الكبة اللبنانية

مقادير الكبة :
المقادير كلها تقريبية وحسب الأذواق وكما اللحم بقر أو عجل أو غنم حسب ذوق كل فرد..
500 غرام لحم عجل هبرة، مفروم
800 غرام برغل ناعم اكيد برغل اسمر
1 بصلة متوسطة الحجم، مقشرة ومفرومة فرماً ناعماً
1 ملعقة صغيرة ملح او حسب الرغبة
نصف ملعقة صغيرة فلفل أسود
1ملعقة صغيرة بهار
1ملعقة صغيرة قرفة
مقادير الحشوة:
500 غرام لحم مفروم فرماً ناعماً (ممكن يكون بقر )
1 بصلة كبيرة، مقشرة ومفرومة فرماً ناعماً
1 ملعقة صغيرة ملح
1/4 كوب صنوبر محمص بس انتبهوا ما يحترق عشان بتحمص بسرعة اكيد نقليه بشوية زيت
1/4 ملعقة صغيرة فلفل أسود
طريقه عمل الحشوة :يقلي البصل المفروم وتضاف اللحمه وتقلي وتضاف جميع البهارات الملح والصنوبر..
طريقه عمل عجينة الكبة :
ـ ينقع البرغل بالماء لمدة 15 دقائق ويوضع بالمصفاة . تفرم البصلة بماكينة الفرم الكهربائية ثم يضاف إليها اللحم المفروم وتفرم مجدداً على دفعات.
يرفع خليط اللحم من الماكينة ويوضع جانباً
ـ يضاف خليط اللحم والملح والبهار والقرفة إلى البرغل واطحنيهم على دفعات بماكينة الفرم الكهربائية
اعجني مزيج اللحم والبرغل بيدين مبللتين بالماء البارد لتصبح العجينة ناعمة ومتماسكة. ضعيها في الثلاجة مغطاة لمدة 30 دقيقة.
حضري اقراصاً صغيرة من الكبة بحجم 5 سنتم واحشيها بالحشوة المحضرة . وتقلي بالزيت الحامي وتقدم فورا.
واذا اخترنا ان تكون كبه بالصينيه لا تقرص انما ناتي بصينه وتدهن بقليل من الزيت وتمد عجينه الكبه بتساوي 2 سم
وتوضع الحشوه على الكبة ويمد طبقة ثانيه من الكبه 2 سنتم فوق حشوة اللحمه وتقطع في الصينية ونضع فوقها قطعتين من الزبدة وندخلها الفرن وبتاخد ثلث ساعه تقريبا في الفرن
ملاحظه عجينة الكبه مش محتاجه لماء لان البرغل سيكون تشرب ماء النقع في ناس بتحط ماء بس انا بلاقي مش ضروري عشان اسهل
في المد والتقريص اذا كانت الكبه جامدة نوعا ما..انا بعمل الطريقتين عطول في البيت واذا كنت مستعجلة بعملها بالصينية
عشان التقريص بياخد وقت وممكن اذا لم يتوفر لحم العجل استعمل لحم البقر بس اصولها بلحم العجل..
ولاتنسو انو في الكبة النية والكبة المشوية وكبة البطاطا وكبة اليقطين ...
وألف صحة وهنا على قلوبكم
...............

...................

ياحلاوة الكبة بكل أنواعها ..بعرف من البيت بدها شغل وشد عضلات ..بس حلوة لمة أهل البيت عالكبة يسلماو إيديك ولو في شي شوية لبنية أو كشلك ومدعبله ..ههههه
شكرا ريما ويسلمو ايديك

ريحة شوي الكبة وصلت لهون عالوادي ..دخليكم ك عرق أو قولو لنا وين عم تشو..
يعطيكم العافية عالموضوع

اهلا بكل اللي علقوا عالموضوع ..هوي صحيح اكلة الكبة بدها شغل وسوية تعب ، بس بمساعدة الفرامة والامهات اللي تعودوا عالأكلة لازم الصبايا والجيل الجديد يتعلم ويتعود يساويها
وهي اكلة مفيدة جدا .شكرا لكم .

ريتو يسلملي هالايدين عالكبة المشوية وبالصينية وحدا يعلمنا كبة نية
من الاكلات العائلية الغالية على قلوب الجميع
يعطيكم العافيه

يسلموا ايديك على الكبة ...انا بحبها كثير بكل أشكالها، اللبنية والصينية والمقلية والمشوية...