تعالوا نتعرف أكثر على بعض

كيف بتعرف عن نفسها قمر فيروزة بعدة كلمات

والله أنا شيفة أنو قمر فيروزة غايب هيك بتخجلينا كنا متسلين معكم باللعبة ...يلا شو رأيكم نختار حدا ثاني ونقاعب قمر فيروزة بأنها تكتب 10 مواضيع في كل نهار ولمدة 3 أيام ههههههه وهي لحالها بتختار ...

والله يكثر خيرك ياجون اللي عم بتقول كل صبايا ضيعتك قمار هذا ذوق وتقدير منك
بس ليش هالأميركانية بقولوا والله أخذانا كل قمار فيروزة لأمريكا .
.............
شكرا لكل المشتركين بهالموقع وفعلا الكل مذوقين ..يعني انا ماشفت مثله موقع كله ورود وكلمات حلوة وأقوال عن سيدنا يسوع المسيح
يارب تحميه وتقوي اللي عم بيديروه.
يا أخت باسمة : أنا ماني مكملة جامعة وهواياتي أدبية وبحب اللغة كثير في حياتي العملية يعني ككل فتاة من هالمجتمع دراسة وقراءة وشوية كتابة وأعمال البيت ومساعدة أمي في أعمال البيت من طبخ وتنظيف وهي بتعلمني كل شيء الله يخليلي اياها ويخلي كل الامهات .
تحياتي

جواب جون :
أنتم بفيروزة بعد مابعيش الواحد 40 سنة لسع بقولوا فلان صدي أو من الفرقلس أو قيرواني مع أنو نحن كلنا صدية ..لذلك أنا بالأصل مو من فيروزة بس ساكنين فيها .
أنا دراستي أدبية في مجال الاداب .
مو كل اللي يكبرونا سنا على حق ولا كلهم على غلط ولكن لابد من سماع بعض النصايح منهم ..لانو المثل بيقول من يكبرك بيوم أعلم منك بسنة بس هوي مو صح بكل الأوقات بس هيك بتعلمنا الحياة .
...........................
جواب ديما :
أنا ماكثير بأمن بالاحلام ولا بكلام الابراج ..بس كل حلمي أن يكونو جميع أهلي وأصدقائي بخير وبصة جيدة ولايصيبهم مكروه ..بعيد الشر عن الجميع.
على المدى البعيد يعني مابضمن حالي عيش لاسبوع لانو كل شي بيد الرب ، بس ان عشت الله يوفقني والتقي بفارس احلامي وكون اسرة مثل كل فتاة .
..............
جواب رامونا:
يعني أنا مبعتف أكذب بحياتي مو كل الايام بروح على الكنيسة بس أغلب المناسبات والاعياد بحاول أني روح وصلي مالي شي نشاطات أخري وماني مشتركة باي جمعية أو أخوية .
............
شكرا لكم

حلو النقاش بهيك موضوع وخاصة انو صار في فيروزة تقريبا من كل القرى الصدية
وحلو نقاشه بموضوع خاص لانو كثير صار لازم ينلغي عنهم اسم فيروزي .
أنا حابة أسأل بالموضوع تعالو نتعرف أكثرعلى بعض وبسأل سمر شو يعني مشوار التدريجة بفيروزة بالنسبة لك.

عذروني لغيابي عنكم يا أصدقاء مثل ماقلت سابقا...
ولكن لازم نكمل معكم الموضوع حتى تتعرفوا أكثر على صديق جديد لما تقولو سمر تركتنا وراحت لأنو المثل بيقول وأجعلوا ختامها مسك ...
جوابي ياعاشقة فيروزة كل مين بيعتز بضيعته اللي ولد فيها حتى لو كنا كلنا صدية .
كثير من المناسبات العامة والأحتفالات في فيروزة حلوة و لكن بعض الأحيان بنلاحظ فلان ايده طايلة أكثر من البعض وكأنو هن كل شيء بدون ذكر أسماء بص لو شفنا بعض الصور في بعض المواقع
يمكن الواحد بيلاحظ هالشيء فيكن تشفو بعض الصور بدير مار الياس ولحالكن تقيموا الحالة.
.................
يا أخ جون ..يمكنك طلعت بردك شوي عن الموضوع ..نحن مابدنا نقول فلان شو عمل وفلان تنصل من أصله ومن خدمة ضيعته ولكن كل مين بيعرف شو اللي عم يقدمه لأهل
ضيعته والقصة ماهي مزاودة بالعلن ولكن من يقدم بيده اليسرى يجب أن لاتعلم بها اليد اليمنى وياريت لو هالبلديات اللي عم تحكي عنها تترك هالشغلة بيكون أحسن لكم ولنا
لأنو البلدية بالأسم فقط أنا لهلق ماشفت عضو بلدية عندكم كتب موضوع بموقع لأهل فيروزي. ولا حتى ساوا موقع باسمهم
حتى الناس تتواصل معهم ..حاجي صور إنجازات البلدية كل يوم بموقع ياعيبشوم ..
................
جوابي ياسميرة التدريجة يمكن أنها موجودة بكل القرى والبلدات ولكن مميزة شوي بفيروزة بس يمكن دوما عم تخلق مشاكل مو معروف شو سببها او سببها موجود وماحدا قادر يغير فيه شيء
...............
أسفة لأني طولت عليكم وياريت تختاروا صديق أو صديقة جديدة حتى نتعرف عليهم .