
بتحطّنا وبتشيلنا الموجات … وما في حدا عالشطّ يهدينا
عن بعضها شو بتفرق الكلمات … متل فرق الشّهد والكينا
كلمة بخاطركن بلا بسمات … مش متل كلمة مرحباً جينا
رحتو وراحِت زهوة الحفلات … ومتل الغُرب ببلادنا صفينا
إنتو نسيتو الحب والرعشات … ونحنا إنشالله نموت لو نسينا
رحتو وحتى ترجعو هيهات … يا شماتة الحاضِر بماضينا
ما ضلّ عِنّا غير النهدات … البِقيت عا فرقتكن تسلّينا
وكاسة خمر عا سفرة اللوعات … حمرا ومازتها مآسينا
نسهر وعنكن نِسأل النجمات … بلكي خبر عنكن بتعطينا
غابو النجوم وغِفيت السمكات … ونحنا عن التذكار ما غفينا
منحبّ نغفى وخايف الغفوات … من جوعنا للطيف يأذينا
رحتو وصرنا نكلّف النسمات … تودّيلكن جرحِة غنانينا
ونبعَت دموع برفقة الغيمات … تا كل ما مرقِت على صنّين
تذكّر حبايب قلبنا فينا

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: رجعي يا نعمة عصور القديمي   الشاعر خليل روكز أبو روكز - صفحة 4 Emptyالسبت يونيو 29, 2019 6:26 am

رجعي يا نعمة عصور القديمي
يا مهد الحب والنية السليمي
انا دايب عا ساعة ملتقاكي
ونار الشوق عم ترعى صميمي
قدر ما يغيب عن عيني حلاكي
بنفسي ذكرياتك مستديمي
وعيوني شاردي بتركض وراكي
ركض عين اليتيم على وليمي
وانت لو عرفت مين ل عمتحاكي
على التفضيل ما بتعمل عزيمي
الحاضر شوك والماضي فواكي
إذا بتبحث عن رموز العظيمي
وقدر ما تقشع التربون ذاكي
وظريف الطول وشديد العزيمي
ما كنت بتقشعو حامل وتاكي
لو ما صحة الشجرة سليمي
انا وبيي بتفكيري شراكي
الكريمة بنتها بتطلع كريمي
وعلى ذكر العباية والحياكي
كل ما تعتقت بتزيد قيمي
بكيت على القديم بقلب شاكي
وعلى الماضي وطريقو المستقيمي
وانا مش بس وحدي اليوم باكي
بكي المجد وبكي لبنان كلو
عند ما غيرو تيابو القديمي

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: رد: الشاعر خليل روكز أبو روكز   الشاعر خليل روكز أبو روكز - صفحة 4 Emptyالجمعة يوليو 12, 2019 9:25 am

رِبْيت يَتيمي بْكوخ متواضع حقير
وغير الله ما لها عون ونصير
تغزل وتلبس من شغل دَيها تياب
وأحيان تعتاز العَصايي مْن الضرير
كلْ شي مضا عْليها شقى ، همّ وعذاب
قانعة و مستسلمة لحكم المصير
بعمر البدر متل الندي بقلب العشاب
بيشهقلها الزنبق على حفافي الغدير
وليلة شتي وعالكون غضبان السحاب
والأرض صارت تحت أمر الزمهرير
وكوخ اليتيمه مْن الشتي والرعد عاب
والميّ طافت عالفراش وعالحصير
جنّ الهوا وبالكوخ ما خلّا بواب
و الحيط فسّخ و السّقف بلّش يطير
والبنت تبكي والهوا يزق الخشاب
وتقول يا ربي لا تقطع بالفقير
ترجف يتيمة وما بقا إلها ركاب
تقيمها ، وصارت تنادي وتستجير
هربِت مْن الكوخ لِحْقوها الدياب
وعالدرب صارت بالغصب عنها تسير
قطعت أملها وقلبها مْن الخوف داب
وصار الخلاص بعينها حبلو قصير
وصارت تصلّي بْقلبها تا الربّ جاب
للذيب رحمة وهوّن الأمر العسير
خلصت بِأعجوبة من صْحاب النياب
ودخلت ع جنة صاحب البيت الكبير
للخياني البنت ما عملت حساب
والجار عند الجار بيأمّن كتير
علقت متل عصفور بِمْخالب عقاب
ومن توب عفّتها انسحب خيط الحرير
وهون انطفا نور الحيا والوعي غاب
واستفرس المارد على الطفل الزغير
تصرخ يتيمة ومين بيرّد الجواب
ليلة جهالة وغافيه عْيون الضمير
وين المُربّي البَعد منّو الطهر ساب
ووين إيد الكانت تهّز السرير
شَعر الأمانة بإبن أربعتعش شاب
وشَهد الشهامة صار حنظل بالقفير
وانتحرت العفّة بكفر طيش الشباب
وطهر الفُتّوة صار للّذة أسير
وينك يا الله ليش ما بتعمل حساب
إنت الوَعدت الكون باليوم الأخير
حلّها تطلع الشمس من الغياب
وحلّك مْن الأرض تسحب هالسفير
هالكون لازملو خراب وإنقلاب
شو بعد ناطر لازم تدق النفير
بْلا مواخذي لملم بْقايا هالكتاب
وْ لو سْألتني شو صار ببقا بجاوبك
أكتر مِن اللّي صار شو بدو يصير

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: خليل روكز يكتب عن السيدة فيروز    الشاعر خليل روكز أبو روكز - صفحة 4 Emptyالأحد يوليو 14, 2019 6:32 am


خليل روكز يكتب عن السيدة فيروز

مدري صلاة الطير بالوديان....مدري صدى نغمة جرس فرحان
مدري إله مجهول مدري جن....مدري صنوج بهيكل الإيمان
موجات بيضا بتعقل وبتجن....احلام طفلة مناولة القربان
مسبحة بتكر ما بتكن....بتقول بعد وبعد نسيت كان
نحلة ما عرفت ليش عم بتعن ....طاهرة وعم تطلب الغفران
مش معود قلبها عالظن....وما عندها اغلى من النسيان
فيروز صوتك تكتكة بو الحن....بروحك صباح السحر والألحان
عجقة نحاس بنغمتك بترن....بمهباج فضة مزوزقو فنان
الله عا مثلك ما بقى بيحن....بصوت خمري كون من الوان
يا راهبة اخلاق انتي من....هون من دير الالوهية
من مركع الاجيال من لبنان

مهما الدني تخلق جمال وزهر ..... وعنب الكرم يحمر بيتموز
ومهما السما تخزن عفاف وطهر....وتعطي من الممنوع والبيجوز
ومهما يغنو الساقية والنهر....ويعملو اعياد للنيروز
وعاقد ما يفرفك عيونو الدهر....وينام تا يحلم بليلة قدر
ما بيحلم بتحفة مثل فيروز

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: شوفو البشر وصلو على النجمات   الشاعر خليل روكز أبو روكز - صفحة 4 Emptyالسبت يوليو 20, 2019 6:13 am

شوفو البشر وصلو على النجمات
اكتشفو وجود الدنية التاني
ويمكن بعد أربع خمس رحلات
بيصير إلهن كون فوقاني
ونحنا اكتشفنا كون من غايات
تا نفضّل ديانة على ديانة
صْواريخنا مْذاهب وحزبيات
يعني صرفنا عمرنا كلو
بالبحث بين مسلم ونصراني
قالو المسيحيين عن يسوع
انو ابن الله ومن الأمجاد
وقالت الإسلام شي ممنوع
كيف رب العرش عندو ولاد؟!
وكل ما قْصدت تغيير هالموضوع
وقلت خلو ربنا عا حياد
بيتهموني اخوت ومنزوع
وعندي لحب الكفر إستعداد
نحنا بحرب الإقتصاد والجوع
ليش تا نبحث برب عباد
ان كان عندو ابن أو مقطوع
خلو النتيجة لْساعة الميعاد
حلوة العبادة تضحية وخشوع
عا رنة الناقوس والإنشاد
بس مش حلوة على المجموع
كل جمعة، خمس ست عياد
قومو معي حتى نشد طلوع
وعالإختراع نعلم الأحفاد
العلم بيخلي العبد مرفوع
والجهل للأحرار إستعباد
أحرار نحنا وحقنا مشروع
الدنيا طريدة والذكي صياد
وحتى نصلّح نقصنا المتبوع
بدنا التعصب ينمحي منا
ونلحّم البولاد عالبولاد

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: بتوعى الحقيقه الفيك غفياني   الشاعر خليل روكز أبو روكز - صفحة 4 Emptyالأربعاء يوليو 24, 2019 6:55 am

يا ريت يا بو عيون رمداني
بتوعى الحقيقه الفيك غفياني
وبتموت غايه صدقها كذّاب
ومحْل الضّمير بيعمل عياني
والبومة العنّك نظرها غاب
عرفت بجسمك نفس جوعاني
ومن بعد ما شبعت نحس وعذاب
فتحت نظرها بوجه إنساني
البومي بشرعي أفضل من عقاب
شكلو جميل وعالحجل جاني
من الطّبيعه وشرعها القلّاب
قدّيش خللو نفوس منهاني
البومي متل ديب السكن بالغاب
جرمو أكل لحمة غنم ضاني
مش بسّ وحدو ديب نحنا دياب
نيابنا من اللحم خرساني
وتا نترك البومه ونقرا كتاب
بتحليل بنيانك وبنياني
ونشرّح الراسين للأحباب
ونشوف ايّا عين رجحاني
راسي عَقِد كلّين مالو بواب
لمّا بناه تمجّد الباني
والريح صار يصفر من الإعجاب
في هيك قلعة مجد عمراني
لكن إذا لراسك عملنا حساب
مفتوح اوّل باب عالتّاني
ما بتزعجو الارياح والاسباب
الرّيح بدّو بيت تا يهدّو
شو لذّتو ببيوت خرباني

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: يا شاربين الخمر   الشاعر خليل روكز أبو روكز - صفحة 4 Emptyالجمعة يوليو 26, 2019 6:18 am

يا شاربين الخمر تا يولّد سرور
ويخدّر الأعصاب ويخطّي اللسان
ويحلّل الممنوع ..في كلّ الأمور
ويزرع بخير النّفس ثورة كفر جان
يا ريت متلي بتسكرو بعيون حور
وبالزّنبق البيموج تحت الأرجوان
كاس الهوى بالعكس عن كلّ الخمور
بيسقي السِّكر للسِّكر وبيبقى ملان

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: عزّة النّفس   الشاعر خليل روكز أبو روكز - صفحة 4 Emptyالسبت أغسطس 03, 2019 6:13 am

عزّة النّفس
مهما زغرت لا تقول عن غيرك کبير
بطمنّك ما في کبير بهالدّني
احتّك بالنّاس انْ شفت حالك زغير
بالإحتکاك بترتفع ما بتنحني
لا تيأس ولا تقول عن باعك قصير
حبّ الأمل بيجبلك العيش الهني
ساعة مروّه بيغتني فيها الفقير
وساعة مرض بتنفّض جياب الغني

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: خليل روكز - حوا    الشاعر خليل روكز أبو روكز - صفحة 4 Emptyالأحد أغسطس 11, 2019 9:14 am


خليل روكز - حوا
من بعد خبرة اربعه وعشرين عام
عرفت اسرار الدني في وجه عام
وعرفت حوا لا اماني ولا ضمير
لا بتشبع ولا عيونها بتشبع طعام
عنزه وجوع عيونها بيركض كتير
للامام وما بتوصل للامام
حوا خشونة شوك وليونة حرير
حوا حراره وبرد دمع وابتسام
حوا هدير بحور موسيقة غدير
حوا غضبها حرب بسمتها سلام
حوا صباح النور بعيون الضرير
حوا عمى وبارود شر وانتقام
حوا بكون الحب نحله بلا قفير
وعطفها عصفور مجهول المقام
من كل زهره في لها مصة عبير
ومطرح ما بتحب الغفا بتقدر تنام
جنسها من الطير والطير الزغير
بيظهر لاهلو عاطفي وحب وهيام
بيضل يشحد ريش تا يقدر يطير
وبيطير ما بيقول عا العش السلام
حوا بعين العاطفي هيكل حقير
انعم واودع من زغاليل الحمام
لكن بعين العقل يا الله المجير
فيها بداية شر ما الها ختام
حوا مرض عا صاحب العقل الكبير
ودولة مصايب لا شريعه ولا نظام
لكن مصيبتها على جاهل فقير
اخفق من دموع الصباح على الخزام
حوا بتكره كل من فيها خبير
ومع نقصها بتهوى التشبه بالكرام
حوا بشرعي متل شقفه من الحصير
لو ما العصا ما تعرفت عالاحترام
ان ما تنفضو غبراتها بيوم القصير
بيعشعشو بطياتها غبار الحرام
من خداعها الثعلب خداع بيستنير
الافعى وحوا من فرد معدن تمام
كل الدني قدامها مرجة غرام
ولو فتشو عا مصايب الكون الكبير
من قلبها بيتعرفو عالاحتكار

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
Amer-H
صديق فيروزي متميز جدا
صديق فيروزي متميز جدا
Amer-H


علم الدولة : Syria
الجنس : ذكر
المشاركات : 9801
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007

الشاعر خليل روكز أبو روكز - صفحة 4 Empty
مُساهمةموضوع: رباعيات – للشاعر خليل روكز   الشاعر خليل روكز أبو روكز - صفحة 4 Emptyالسبت يناير 18, 2020 9:31 am

رباعيات – للشاعر خليل روكز

* السيجارة *
كلك خسارة ظاهرة وشربك حرام *** بتسرقي من الجسم شي ما بينسرق
يا ما جبرتي ناس من خاص الكرام *** يسألوا الشحاد عنك لو مرق
واكتر من العيش في الك احترام *** يا رفيقة القهوة ويا اخت العرق
بتحرقيني وفي الك عندي غرام *** عن غرام العامري ما بينفرق

* حبة عنب *
بنت شقرا وعلقت بدين العبيد *** ومع امها ما كملت مشوارها
وصاروا عليها شيل ايد وحط ايد *** تاخبصوها وجارها ما جارها
ونزلوها في براميل الحديد *** يا ويلهن مش عارفين اسرارها
ومن بعد مية الف غلوة عالوقيد *** دمها بيعود ياخد تارها

* الحسود *
من تراب الأرض كمشة الرب شال *** وحط فيها مي من عين الطمع
وشال منها الجاذبية والجمال *** وفوقها لعنات دهرية جمع
وصبها انسان معدوم الكمال *** لا بيشبع ولا دينتو بتشبع سمع
ولزق عاوجهو وجه سيفورس وقال *** ما حدا غيرك عدو المجتمع

* الطبيعة *
انت شلحتيني غريب بهالديار *** عأرض فيها ما الي مفلش حصير
عطيني صبر أيوب من فضلك نهار *** ومني خذي برق ورعيد وزمهرير
عطيني عقل طفل وبساطة اختيار *** واستقرضي من خاطري وخز الضمير
عطيني بمشاع الأرض مطرح للعمار *** تاعمرو وباركلك بكلمة فقير

*الغني والبخيل *
وحدك انت ماشي على درب الأصول *** ويحكو البشر ابقى مسكر مسمعك
مهما عملت ما بتقنع صحاب العقول *** والحكي لا بيضرك ولا بينفعك
صحة وهنا عاقلبك تبحبح وكول *** رزقك الله شو دعوة العالم معك
ولما حدا بيطالبك لازم تقول *** مثل ما الله شبعني بيشبعك

* صوت نفسي *
مثل صهلة مهر جن بلا لجام *** يما جبل من فوق شي وادي حني
او مثل زأرة نمر بوادي العظام *** يما مثل هدرة حجار المطحني
او مثل سكرة غول من بعد صيام *** يما مثل شخرة طبيعة مسودني
او مثل شي مارد خلع باب النظام *** وعميصرخ من بعيد تايهز الدني

*************

_________________
الشاعر خليل روكز أبو روكز - صفحة 4 2-1410
الرجوع الى أعلى الصفحة اذهب الى الأسفل
http://www.fairouzehfriends.com/contact.forum
 
الشاعر خليل روكز أبو روكز
الرجوع الى أعلى الصفحة 
صفحة 4 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية
 مواضيع مماثلة
-
» الشاعر خليل روكز في ضيف ودف
» قصايد زجل
» مختارات من أعمال ومؤلفات جبران خليل جبران
» أسكتشات فيروز
» الشاعر حنا الأسعد

صلاحيات هذا المنتدى:لاتستطيع الرد على المواضيع في هذا المنتدى
 :: 000{ القسم الأدبي والشعري }000 :: أصدقاء شعر الزجل والكلام المحكي-
انتقل الى: