Amer-H
صديق فيروزي متميز جدا
علم الدولة : 
الجنس : 
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
 | موضوع: حوار فيس بوك  الخميس يوليو 12, 2012 9:44 pm | |
|
.........Amer ..........
أحلى طلة ياصلاح ... روحاني وقلبك مرتاح
قلبك بميدان الحب ... لمين أعطى المفتاح
............صلاح ............
انا قلبي والله مفتوح .... وللعالم صدري مشروح
والله اللي بيبعث الحب ... الا ما يعـــطي صلللوح
.........Amer ..........
الأشعار بتلبـق لناس ...أمثالك كلهـم ألماس
الله ال وهبك الإحساس ..أعطاك أسرار التفاح
............صلاح ............
أنتا بأدآبك اساس ..... وبالعلم شعلة ونبراس
ولما نحكي ع الأشعار ... انتا اخترعت المقياس
.........Amer .........
ماعندي بشعري أوزان ... بكتب ع نغمة الدوزان
وصلاح معي بالميزان ... والميزان أوزانو ملاح
............صلاح ............
قلـــــــته مبارح للرب .... بلكي يريحلي هالقلب
قلي طلبك صاير صعب ... وبيعمرك ما رح ترتـاح
.........Amer ..........
الرب عطاك كل القدر ...تحقق أحلامـك بالقدر
ومحبوبتك من سنة وشهر بإدها سلمتك المفتاح
............صلاح ............
مافي مهرب من القدر... لا باليـوم ولا بالشهر
وحبها صاير مثل البحر ... وغرقت وماني سباح
.........Amer ...........
الرب يسهلك أمورك...أعزمنا حتى نزورك
الكل قال جي دورك...واليوم موسم الأفراح
............صلاح ............
لما الفرحة تطل بيوم ... وعلينا تضوي النجوم
وأنتا بالأول معـــزوم .... وتعاليل وليالي ملاح
.........Amer ...........
بعرف في عندك تأسيس...ويارب نشوفك عريس
قلـي ت أعزم قسيس ...وفرقة ترقص بالرماح
............ صلاح ............
اسسنا وعمرنا الدار ..... وزرعنا ورد وأزهار
وطل علينا فجر نهار ..... لما وجه الحلوة لاح
.........Amer ...........
أجمل ماعنده الأنسان ....حب وإخلاص وإيمان
وصلاح عالي بالوجدان.... وقلبه بالمسك فواح
............صلاح ............
شكرا ً زوقك شو فريد .... ونحنا من بعدك أكيد
ومن دبي و للسويد ... أحلا مسا وأحلى صباح
.........Amer ..............
شاعر وبكلماتك دقيق ... وبالقرادي أحلى رفيق
بدعي إلك بالتوفيـق ... برحلاتك تجني أرباح
_________________  | |
|
