أصدقاء من الموقع لتسهر معهم ليلة رأس السنة

إن رغبت أن تختار أصدقاء من الموقع لتسهر معهم ليلة رأس السنة من تختار ..
على الأقل 4 أسماء ...وبدوون إحراج ...ههههه

كل عام وأنتم بألف خير وتكون سنة 2011 خير عالجميع ..

ليلة رأس السنة هي وداع عام وأستقبال عام جديد وحلو يكون الواحد مجتمع مع رفقاتوا بهاليلة لأنو أكثر شيء له ذكريات معهم ومن الصعب الواحد يجتمع معهم إذا كان مافي تنسيق مسبق ..كل الأصدقاء معزومين لعندي وكل عام وأنتم بألف خير وتنعاد عالجميع .

انا شايف يا باسمة انو الموضوع حلو و انتي طلبتي عدم الاحراج بس على ما يبدو انتي اول وحدة انحرجتي ههههههههههه وبعدك جورج و بعدك الأخ عامر ....وبما اني شاعر يقال عني اني جريء....فرح اطلبك انتي (جكر فيكي) و الأخ عامر طبعا صاحب البيت ويا ريت الأخت الكاتبة ميساء سلوم تشرفنا وكمان ديما ابراهيم وعاشقة فيروزة (مشان اعرف مينها)وصديقي باسم نكود ووردتنا الجورية.....ما بعرف ازا بلبو دعوتي ...والقلب و البيت و العيون مفتوحين للجميع طبعا بلا استثناء ازا حبو يشاركونا...وانشاللع أعياد خير وبركة و سلام عالجميع....
أنا ايميلي
johnmohho@hotmail.com
منشوفكون انشالله .....

الله يخليكن هالموقع اللي هو مجمعنا كلنا وياريت تكون المسافات بين الأصدقاء قريبة ويعملوا تجمع ..بس شايفة كل واحد من بلد ..المهم القلوب كيف عم تفكر ولو كان التنفيذ شوي صعب ..الله يخلي القلوب المحبة والنوايا الصدقة وكل عام وأنتم بألف خير وتكون سنة 2011 كلها محبة وسلام عالعالم .

الله يخليك أخ جون ...دعوتكم مقبولة ...وكرمكم سابق ...وكأننا حضرنا معكم ..
كل عام وأنتم بخير وينعاد عالجميع ..وعقبال فرحتك يارب ...
أخ جورج ..مشكور جدا ...وكل عام وأنت بألف خير ..سلام للجميع ..
أبتسام ...شكرا لك ..والفكرة في هكذا مواضيع تذكر الأصدقاء وتفقد غيابهم عنا ومن الواجب
السؤال عنهم ولو برسائل عبر صفحات الموقع ..لأن محبتهم لها شعور خاص ..كل عام وأنت بألف خير...
وصلاة خاصة للأخت غنوة في لبنان بعد إصابتها بتمزق عضلي في رجلها اليسرى بعد أن تدعثرت عن الدرج ..
نأمل لها بالشفاء العاجل وأقول لها كل عام وأنت بخير وتعودي لنا سريعا .

معافية انشالله يا أخت غنوة...والله يشفيكي و نرجعينا بخير وسلامة يا رب

كل عام وأنتم بخير وتنعاد عالجميع وتكون سنه 2011 ,سنة خير وبركة وصحة وعافية
والرب يبعد عن الجميع المرض ورح نشعل شمعه للأخت غنوة ..سلامتك

ان شاء لله ياباسمة كانت ليتك رواق مثل ليلتنا ...مابعرف كيف الباقي قضوا ليلتهم كل عام وانتم بخير
ومشكورين كل اللي دعونا وكأنا كنا معكم أو كنتوا معنا المهم أنكم ذكرتونا وذكرناكم ..
كل عام وانت بخير ياغنوة وان شاء الله بتعودينا معافاية بأسرع مايمكن
وتنعاد اعالجميع بالمحبة والسلام .

تنعاد هالسنة عالجميع بالخير ...وكلنا ودعنا سنة بأحزانها وأفراحها ..
وشكر لكل من وجه دعوة بتعرفوا كل مين له ظروفه برأس السنة
وإن شاء الله الجميع بيحققوا أحلامهم بهالسنة
ويارب تكون سنة محبة وخير وسلام
وكل عام وأنتم بخير

شكرا عبير وديما ..كل عام وأنتم بألف خير ..
ولكن ماعرفنا كيف كانت سهرة باسمة

شكرا لتذكرني في صلاتكم وأعيادكم كلكم ذوق وإن شاء لله لا يقترب المرض من أحدكم
ويكونو الجميع بألف صحة وعافية وكل عام وأنتم بألف خير

والله يا أخ عامر أظن انو أنا كنت صادق و صريح مع الجميع بناء على طلب باسمة...بس للأسف انا دعيت و ما حدا لبى الدعوة حتى انت وباسمة صاحبة الفكرة...وسهرت للساعة 4 الصبح انتظر حدا منكون...حتى بطاقة اعتزار من المدعويين او شكر ما وصل...ولاحظ انو ما حدا حط اسماء غيري...على كل حال بيطلع على كل مدعو و ما حضر 100 دولار لانو كنت جايب ليتر ويسكي نخب اول لكل واحد فيكون...بتتبرعو فيها للكنيسة عندكون لاني ما بحب المصاري...ورح اشرب الويسكي لحالي على عيد الفصح .....ههههههه وحاول سامحكون

والله معك كل الحق أخ جون ...
أنا بالنسبة لي أعتذر عن نفسي وأنا آسف جدا..وكل مايتوجب علي أتجاهك أنا حاضر من عيوني ..
ولكن حقا لم أعرف ماهو العيد إلا على طريقة المتصوفين ..وقد سألوني أكثر من واحد ..
مافعلته أنني شربت القهوة المرة وأشعلت شمعات الرحمة على أرواح الغالين الذين فقدناهم في شهر الميلاد وكان أرحم على نفسي هو قراءة الأنجيل المقدس..
وكم تمنيت من الأخ مالك أن يأتي لعندي في فترة الأعياد ..ولكنه لم يفعل ..
بالنسبة لبقية الأعضاء لابد من أن يعتذر كل منهم بطريقته الخاصة ...
وأولهم باسمة ..التي إلى الآن مادخلت عالموقع ..لانعرف كيف كان عيدها ..ونتمنى لها كل خير
وللتذكير فقط بأن في شهر الميلاد سجل أكثر من 52 شخص يقولون أنهم من سوريا بالموقع
وعند مراسلة البعض منهم عن طريق الأيميل لم يرد أي و احد منهم ..فحذفت الكل ..
لذلك يرجى ممن لانعرفهم بالموقع أن يعرفوا على الأقل عن أنفسهم ..ولو كانوا مسجلين بأسماء مختصرة ..
من ترك للموقع معلومات عنه لنتعرف على شخصه الكريم نشكره وليسجل بأي أسم يختار وولكل الأحبة من فيروزة أو زيدل حقا أنا لأ أعرف البعض منكم ..
وحتى بعضكم لو قال من هو ربما لا أعرفه
وكذلك الموقع له حوالي 250 صديق في الفيس بوك ولكن الكثير لا أعرف من هم ...
ولا مانع من يرغب بترك إيميله أو تلفونه للأصدقاء ..
لنجعل الموقع حديقة صغيرة نلتقي فيها ..ولكل من يرغب بأن يعرف عن حاله لأصدقاءه فنشكره ..
أقول للجميع كل عام وأنتم بألف خير وشكرا عالملاحظةأخ جون وأكرر أعتذاري ..
والحمد عالسلامة للأخت غنوة ..
أجمل تحياتي

هوي الاعتذار فضيلة ..بس مانو مكتوب بالدعوة في ليتر ويسكي لكل واحد ,وانا شايف ياجون أنو عندك اراده قوية جدا طالما فيك تحتفظ بالويسكي لعيد الفصح ولا عندك كمية مليحة ..
كل عام وأنتم بخير