لقاء صدفة بليلة شتاء

صدفة التقينا سوا ليلة شتي وثلوج
وجسمك بايد البرد صرتي تهزيلو
شفتك برجفة فزع مثل الزهر بمروج
خذتك ع بيتي الفزع هديلو
وبالبيت تشعل حطب دفي ورد غنوج
عطرو ع شرشف حلاتو صار يشكيلو
ما لقيت قطعة حطب كان انتهى المنتوج
شعلت لهفة اشواقي وصرت دفيلو
وبلشت غني تيصحى من التعب ويفوج
رونق حلاكي وتيصفى سهرت غنيلو
ملتي عليي وفرشتي شعرك المنسوج
بخيوط ثوب الفجر وبنور تجديلو
وشفت بعيونك بحر نظرات حلوة تموج
وبحار قلبي بعثتو وصرت ادعيلو
وشفاف علقو سوا بثمي وانا محروج
شفي بتعصر وشفي عطر تسقيلو
وع سرير صدرك وشرشف بالحلا ممزوج
خفت ان لمستو غفى طفلين وعيلو
والخصر ورد وشهد عطر وندى مدموج
وزنار لف الخصر صرتي تشديلو
مرتاح خصرك وخصري من القهر مزعوج
شدي ع خصري وتعي الزنار رخيلو
ذبت بحلاكي بليلة عمرها مكروج
ولقيت حالي بحلم غرقان بجميلو
يا ريت كان الحلم واقع فعل منضوج
يا الحلم علق بجفوني وما قدرت شيلو
******************

» فهل من لقاء
» لقاء رومانسي
» فيروزيات أغاني وكلمات وذكريات وصور
» لقاء الكلاسيكو الإسباني
» فيروز