شو هالأيام اللي وصلنالها ... قال إنه غني عم يعطي فقير كأنه المصاري قشطت لحالها ... عاهيدا نتفه وهيدا كثير حلوة دي ... حلوة دي .... تعجن في الفجريه بيقولوا لك من عرق جبينه طلّع مصاري هالإنسان طيّب كيف هايدا وكيف ملايينه وما مرّه شايفينه عرقان مش صحيح... مش صحيح... الهوا غلاّب الغني من تلقاء نفــسه حابب يوزّع ورق المال ما انّه بخيل أبدا على عكسه تذكركن يا ولاد الحلال ليل يا لال ... ليل يا لال... وحوّل كل واحد منّا عنده ستيلو ما بمينع إنّه يصير تنسيق جيب لي لامضي لك قلم ستيلو كل الشعوب بكره حَ تفيق يا سلام ... يا سلام... سلّم كل المصاري اللّي مضبوبة اللّي ما بتنعد وما بتنقاس اصلها من جياب الناس مسحوبة ولازم ترجع عً جياب الناس هي دي هيّ ... هي دي هيّ... الأصليّه
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: شيخ المينا - فيروز الأحد أكتوبر 06, 2013 7:30 pm
شيخ المينا - فيروز سنة :1966 كلمات: الأخوين الرحباني ألحان: الأخوين الرحباني
يخزي العين هالمينا بتملي العين يخزي العين والعينين
هيك لأ... لحدّ هون وبس أهلاً أهلاً شيخ المينا لا أهلاً ولا سهلا، يا عالم صحيح أنه الشغل منيح لكن هيك لأ .. لحدّ هون وبس بتدبر يا شيخ المينا .. قعود ارتاح ما برتاح .. على مين بترك البحر ؟ وأيمتى بترجع مراكبنا ؟ ما بقى إلا توصل ..فضّت شحنة ..وجايبة شحنة وبدنا نشحن شحنة جديدة ؟ وله !!! عم تسأل ! شه...قولوا له... رح أسفقك هه طبعاً في شحنة جديدة. حراير ...قطن... زيتون صباغة وقماش وصابون شو شحنة ...!!! بدها تطير عقل العالم . مراكب بعز الموج تطبق ع شواطئ العالم والعالم تسأل من وين ويقولوا لهن: من طرابلس.. من صيدا.. من بيروت... شفتوا منين ...و له يخزي العين. يخزي العين. هالمينا بتملي العين يخزي العين والعينين
وابني معهن بالبحرية الليلة بيوصلوا عشية رح أطلع أرتاح شوية وما بدك تستقبل أبنك ؟ لأ . خلّيه يوصل لحاله...كدع. أي قعود أرتاح . ما برتاح. ياولد , شوف الست شو بدها . أي و الله لازم ارتاح يا صبي نزل البالة.. شو هالحالة.! مبين بعدهن ما طلّوا...اتأخروا. أي... الله كريم بيطلوا. صار لازم يطلّوا.
ارتاح...ارتاح يا شيخ المينا مراكبنا جاية ياشيخ المينا ملّت شواطي الدني كلها شواطينا ارتاح..ارتاح يا شيخ المينا .
والمينا مليانة . بالغيمة مليانة اليوم بيروح و بيجي التاني والسفر قصتنا والسفر حصتنا غصتنا... من أول الدهر ,لآخر الدهر والسفر قصتنا. يندهنا من ليالينا ياخدنا و يودينا ياخدنا ويودينا ارتاح...ارتاح يا شيخ المينا
يا شباب ..يا أخوان. علقوا البحرية ببعضهن ويله ..و يله... ويله ..و يله.
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: رد: فيروز الأحد أكتوبر 06, 2013 8:37 pm
يتبـــع
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: أغاني فيروز التي تبدأ بحرف الصاد الأحد أكتوبر 06, 2013 8:41 pm
أغاني فيروز التي تبدأ بحرف الصاد ================== صار لازم ودعكن - 1997- زياد رحباني - زياد رحباني صار لو زمان - 1999 -الأخوين رحباني - الأخوين رحباني صباح ومسا - 2000 - زياد رحباني - زياد رحباني صبحي الجيز - 2001 - زياد رحباني - زياد رحباني صح النوم 1971 - الأخوين رحباني - الأخوين رحباني صرخ يا ذيب - 1966 - الأخوين رحباني - الأخوين رحباني صغيرة وما بتعرف - الأخوين رحباني - الأخوين رحباني صوت العيد - الأخوين رحباني - الأخوين رحباني صيف يا صيف - 1969 - الأخوين رحباني - فيلمون وهبي ..............
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: صار لازم ودعكن - فيروز الأحد أكتوبر 06, 2013 10:59 pm
صار لازم ودعكن - فيروز سنة :1997 كلمات: زياد رحباني ألحان: زياد رحباني
أنا صار لازم ودعكن وخبركن عني أنا كل القصة لو منكن ما كنت بغني
غنينا أغاني ع اوراق غنية لواحد مشتاق ودايماً بالأخر في أخر في وقت فراق يا جماعة لازم خبركن هالقصة عني أنا كل شي بقوله عم حسه وعم يطلع مني موسيقيي دقوا وفلوا والعالم صاروا يقلوا ودايما في الأخر في أخر في وقت فراق
بكرا برجع بوقف معكن اذا مش بكرا البعدو أكيد أنتوا أحكوني وأنا بسمعكن حتى لو للصوت بعيد
بلا موسيقتنا الليلة حزينة بلا غنية الليلة بتطول كل ليلة بغني بمدينة وبحمل صوتي وبمشي عطول
ولا غنية نفعت معنا ولا كلمة الا شي حزين إذا ما بكينا ولا دمعنا لا تفتكروا فرحانيين
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: صرلو زمان - فيروز الثلاثاء أكتوبر 08, 2013 6:22 pm
صرلو زمان - فيروز سنة :1999 كلمات: الأخوين الرحباني ألحان: الأخوين الرحباني
صرلو زمان الحلو ما بان صرلو زمان الحلو ما بان صرلو زمان يمكن حدا زعلو وعتبان صرلو زمان باعت رسول الحلو بيقول مع هالرسول إنو الهوى بدّلو عا طول ناسي عا طول مين خلاّك تتدلل علينا مين نسّاك دمعات عينينا هيك الأمل يا حلو عتبان ناسي الحنان ريت الجفا يا حلو ما كان ريتو ما كان
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: صباح ومسا - فيروز الثلاثاء أكتوبر 08, 2013 6:28 pm
صباح ومسا - فيروز سنة : 2000 كلمات: زياد رحباني ألحان: زياد رحباني
صباح ومسا .. شي ما بينتسى تركت الحب .. وأخذت الأسى شو بدي دور.. لشو عم بدور على غيره في ناس كثير.. لكن بيصير ما في غيره؟
حبيبي كان هني وسهيان ما في غيره حملني سنين ما انهن هينين كثّر خيره حبيبي منيح لشو التجريح .. تعب مني أنا اللي كنت ما بفهم .. بنت .. حمل عنّي
صباح ومسا شي ما بينتسى تركت الحب وأخذت الأسى لعلّ وعسى إترك هالأسى ويرجع لي حبي صباح ومسا بس إنت .. إنت وبس
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
رفيقي صبحي الجيز تركني عالأرض و راح رفيقي صبحي الجيز حط المكنسة و راح ما قلي شو بقدر أعمل لملايين المساكين رفيق يا رفيق وينك يا رفيق حملتني إشيا كتيري حجار و غبرة و صناديق غيرتلي إسمي الماضي عملتلي إسمي رفيق رفيق ما عندي رفيق ورح يبقى إسمي رفيق عمفتش عواحد غيرك عمفتش عواحد متلك يمشي يمشي بمشي نمشي ومنكفي الطريق يا رفيق
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: صح النوم 1971 الثلاثاء أكتوبر 08, 2013 7:00 pm
مسرحية صح النوم
الشخصيات: قرنفل/فيروز زيدون المستشار/نصري شمس الدين الوالي/انطوان كرباج شاكر الكندرجي/ايلي شويري عيد الحارس/وليم حسواني مع هدى وجوزيف ناصيف كلمات والحان:الأخوين رحباني اغاني المسرحية:
بعدك حبيبي هب الهوا نام ولا تنام يا قمر لشو تطلع نام يا والينا نام على البير المهجور (قدمت في البيكاديللي ودمشق عام 1971) نقد سياسي لطيف آخر, ضمن قالب مسرحي, حيث فيروز كالعادة تمثل العنصر الصالح البسيط, الذي يحارب الظلم, بصوتها الأسطوري, وحوارها الظريف, وتصرفاتها المشاكسة. في هذا اليوم, ينتظر أن يستيقظ الوالي (أنطوان كرباج) من نومته الطويلة لمدة شهر. فالقمر صار بدراً, والوقت قد حان ليفيق الوالي, ويختم ثلاث أوراق من طلبات الأهالي قبل أن يتعب ويعود إلى نومه لشهر آخر. لا يمكن إنجاز شيء بدون ختم الوالي, حتى الخروج من السجن, لذلك كان الأهالي ينتظرون طويلاً لكي يحصلوا على أية موافقة. قرنفل (فيروز) لا تزال تنتظر منذ ستة أشهر حتى يختم طلبها. سقف بيتها تهدم, وهي تعيش تحت الشمسية, غبر قادرة على إصلاح السقف بدون ختم الوالي. كان صبرها قد نفذ, وجدالها مع زيدون المستشار (نصري شمس الدين) كان كمن يجادل أصماً. استيقظ الوالي, وختم ثلاث أوراق فقط كما هو منتظر, وعاد ثانية إلى النوم. لكنه لم يمهر طلب قرنفل, التي ستكون عرضة للبرد والمطر بدون السقف. قررت أن تسرق ختم الوالي لتختم طلبها, وعندما نجحت في سرقته, لم تختم طلبها وحسب, بل كل الطلبات المنتظرة, ما عدا طلب شاكر الكندرجي (إيلي شويري), الذي لم يسلمها حذاءها الذي طلبته منه منذ ثلاثة أشهر. وبما أنها لم تكن قادرة على إعادة الختم إلى مكانه, رمته في بئر مهجور. بختم كل الطلبات, ساد جو من البهجة والنشاط, وتم إنجاز الكثير من الأعمال المتوقفة. مر شهر آخر, والوالي سيفيق من جديد. حاولت قرنفل أن تقنع الآخرين بأن يتركوا الوالي نائماً, لخوفها من كشف سرقتها, لكنهم أصروا على إيقاظ الوالي, لكي يرى ما تم إنجازه خلال الشهر الفائت. استيقظ الوالي واكتشف سرقة الختم. لم يتطلب الأمر سوى استجواب قصير لقرنفل, حتى اعترفت بفعلتها. طلب الناس الرحمة لقرنفل, التي قدمت لهم خدمة عظيمة, لكن الوالي أصر على معاقبتها عقوبة غريبة, وهي أن تربط على فرس وحشية, وتترك لتهيم على وجهها لبقية عمرها. لكن هذا الأمر يحتاج أيضاً للختم كي يعمل به. حاولت قرنفل أن تكفّر عن ذنبها, طلبت أن تربط بحبل, وتنزل إلى البئر لتبحث عن الختم. وجدت الختم, وأعادته إلى الوالي, الذي لم يسامحها على " جريمتها" فقط, بل أوكل إليها مهمة تختيم كل الطلبات من الآن فصاعداً. ثم عاشوا عيشة سعيدة.
وملخص لتسلسل الأحدات في المسرحية بعد أن يقدَّم موظـَّف التشريفات خاتم الولاية (خـَتـِـمْ !) يعرِّفنا الوالي به على سبيل التقليد الذي تعوَّد على فعله كلما طلع القمر والتقى بمواطني ولايته: الوالي: هايـْدا الخـَتـِم، خـَتـْم الدَّولـِة، هـُوِّي الدَّولـِة، خـَتـْم الولايـِة المـَوروث.. عـِمـْلـُو جَـدِّي الأوَّل أشـْلـوح مـِن خـَشـَب جـَوْزِة عَتيـْقـَة، قـَصـُّوها وْعـَمـَّـرو مَـطـْرَحـْها القـَصْر.. وْبـِقي الخـَتـِم رَمـْز الجـَوزِة اللي تـْعـَمـَّر عـَلـَيْها القصر، وْنـِزِل مِن إيـْــد لـَ إيـْــد.. لـَ إيـْــد لـَ إيـْــد لـَ إيـْـــــد حـَتـَّى وِصـِل لـَ إيْدي. مـِنـْشان هـَيـْك ما بـْخـَتـِّم كـْتير فيه أحسن ما يـْدوبو حـْروفو وْتـِتـْـعـَطـَّل مـْعامـَلات الإيـَّام الجـايي وْيـِحـْتـَجـُّو لاوْلاد اللـِّي بـّدْهـُن يـِكـْبـَرُو وِيـْـصـِير عـِنـْدُن عـَرايــِض وْبَدْهـُن يـِخِتـْمـُوها. يبتهل المواطنون متضرِّعين لـِ (ختم الولاية العتيقة) أن (لا تـِبـْخـَل بـِكـَرَمـَك عـْلـَيـْنا) وفيما يتفحـَّص الوالي أصحاب الأيادي الممدودة كي يختار ما يروق له تقترب منه فجأة قرنفل تحمل شمسيتها وتتوجه إلى الوالي بكلامها ملحناً وسريعاً:
أخيراً يـُعرب الوالي أنَّ النـُّعاس أتاه فيعرض عليه زيدون الذهاب إلى قصر النوم ولكنه يرفض طالباً إبقاءه في الساحة كي ينام (الهوا عم يـْنـَسـِّم وْشغل كـْتير وْأنا والي شعبي.. بدِّي آخـِدْلي شي غـَطـَّة بـِمـَرْكـَز الوظيفة). وقبل أن يغرق الوالي بسباته يتمنى للجميع شهراً خيـِّراً فيـُرَنـِّموا له التمنيات بنوم هاديء ولأنفسهم برضى الخـَتم عليهم في الشهر القادم.. أما زيدون فيطلب من الحرَّاس إحاطة الساحة ومداخلها والحفاظ على الهدوء (أوْعى حدا يزِعـْجـُو). يخرج الجميع إلا قرنفل التي اختبأت خلف كرسي الوالي الكبير فلم يرها أحد. تـُـطـْفأ الأنوار وتخرج الفتاة من مخبئها مقتربة من يد الوالي الموضوعة على صدره تغطي السلسال الذي عـُلـِّق به مفتاح صندوق الخاتم. بصوت هاديء ونغمة تصوِّر حذر الذي يقوم سرَّاً بعمل غير مشروع تخبِرنا قرنفل عما تفعله في هذه العتمة الخطيرة: قرنفل: يا مـَــولانــــا الـوالــي خـَـتـِـم واحـِــدْ بـَعـْـــد مـالي حـَـدا غـَـــيـْـرَكْ وْبـُـكـْرا جايـي الـْبـَرد يــا سـَـيـِّـد الوِلايــــــة فـَـلـَّـيـْت وْتـَرَكـِتـْنــــا بـْهالسـَّاحـَة الحـزيـْنـِة مـِتـِـل بـَطـَل حـَزيـــن
الوالي، الذي أسعدته فرحة الأهالي وسـُرَّ بأغنية مستشاره زيدون وبالرقصة الحيوية التي تمايلت الخصور على ألحانها وبابتسامات الوجوه السعيدة، تركـَّز انتباهه على باحة الرقص أمامه إلى أن انتهت الفقرة و حلَّ الصمت انتظاراً لتعليق الوالي الذي يتنقل فجأة بناظريه بين زوايا الساحة ويمتد بهما بعيداً ليجد كلَّ شيء وقد تغيـَّر وتلألأ فيصرخ مع شهيقه الطويل مشدوهاً (ولـَكْ هايـْدي السـَّـاحـَة وَلاّ لأ؟) الناس: هايـْدي السـَّـاحـَة الوالي: ولـَكْ أنـا نــايـِم وَلاّ الدِّنـْـي تـْغـــَيــَّرِت؟ الناس: تـْغـَيــَّــرِت وِتـْعـَمـَّـرِت إنـْــتَ وْنــايـِـم الوالي بهدوء: وْميـن اللـِّي عـِـطي الأوامـِر؟ الناس: سعـــادِتــْــكـُـم الوالي: سعـــادِتــْـــنـا؟ أيْ مـْـتــــى؟ زيدون: الشـَّـهـْر المـاضـي يـامولانــا لـَمـَّا سـَعادِتـْـكـُم رَوْبـَـصـْـتـُو وْصـِرْتـُـو تـِـمـْشـُو بالنـَّـوْم.. وْخـَـتـَّـمـْـتـُـو كـِلِّ الطـَّـلــَبات الوالي: مـِشْ مـَـعـْـقـُـول!! زيدون: وْهالشـَّـهـْر مـافي إلا طـَـلـَبـَيـْن: طـَـلـَب شـاكِر الكـِنـْدَرْجي وْطـَـلـَـب تــَصـْـلـيح واجـْـهـِتـْكـُـم الوالي: مـِشْ مـَـعـْـقــُول!! قرنفل التي صرخت أكثر من مرة (يـاعـَـمـِّـي لا تـْـوَعــُّوه) والتي تمنـَّت على القمر ألا يطلع وأن يغيب عن البلد (غـِـبـْـلـَك ســِـنـِة يــا قـَمـَر) كانت تعلم بأن لحظة الحـَرَج آتية لامحالة. فالوالي الذي استيقظ مع البدر وجاء إلى الأهالي في ساحتهم وسـَرَّه فرحـُهم سيتفقد الخاتم لامحالة، خاصة وأن له في هذا الشهر (معاملة) طلب تصحيح واجهة الزجاج التي كسـَّرتها الريح. ودفعاً للقلق تتسلل قرنفل الصامتة من الساحة وقد شحُب وجهها من شدَّة الخوف .. يوميء الوالي إلى حامل صندوق الخاتم فيأتيه به ثم يسحب من تحت ياقة ردائه السلسال الحامل لمفتاح الصندوق ويفتحه كالعادة فيما ينتظر الناس، وخاصة شاكر، ظهور الخاتم العـزيـز. وإذ يـرى الـوالي الصـنـدوق فـارغـاً يغـلـقـه بسـرعـة وكـأنـه لا يـريـد أن يصدِّق عينيه.. يتـلفـت حائـراً ويـعـيـد بـبطء فـتـحَ الصـندوق الـذي لا يراه غـيره ويـتـلـعـثـم ثم يصرخ (الخـَتـِم).. (انـْسـَرَق الخـَتـِم!) .. ............ ويتابع الوالي توبيخه لزيدون (فـِكـْرَك؟ نِحنا ما فينا نـْخـَتـِّم كل الطـَّلـَبات بـْفـَرْد مـَرَّة؟؟.. لـَكـِن سـُلالـِة أشـْلـُوح بـَدَّا تــْبَطـِّيء الزَّمـن!!) في ما يقوله الوالي تعبيرٌ صريحٌ وواضحٌ عن فلسفته ورؤيته لمسائل الحياة والتقدُّم وللعلاقة مع الزَّمن. وهنا نرى بكل وضوح أيضاً المعنى الكبير للخاتم وما حوله ولآلية السير بالإجراءات الإدارية للناس في ظل الأنظمة الرجعية التي تستخدم سلطتـُها أساليبَ بيروقراطية للتحكم بأمور المجتمع وكبـْح تقدمه وتطور أساليب حياة الناس وإنتاجهم التي يمكن أن تشكل عناصر مهمة في تفتحهم ووعيهم وتصبح بالتالي مصدر قلق لتلك السلطة التي تحتكر كلَّ شيء لنفسها وتفعل المستحيل ضماناً لديمومتها. يتابع الوالي حديثه بطريقته البليدة مؤكداً فلسفة جدوده من سلالة أشلوح:
ويرق قلب الوالي الذي أعرب عن خوفه على قرنفل وهي في جوف البئر أكثر مما خاف على الخاتم مـُقـِرَّاً بأن جهنـَّم خاوية من الناس لأن (الإنسان أحلى من النار) وأنه ليس من المعقول أن يقتلها (معقول الإنسان يقـْتـُل واحد خاف عـْليه؟). إنه الحل الوسطي في الفكر الرحباني.. يتراجع الوالي طالما أن حقوقه مُصانة، ويقتنع بـمطاليب الناس المتمثلة بــِ (غسيل الخاتم) أي باستخدام تراث الأجداد بعد غسله وتنظيفه مما تراكم فوق سطحه من أوساخ الزمن وتنقيته بالشكل الذي يلائم متطلبات الأيام الحالية والاقتناع بتطويره دائماً كي يقبله المستقبل.. وليكن هذا التـُّراث بيـد الناس الأكثر فـُتـُوَّة ويقظة! يحيي الجميع مولاهم الوالي. وقبل أن يغادرهم إلى قصر النـوم يهرع شاكر بمعاملته طالباً خـَتـْمها (دَخيلـْكـُن مـْعاملـْتي) فيحيل الوالي أمره إلى قرنفل بطريقة ظريفة مذكـِّراً الناس بأنه لن يتخلـَّى عن حقه في النوم عندما يدبُّ النعاس (خـَلـَص.. نـْعِسـْت وْبـَدِّي نــــــــــــام): الوالي: مـْن اليوم وْرايـِح أنـا رَحْ نــام.. وْإنتي ياقرنفل خـَتـّمي مـَطـْرَحي إيـْدِك أرْشـَق من إيـْدي ................
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: صرخ يا ذيب - فيروز الثلاثاء أكتوبر 08, 2013 7:06 pm
صرخ يا ذيب - فيروز سنة :1966 كلمات: الأخوين الرحباني ألحان: الأخوين الرحباني
صرّخ يا ذيــــب من وادي لوادي شرّق يا ذيــــــب من وادي لوادي طلـعت الشمـس.. شمس ال جايي من البــحر شمس الــــ جايي من الليل وين فيك تغيب يا ذيب
عن تتعّلا جسورة ويتعمّر الوعر وعم تهدر نهورة وعم ينزرع صخر وعم تضحك الأرض ...الأرض ال إلها زمان فاضيي مشقق عطشان صرت بوعرك يا ذيب يا ذيب
تنغزل حراير على قصة نول نول الفرح داير وعم ينحكى القول وعم تهدر المي .... المي اللي بدها تصير ورد وشتل وحرير سبقوك الدواليب يا ذيب
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: صغيرة وما بتعرف - فيروز الثلاثاء أكتوبر 08, 2013 7:24 pm
صغيرة وما بتعرف - فيروز سنة :1966 كلمات: الأخوين الرحباني ألحان: الأخوين الرحباني
راحت بترا بنتي بترا اخدتها روما زغيري و ما بتعرف بلعب الكبار كانت عم تلعب أخدها النسر و طار بحرب الكبار شو ذنب الطفولة بحرب الكبار شو ذنب الضحكات الخجولة قولي لي يازغيرة وين رحت يا لفتة نحيلة يا دمعة بخيلة قولي لي قولي لي روما يا وحش الحضارة اللي ما بيشبع روما يا جبان وع الصحرا بيتطلع بترا مش رح تركع انتو الحرب العدد القوة نهر العسـكر نبع الخيل نحنا الحق ودمع الناس و أمل الناس والحرية وغناني الأجيال وضحكات الأطفال
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: صوت العيد - فيروز الثلاثاء أكتوبر 08, 2013 7:29 pm
صوت العيد - فيروز كلمات: الأخوين الرحباني ألحان: الأخوين الرحباني
عّيد الليل زّهر الليل صوت العيد ضوا الليل موجي يا سما بالعناقيد هلي بالحلا بالمواعيد زار الليل يسوع لوّن الليل يسوع
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: صيف يا صيف - فيروز الثلاثاء أكتوبر 08, 2013 7:46 pm
صيف يا صيف - فيروز سنة :1969 كلمات: الأخوين الرحباني ألحان: فيلمون وهبي
وكرومكن ع كل مد تزيد تغزل محبة وشهد وعناقيد والعنب يعصر عوافي وعمر ويقطر السكر ليوم العيد صيف يا صيف عا جبهة حبيبي لوح يا سيف رجعتنا قريبي من حي لحي عم توعى الباشير و بلاد الفي فيها الفرح داير خليك خطي طوي عالداير يا شمس المي حلفتك لا تغيبي دايم عالدوم عتباني الصبيي و العتب لوم و الزعل غنيي و مرقت اليوم ما بتسأل عليي يا طير النوم أنا متلك غريبي ميل ميل ميل يا غصن الهوى ميل قناطر مضويي و براج عم بتميل لوح لوح لوح يا غصن الهوى لوح شمس الهنا جايي و الليل عم بيروح طير طير طير يا غاب العصافير هربوا التعالب من وجه النواطير قول قول قول بلكي الحكي بيطول طلت من جبالها عا سهول خلفا سهول غيب غيب غيب بالملعب الغريب صوتك اللي حاضر قصف نياب الديب عيد عيد عيد موالك الوحيد ضحكت الصبيي وحليت العناقيد
_________________
Amer-H صديق فيروزي متميز جدا
علم الدولة : الجنس : المشاركات : 9804 الإقامة : Sweden العـمل : IT-computer المزاج : Good السٌّمعَة : 316 التسجيل : 09/02/2007
موضوع: أغاني فيروز التي تبدأ بحرف الضاد الثلاثاء أكتوبر 08, 2013 9:34 pm
الأحد أكتوبر 06, 2013 7:05 pm
