تعالوا نتعرف أكثر على بعض

تعالوا نتعرف أكثر على بعض :
الموضوع يمكن مكرر في أكثر من موقع بس حبيت أني أطرحه حتى نتعرف على بعض أكثر
واللي بتتوجه له الأسئلة له حرية الأختيار بالإجابة إما يجاوب أو يترك السؤال بلا جواب
يعني ممكن تكون الأسئلة كثير شخصية ..وكل 4 أيام بيتبدل الواحد أو الوحدة واللي ببدله اللي عم بجاوب
وانا هلق بحط اسم Eliasحتى يجاوب وأسئلتي هي:
ـ شو رأيك بعلاقة الصداقة بين الشب والبنت
ـ شو هن هواياتك المفضلة على الكمبيوتر
ان شاء الله تعجبكن اللعبة وتتجاوبوا معها
تحياتي
تعالوا نتعرف أكثر على بعض Icon_basketball

مشكورة ياقمر فيروزة عالفكرة ولكن هيك حطيني أول واحد باللعبة ولكن مشكورة على كل حال
وأنا رح جاوب عن أسئلتكم جميعا حسب المستطاع ويال لحقوا حالكم وأسألوا بس لاتكثروا ههههههههه
وأجوبتي يا قمر فيروزة هي :
ـ شو رأيك بعلاقة الصداقة بين الشب والبنت :
والله لازم يكون هنيك علاقة صادقة بين الشب والبنت تقوم على أساس الثقة المتبادلة والإحترام وتحت علم الأهل،
،يعني لازم يقولوا للأهل وين رايحين إذا طلوا شي زيارة سوا،
ـ شو هن هواياتك المفضلة على الكمبيوتر :
أنا ماكثير مهتم بامور الكمبيوتر التقنية بس بعرف دخول بعض المواقع للكتابة وكذلك المسنجر للمحادثة
مع الأصدقاء وكم لعبة وتسلاية ..ومشاهدة صور للسهرات لأهل القريه
.............
تحياتي

والله الفكرة حلوة وأنا بدوري بسألك يا لياس :
ـ ماهو مطربك أو مطربتك المفضلة وشو رأيك بالتراث القديم من الغناء.
ـ ماهو رقمك في أفراد أسرتك وماهي دراستك !
...............
تحياتي
تعالوا نتعرف أكثر على بعض Icon_arrow

_________________
تعالوا نتعرف أكثر على بعض 2-1410

وانا بدوري بدي اسأل :
ـ شو اكثر شي بيزعجك بحياتك العامة.
ـ حصل أنك شي مرة زرت لبنان ، شو أفضل مدينة بتحب تزورها بلبنان.

كارل .........
ـ ماهو مطربك أو مطربتك المفضلة وشو رأيك بالتراث القديم من الغناء.
من المطربين جورج وسوف ومن المطربات فيروز.
لازم يبقى التراث القديم حتى نعرف مين نحنا لانو اللي مالو تراث مالو تاريخ.
ـ ماهو رقمك في أفراد أسرتك وماهي دراستك !
أنا بكون الثاني ونحن فقط ثلاثة ولادان وبنت. دراستي خدمات فندقية.
...................

غنوة .........
ـ شو اكثر شي بيزعجك بحياتك العامة.
أكثر شيء بيزعجني المواعيد الغير دقيقة في الحياة العامة وبعد ماحدا بيتأخرشي ساعتين مابقول لاتواخذوني.
ـ حصل أنك شي مرة زرت لبنان ، شو أفضل مدينة بتحب تزورها بلبنان.
يس أنا زرت لبنان وأشتغلت بلبنان لفترة قصيرة . كل مدن لبنان حلوة وأحلاها بعلبك ...

الله عليك يا الياس وأنا بدي أسأل
ـ هل تؤمن بالحب من أول نظرة
ـ طالما أنك دارس خدمات فندقية شو هي الأكلة اللي حابب تعزمنا عليها.
ـ شو بتوحي الكلمات التالية : الحب، الصداقة ، الربيع

تعالوا نتعرف أكثر على بعض Icon_question

الموضوع رائع ولازم الكل يشارك فيه وسؤالي :
ـ هل حاولت أن تكتب شعر شي مرة !
ـ هل أنت رياضي أو بتشجع أي نادي رياضي.
.............

طوني :
ـ هل تؤمن بالحب من أول نظرة .
يمكن نعم لأني أنا جربته وغطست فيه وعنيو عيوني .
طالما أنك دارس خدمات فندقية شو هي الأكلة اللي حابب تعزمنا عليها.
شو رأيك بالتبولة مع شي جرن نية وكاس وسحخ على قلبك.
ـ شو بتوحي الكلمات التالية : الحب، الصداقة ، الربيع
الحب : شيء لايمكن الأستغناء عنه في الحياة.
الصداقة : هي مكمورة الحياة فيها الواحد بخبي كل شيء.
الربيع : هو الرابط الحقيقي اللي بخلينا نجمع فيه كل جمال الحياة.
...............
تحياتي

ديما :
ـ هل حاولت أن تكتب شعر شي مرة !
أنا بحب الشعر بس أنا ماني شاعر بس يعني بيطلع معي شي جملة أو جملتين.
ـ هل أنت رياضي أو بتشجع أي نادي رياضي.
نعم أنا رياضي يعني جسمي رياضي بحب السباحة كثير...
أحيانا بحب شوف كرة القدم ماعندي تشجيع لأي نادي بس بحب لعب فريق الأرجنتين .
......................

واليوم يمكن خلص دوري وأنا بختار عبير السالم لنتعرف عليها أكثر وتفضلي ياعبير :
وسؤالي هو :
ـ شو هو رضاك على الأصدقاء بالموقع .
ـ ماهي دراستك وماهو عملك .

شكرا يا الياس على حسن الضيافة وهيك بتخليني حس أني بجاوب أفضل
والله لازم نجرب ونتعرف أكثر وجوابي على أسئلتك :
ـ شو هو رضاك على الأصدقاء بالموقع .
الجواب : والله الموقع مابهم شو عدد المشتركين فيه المهم كم واحد عنم نيشارك بالمواضيع.
يعني أنا رضيانة على حالي وبقول ماشي الحال مع الأصدقاء.
ـ ـ ماهي دراستك وماهو عملك .
الجواب : أنا دارسي معهد هندسي ، العمل موظفة .
.................

وأنا بسأل الأخت عبير
ـ أنتي عندك هوايات رياضية وأي رياضة تحبي تمارسي.
ـ لو طلب منك الغناء أي أغنية بتحبي تغني.
ـ ما أهم شيء بيزعجك بالأنترنيت
................
تحياتــــــي

شكرا ياطوني على الأسئلة

ـ أنتي عندك هوايات رياضية وأي رياضة تحبي تمارسي.
ـ لو طلب منك الغناء أي أغنية بتحبي تغني.
ـ ما أهم شيء بيزعجك بالأنترنيت
.........
ـ صح أنا عندي هوايات رياضية وأهم شي عندي السباحة والمشي.
ـ أنا بحب دندن أغنية فيروز سكن الليل.
ـ أكثر شي بيزعج عالنت هو اللي بيدخل علامسنجر بدون أستذان واللي بيرسل إيملات ومابيعرفي واللي بيرسل إيملي إلى ناس مابعرفهم .

سؤالي ياعبير :
ـ شو رأيك بالصداقة بين الشب والبنت !
ـ هل مازال الحب الحقيقي موجود .
تعالوا نتعرف أكثر على بعض Icon_question

» ترانيم بصوت المرنمة نسرين توما
» أغاني السلام والحرية والمساواة
» تعالوا ننتاقش لنتعلم
» مجموعة صلوات وديع الصافي /فيديو
» قصص قصيرة فيها حكمة روحية