ليش النكد بين الكنة وأهل الزوج

من أبشع المشاكل العائلية هي اللي بتولد بين بين الزوجة وأهل الزوج ؟
الأمر بيكون لابد منه عندما الأهل رافضين الفكرة من البدء ..ولكن وهم في الغالب من أختاروها ورضوا بها ولم يتم الزواج إلا وهم مقتنعون بها مية بالمية ؟
لماذا يكون الحال قبل الزواج هو الفرح بمن ستكون زوجة أبنهم وبعد الزواج يقلبون لها ظهر المجن ؟
لماذا هذا التناقض والتصرف غير المفهوم ؟
يعني إنسانة ذهبتوا وشفتوها وعجبتكم وقلتوا هي هاي البنت اللي بدنا إياها لولدنا.. وعرفتوا أصلها وفصلها.. فليش من بعد الزواج تحصل مشاكل؟
لا تقولوا غيرة.. وما بعرف إيش.. هاي الإنسانة إنتو اللي أخترتوها وما حدا جبركم إنكو تختاروها ولا حدا ضربكم على إيديكم وسحبكم من إيديكم
وأصر عليكم إنكو تناسبوها.. إنتم لوحدكم اللي رحتوا وجيتوا وعملتوا وخطبتوا وزوجتوا..
وأنا ليس قصدي إنو ما تحصل مشاكل وإنو الحال يكون سمنة على عسل العمر كلو.. لا .. شي طبيعي جداً إنو يكون في مشاكل..
بس بها الشكل: استحقار واستخفاف وتآمر وكيد وضغينة وحقد وحسد وضرب وما بعرف إيش وكل يوم تنكيد على الزوج وعلى حياته..
وتحطوه بين أمرين: يا نحن يا هي..
وأكرر بنت أنتم أخترتوها بإرادتكم وعجبتكم وشفتوها مناسبة.. خلاص ما في داعي للمشاكل الكبيرة..
وإن كان من حاجة للنصح والتوجيه فبالحسنة وبأطيب أسلوب.. تماماً كأنها أختكم أو بنتكم مو واحدة غريبة..
وبعدين إنتو همكم راحة ابنكم وأخوكم.. فما داعي لكل لها المشاكل..
لأنه فعلا في الكثير من هالقصص وبينكدوا عيشة الزوج والزوجة ..
أنتظر الرد على سؤالي.. وأنتظر الصراحة والوضوح.. والحقيقة.. فقط الحقيقة.. ودمتم سالمين.

يمكن يكون النكد من الطرفين .وأهم شي هو أن يكون الزوج يعني ابنهم يعرف أين مصلحته ومصلحة زوجته ويعرف كيف يجعل الكل رضيانين ودوما يصالح الكل ويروق الخواطر قبل مايعق الفاس بالراس.

شكرا باسل ..يعني انت بتحط كل الحق عالزوج ..من هيك بيقولوا لفلان أنك مانك زلمي ..بس معقول لازم الواحد يضحي إما بالأهل او بالزوجة ..يعني مو معقول المجتمع يظل فيه قصة الكنة والحماة .

مو فقط عالزوج ..ويمكن زوج الحماة لازم يتدخل وكمان أهل الكنة لازم يتدخلوا ..يعني كل الاطراف يعرفوا منين عم يجي النكد ويهوالو انو يخلوا الموضوع بين الاهل ومايطلع عالحارة حتى مايصير عنا باب حارة جديد .ههههه

أنا برأي إذا رغب الأزواج بان يعيشوا مرتاحين وبدون مشاكل ونكد، عليهم عدم السماح لأحد من الأهل أو الأقارب للتدخل بحياتهم الخاصة او بمشاكلهم.. ممكن الرجوع للأهل للإستشارة بحكم الخبرة والإحترام لكن ليس لأجل التدخل بشؤونهم الخاصة أبدا...وهيك الكل بيعيش مرتاح ومبسوط وبدون نكد......

إذا في نكد بين الكنة والحماة ..فهو من الكنة والحماة لانو المثل بيقول يالمثلني تعوا لعني ..اما اذا كل منهم بدها ترد على كل كلمة ...معناتوا بضلوا طول العمر نكد ..

شكرا لكم يا اصدقاء ..ولكن بحسب معرفتي في المجتمع الشرقي هناك دوما تدخل من الأهل في حياة الاولاد وذلك من ناحية أهل الزوج وأهل الكنة وفي كثير من الحالات بيقع الزوج بين نارين ومابيعرف شو بدو يعمل ..هو براضي أهله ولا براضي أهل زوجته .
لكم كل احترامي وشكرا لمشاركتي الموضوع

مره جات حماة لتزور كنتها ..فقالت لها الحماة أنا جاي زوركم بس ليكي أنا ماني متولة عندكم ..فقالت لها الكنة ولو ..على الاقل فنجان قهوة ..مو معقول ترجعي من الباب .