قصة أغنية عالأوف مشعل

أغنية عالأوف مشعل : تعود كلمات هذه الأغنية إلى الحرب العالمية الأولى أيام الذي حصلت فيه العديد من المذابح والمجازر..
إنها قصة رجل عربي شجاع أمتطى جواده المسمى مشعل منصرفا إلى أرض المعركة وقد استطاع الرجل  
بحكم واجبه الوطني أن يفلت من بين يدي خطيبته التي راحت تذرف الدمع لفراقه
وكأنها أحست بأنه لن يعود وبعد مدة لم يعد خطيبها, بل عاد حصانه مشعل برفقة أحد أصدقاءالرجل
فوقفت ترمق مشعل بقلب جريح قائلة بصوتها الحنون :
أوف مشعل أوف مشعلاني
عا درب زحلة دبحوا الألماني
أوف مشعل أوف مشعلاني
مع السلامة ويابعد خلاني
يا ديرة مشعل يا دارة العلالي
يا حصان مشعل يخطر بالليالي
وإن كان عالأيام حالك لحالي
مابنسى مشعل طول عمري وزماني  
+++++++++++++++++

طبعا من بعد ذلك تغيرت الكلمات بحسب كل من غناها

عالأوف مشعل أوف مشعلاني
ماني تبلّيته, هو اللي تبلاّني

سلّم عَ التين و سلّم عَ الدوالي
سلّم عالأرظ عليّي زعلانة
ياما كعدنا عَ النبعة خلواني..
..ليالي السمر في شهر نيسانِ

يا ريح سلّملي على اوطاني
ع العين سلّم, مورد الغزلان
سلم ع الدار, سلم ع خلاّني
سلّم على امي, من الدونِ فزعانة

محلا الشبابة و دبكة الدلعونا
بين الدوايب و كروم الزتونا
ستي عم تخبز ع ردم الطابونا
صبايا بتغزل و تغني الأغاني

سلم ع الديرة, قبل روابيها
ع القمح البلدي ال مملّي خوابيها
و سلم ع الديرة, سلّم ع اللي فيها
سلّم ع الدلّة و شبيات الرعيان

قلت يا بحر: يا بحر الجدود
هدي بالموج ع ظهرك و سود
نذرن عليي مشعل لما يعود
ل زيّن الدار و أحلي الجيران..