كل الناس بتزمر

موضوع: كل الناس بتزمر السبت يونيو 05, 2010 10:27 am

كل الناس بتزمر
وما أكثر المناسبات اللي بتزمر فيها الناس
إذا صار عندنا عرس بنزمر !!
إذا نجحلنا حدا بالبكالوريا بنزمر!
قبل ما تفتح إشارة المرور بنزمر!!
وبعد ما تفتح إشارة المرور كمان بنزمر!!
على الدوار وفوق الجسر وعلى النزلة وبالطلعة بنزمر!!
إذا حدا كسر علينا بالغلط او بالقصد أكيـــيد بدنا بنزمر !!
أما يلي بتوقف سيارتو قدامنا عطلانه مو مشكلة بــنزمر !!
إذا طالعين من شارع فرعي لرئيسي بالليل او بالنهار بــنزمر !!
وإذا طالعين شي سيران وخاصة اذا راكبين طرطيرة بدنا نغني واكيد لازم نزمر !!
وإذا عجبتنا بنت ماشيه بالشارع أووووووه .... بــنزمر !!
وإذا شفنا ابو فلان بالشارع وحبينا نقلو مرحبا , مو حلوة لازم نزمر !!
ولو قرر واحد منا يخفف مشان يمرر أحد المشاة كل يلي وراه بـزمّروا !!!
وطبعا إذا فاز المنتخب اكيد شي ضروري إنو نطلع نزمر !!
وإذا رحنا نجيب أميركاني ووصلنا للضيعة بعد منتصف الليل بنزمر !!
أكيد إنتو معي إنو هاي ظاهرة مو منيحة ؟؟
..............
فشوفوا كم من الناس بتزمر بالنهار وبالليل ....
وعلى سيرة التزمير....
كان هناك أب وأم وعندهم طفل عمره 6 سنوات ..وكان يحتاج للذهاب للتواليت عدة مرات
وحتى كل مرة مايقول لأمه أنا بدي روح على التواليت وقت اللي بيكون عندهم ضيوف
أتفقت الأم سرا مع الطفل أن يقول لها ...ماما أنا بدي زمر ..عندما يحتاج الذهاب للتواليت..
وفي إحدى الأيام كانت الام في زيارة عند أهلها مساء وكان الطفل مع نائم مع والده في البيت
فشعر الطفل أنه بحاجة للذهاب إلى التواليت ..فأيقظ والده وقال له بابا أنا بدي زمر..
قال له الوالد...هلق بدك تزمر وكل الناس نايمين ...فقال له الطفل كل الناس بتزمر بالليل
ليش مابتخليني زمر مثلهم .....
فقال له الوالد ... تعال زمر بأذني بس شوي شوي ..لما تزعج الجيران ...
...............

_________________
كل الناس بتزمر 2-1410

عنجد حلوة ..وطالما الكبار بتزمر ليش مابخلي ابنه يزمر...
والله ياشباب ياريت بيصدروا شي قرار يلغو فيه التزمير علي الأقل بالليل..
بس كل شيء بالحياة ارادة وذوق ..واللي ماعنده ارادة وذوق ليش بيسوق ليزمر
ومابتشوف غير كاتبين القيادة فن وذوق
بشكرك عالموضوع

اذا بالحياة عما نقضيها تزمير معناها مو شايليين للآخرة الا التطبيل(مزمرين بالدني مطبلين بالآخرة)
لك وحتى يا اخي كارل بالأمثال عما نزمر بقولوا (زمرابنك = كناية عن انو تحقق حلم ابنك بمشتراة الزميرة.....مزبوط..بتتزكر هالمثل)

» فيروزيات أغاني وكلمات وذكريات وصور
» من أشعار الإمام الشافعي
» فيروز
» الأختلاف في تفكير الناس
» هل تريد ....أن يحبوك الناس؟