طبق الفتوش

عم بسأل ستي ليش ياستي سمو الفتوش الفتوش سموه هيك؟؟
قلت لي لأنه في كتير خضروات والكل بيفتش على الخضروات اللي فيه ليعرفها وهاي معلومة جديدة ..هههه...
الفتوش متل التبولة يعني اذا ما انوجدت التبولة بينوجد الفتوش وفي القرى اللبنانية بيعملو حدا المجدرة (البرغل والعدس )وبعض المشاوي..
ولكن اهل المدن بياكلو كسلطة لذيذة وطيبة..

المقادير :
الخبز المقمر حسب الرغبة تكسريه لقطع صغيرة...
خس وسط الحجم
- 2 باقة بقدونس
- باقة نعنع
- 5 حبات فجل
- بصلتين
5 خيارات متوسطة الحجم
5 بندورة متوسطة الحجم
عصير الرمان 3 ملاعق كبار ( دبس الرمان معقد وجامد لونه أسود وطعمه حامض
فنجان صغير من زيت الزتون
ملح

الطريقة :
تفرمي النعنع والبقدونس وتنقعيهم في مية وتصفيهم على جنب..
تفرمي الخس والبصلة والخيار والبندورة والفجل لقطع متوسطة يعني مش صغيرة زي التبولة يعني ممكن تبان القطعة ..وتحطي فوقهم البقدونس والنعنع وتخلطيهم..تضيفي عليهم حامض الرمان ووزيت الزتون والملح...
وترشي فوق الخبز المقمر ...
وصحة وهنا على قلوبكم

شكرا ريما... والفتوش دوما طيب وفي كافة الأوقات ..ويمكن أن يكون بديل للتبولة ولكن لكل منهما مناسبته ..
ولكن نحن في سوريا دوما نستخدم البقلة مع الفتوش ..يمكن تسميها الفرفحينة في لبنان
وهي غنية جدا بمركبات الحديد ورخيصة الثمن وتعطي نكهة خاصة للسلطات وكذلك للفتوش ...

يعطيكي العافية أخت ريما ..جميل جدا طبق الفتوش وهو طبق معروف في القري والوديان ..
ويكون أطيب مع البقلة الجبلية ولامانع من أن يأكل بجوار كل الأكلات ..
يسلموا إيديكي ...

مافي أطيب من الفتوش وبكل المواسم
يسلم ايدين الصبايا وشكرا ألكم
نحمد الرب ونشكره الموفر لنا كل شي