قصيدة غزل شـــامية

بحبك حب الشباك للبرداية
بحبك حب الأرنبيط للكوساية
بحبك حب الشلمونة للكولاية
لك بحبك حب الطشت للكبجاية
يا ريت تكوني شخبرة ، وكون أنا المحاية
يا ريت تكوني بريات ، وكون أنا البراية
يا ريت ما تحطيلي زء ، لما كون أنا جاية
بحب ضحكتك يللي متل صوت المعزاية
بحبك حب الدؤونية لللهاية
بحبك حب المألمة للشنتاية
يا ريت تكوني عوجا وكون أنا العرباية
يا ريت تكوني طربيزة ، وكون أنا كنباية
يا مدلوئة حياتي وشعيبيات عمري ووربات بئشطة روحي يا أحلى زبدية محلاية

بحبك حب الريموت للتلفزيون
بحبك حب درفة الباب للمندلون
بحبك حب بنت اختي الفصعونة لسبيس تون

بحبك حب أبو السوم للطابة
بحبك اذا كنتي متنحة أو حبّابة
بحبك حتى لو كان صوتك متل موتور الدبابة

سمعيني شوي لحتى احكيلك الأصة
يا ريت تكوني حنفية مي عم تشرشر ، وأنا بعصّا
انشالله ما يبلا هالطول متل عرئ الفصة
لك يا ريت تكون معي هيكة كمشة بزر وأعطيكي نصّا

بحبك حب منير الجبّان لكلمة صباح الخير
بحبك حب جهاد سعد لبرنامج خبرني يا طير
لك بتسدئي ؟؟ بحبك حب جورج بوش لتوني بلير ، شه

بحبك حب الآرمة للعامود
بحبك حب الزلائط للمعؤوود
بحبك حب بيشو لأبو الفوود
بحبك حب السعادين للقرود

بحبك اذا كنتي ساكتة أو عم تحاكينا
بحبك حب ابن اختي الفصعون لبوظة كارينا
بحبك حب البردآن ، للكرمنتينا
حاجة بأه جننتيـــــــــنا

ملاحظه اذا كان هناك كلامات شاميه غير معروفه نرجوا مراجعة القاموس الشامي العربي ههههههه

قصيدة الصداقة الحمصية:

كنت جالسا أشرب الشاي
فاتصل فلان و قال لي أنا جاي

فقلت له لا أقدر حاليا لأنني أشاهد باباي
فقال لي لا بأس… اقطع مسلسل باباي
و استمع لأغنية ماغاباي


و إذا فعلت ذلك سأحضر لك معي كام محشاي
(محشي)
فتنهدت قائلا ماشي… إيمت جاي؟؟
فأجابني بعد ما آكل كام كباي
(كبة)
ثم قفل التليفون في وجهي بعد ما قال لي باي
فقلت لنفسي اللعنة علاي
(عليه)
سأجهز كام بندوراي
(بندورة)
لأضربه بهم على إيداي
(يديه)
و سأربط له إجراي
(رجليه)
و ذلك سيمنعه من مشاهدة باباي
فإني رجل أبضاي
لا أدع أحد يضحك علاي
(علي انا)
و بينما كنت انتظر هذا الشايف حالو عالمراي ( المرآة)
و إذ بعرباي
تقف أمام مدخل البناي
(البناية)
فقلت لنفسي ما كان ناقصني إلا هاي
و طلعت لشوف
شو فيها هالعرباي
فوجدت قلم و محاي
و كيس فيه كام محشاي
و جنبهن رسالة مكتوب فيها أنا فلان … بعتذر ماني جاي

عندما يتفلسف الحمار و يخاطب ابن آدم و يقل له
عجبي عليك يا ابن آدم يا كبير الدار

قوّمت الدنيا و ما قعدتها لما قالوا لك حمار
شو يعني اسمي شتيمة و لا جنسي شي عار؟؟؟

خلقني ربي و خلقك و ما حدا بإيدوا الاختيار
و أنا مهما زاد الحمل فوقي صابر على المشوار

لا بيوم أرفع عيني على جارتي و بصون الجار
و لا بيوم بطلّع على رزق غيري و بطقّ منو وبغار

و لا مهر أدفع لحمارتي و لا خواتم و لا سوار
و لا شقة أجمع بحقها و لا أجهز دار

و لا حرمتي حامل تتوحم بدها كافيار ....
و لا بنت تخرج عن طوعي و تجيب لي العار

و لا ابن يدمن و يهلوس و يوقع و ينهار
عايش بحالي و متهني وليش بدي احتار

باكل و بشرب و أنهق و ما في عندي أسرار
و عندي ابن آدم يخدمني ليل و نهار

إذا جعت يشتري برسيمي بأغلى الأسعار
و إذا مرضت بيعالجني و يدعي الستار

خادم أمين من غير راتب و لا حتى إيجار
عرفت يا بني آدم مين فينا طلع الحمار