أمثلة عن مات وبعض المعاني لها :
مات من الوجع ( بعد زيارة لدكتور الاسنان )
مات من البرد ( المكيف صرلو من الصبح شغّال و جهاز التحكم ضايع )
مات من الجوع ( راجع من الشغل .. و طلع الغدا مو جاهز )
مات من الرعبة ( انطبش باب الغرفة و طلع صوت عالي كتير )
مات من القهر ( على علامتين .. كانت نجحت المادة )
بعض المفاهيم و الامثلة المعاصرة
مات من الوجع ( تحت التعذيب .. ألم بكل مكان .. جسمو وصل لحدود التحمل .. انهيار .. ما عاد حس بشي .. للابد )
مات من البرد ( ما في حيطان .. عميرجف متل وراق الشجرة يلي غطاها التلج .. الدم جمد بالعروق .. غيبوبة .. ما فاق )
مات من الجوع ( اسابيع بلا لقمة .. ضمور في العضلات .. نقص في المناعة .. جفاف الجلد .. وهن شديد .. توقف الدماغ )
مات من الرعبة ( صوت الصاروخ .. تسارع دقات القلب .. البناية نزلت بالارض .. هو تحت .. حاول يصرخ .. قلبو خذلو .. و ضل تحت )
مات من القهر ( جثة ولادو بين ايديو .. ما في مستشفى عالجتون .. مافي مقبرة استقبلتون .. ما قدر يتركون .. راح معون )
الإثنين يوليو 20, 2015 3:41 pm
