الطفل اليتيم

تدري وش اللي يجرح القلب جرحين
ويمد حبـل الحـزن فيـك ويشـدهـ

انك تناظر طفل مـن غيـر ابويـن
يمشي ودمعـة سايـل فـوق خـدهـ

منظر صعيب ويقسم القلـب قسميـن
لا قـام يمسـح دمعـه بكـف يـدهـ

يمشي ولا يدري طريقة علـى ويـن
لين التعب من كثـر مـا تـاه هـدهـ

اثقل حـروف يشيلهـا فيـه حرفيـن
لا أب يـدريـبـه ولا أم تـــردهـ

في خطوته رحلـة ودمعـة وسكيـن
وحـظ توسـد بالمراسـي مـخـدهـ

جيت اسألـهـ بالله قللـي ولـد ميـن
وبغي يجاوب واختنـق صـوت ردهـ

أنـا يتيـم ومـا لدربـي عنـاويـن
وجزر الحزن فينـي يسـاوي لمـدهـ

وطعم الطفولة ما عرفته لهـا اللحيـن
وثوب السعادة صـرت مانيـب قـدهـ

ابكي إلى من شفت غيـري سعيديـن
ليـن البكـا فينـي يوصـل لحـدهـ

واقفي ورحت امسح دموعي من العين
وعيني تناظـر دمعتـه فـوق خـدهـ

وهذا اللي يجـرح القلـب جرحيـن
ويمد حبل الحـزن غصـب ويشـدهـ

................

منقـول

مشكورين على مروركم عالموضوع
مهما بكى اليتيم فلابكاء لن يعيد له مافقده
ومهما بكت الفتاة فلن يعيد لها مافقدته في الوطن
ومانفقده على الأرض لايمكن أن نجده إلا في السماء
الله يكون بعون الجميع فمالهم إلا الرب ليساعدهم
أشكركم ولكم تحياتي

هناك صور عديدة جدا ياباسمة طالما هناك يد ظالمة تقتل بدون رادع
إن شاء الله يأتي اليوم وترسم البسمة على وجوه الجميع
موضوعك يستحق الاهتمام

قريت هالقصيدة وحبيت أنقلها لكم
.................
كثير من البشر يسأل عن اسباب الحـزن فينـي
وكثير من البشر وده يعرف بدنيتــي وش صـار

وعلام اللي يقابلني يشوف الدمـع فـي عينـي
وانا توي صغير السن حزيـن وشـارد ومنـهـار

انا بحكي بقول الحين عن اللي صار فـي سنينـي
ولكن قبل لا اتكلم ابـيكم تحكمـو يـا اخيار

تعالو واشهـدو ياناس تعالـو طالعـو فيني
تعالو شاهدوا جسمي غدى ناحل وعقلي طـار!

انا مانـي تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار

تعالو واسمعوا مني وش اسبـاب الحـزن فينـي
وشنهي سبة دموعي وش اللي بدنيتـي اسـرار

(يتيمٍ) ايه انا عايـش يتيـم محـدٍ يراعيني
ولحدٍ عني جاء يسـأل وحيـدٍ جالـسٍ بالـدار؛؛

(يتيـم)ٍ مافـي بالعالـم رحـومٍ جـاء يواسيني
(يتيم)ٍ عايش بحسـره وضيقـه عيشتـي امـرار

(يتيمٍ) فـي نهـار العيـد محـد جاني ينادينـي
يقول لي خذ حلاو العيد زمانٍ كنا فيـه صغـار؛

(يتيمٍ) صـاح ياموتـي رجيتـك رجـوه تجينـي
يومٍ استاذي قال بكره يجـون ابائكـم ياصغـار

شهادتكم تـرى بكـره وابوكـم لازم يجينـي
بسلمها انا بيده وشهـادة شكـر مـع ازهـار

وجاء بكره وجيت امشي ولحدٍ ماسـك ايدينـي
ومن أي طالب دخل ماسك بدين ابوه صرت اغار

وكنت الاول ولكـن دموعـي كانـت بعـــينـي
نزل دمعي وسط حفلٍ كبير وحاضرينـه كثـار

مقصر زادها الاستاذ مـا بـارك صـار يعزيني
شهاده كانت بيدي احسهـا جمـرة مـن نـار؛؛

ترى هذا سبب واحد من اسباب الحـزن فينـي
يكفي يابشـر ولا اكمـل وافشـي الاســـــرار

ابحكي عن سبب ثاني سبـب زاد الحـزن فينـي
(حبيبٍ) مـت فـي حبـه ولكنّـه طلــع غـدار

انا رغم (اليتم) حبيـت عشقـت بكل مافينـي
عشقت وكنت له وافي واذا اخطأ اجيب اعـذار!

انا حبيت لي شخـصٍ عشقتـه عشقـي لعينـي
وهو حبني واقسم لي بـرب المصحـف الجبـار

انا صدقـت حلفانـه وهقــيت انه بيغليـني
ومثل ماني احبـه مـوت توقعتـه يجينـي بـار

ولكـن خيّـب ضنونـي توقـــعتـه بيحميـني
توقعته حبيبي يكـون ولكـن صاربـي غـدار؛؛

اثـاري كـان يتسلـى ووقتـه يضيـعـه فينـي
وانا اللي أحّسبه يحبني واحسبه حاط لـي مقدار

قطع في طعنته اخـر عـروق الفرحـه بسنينـي
وزاد الحزن فـي قلبـي وخلانـي اعيـش بنــار

خدعنـي ونيتـه ينهـي حياتـي وده ينهيـنـي
وعجزت اخذ بثاري منه حبيبي كيف اباخذ ثـار

ومع غـدره وطعناتـه غرامـه ساكـنٍ فينـــي
ولا ظني انا بنساه لـو اتعالـج بوسـط شهـار

عرفتو يابشر هالحيـن ليـه الدمـع فـي عينـي
عذرتوني على جسمي عذرتو عقلي اللـي طـار

بالله يابشـر تكفـــــون اذا منكـم يلاقينـي
لايسألني وش الباقي من اللـي بدنيتـي اسـرار

لاني لو انـا بحــكـي جميـع اللـي انـا فينـي
ياناس عقولكم والله بتلـحق عقلـي اللـي طـار