قصة سندريلا باللغه الفلسطينيه

لبست الفسطان وراحت جري عالكصر وشافها الأمير وحبها وركصو سوا وفجأة
دكت الساعة طنعش وجراي وصارت ترمح و ترمح ووكعت ببوجها عالدرج ...
سندريلا راحت عالبيت واتمنت لو انو الساعة ما دكتش على الطنعش، بس شو
تسوي بحظها المشحر مثل حظ هاظا الشعب.
الأمير حط فردة البابوج على مخدة يمكن لونها زركة أو نهدي، المهم صار
ينادي بالصوت على كل البنات عشان يكسن البابوح، كسن كل البنات إلا سندريلا .....
سندريلا نزلت على الساحة ومعها فردة البابوج، وحطتها على المخدة الي
عليها الفردة الثانية، ولما كربت عشان تكيسها ضربها الأمير كف،
وحكالها: وين جاي ياما،
حكتلو: يقطع وجهك ما أزنخك، مش شايفني بدي أكيس البابوج
حكالها: وحدة مثلك كيف بدها تكون فلكة الكمر هديك،
حكتلو: هسا بفرجيك وأحط على عينك
ولما اجت تكيسها، ما طلعت كد اجرها، لأنها كانت ورمانه من كثر الشغل،
ويا حرام ما حدا صدكها، وانجنت المشحرة ودارت في الشوارع، والأمير
اتزوج غيرها وحكى: لوينتا بدي أظل ادور عليها الله لا يردها هيالخسرانة

مهما كانت اللهجة الحكواتية بنضل نشوف حروف عربية أحس بمليون مرة من لغة العربية بحروف انكليزيه..
انا بظن في لهجتنا الزيدلية والفيروزية هيك كلمات ..
الشاروخ ،الصطامة ،البقجة ،حاووز، سنسلة، حيشا...
بس حلوه القصة يسلموا ويعطيك ألف عافية

معك حق ياباسل ..أنا بشوف هاللغة الجديدة بالمحادثات وخاصة بالفيس بوك
بتمرض وكثير من جيل اليوم لاحقها ..
بس أني أنتبهت لكلمه الكصر بالقصة واللي بيقصدوا فيها القصر ..معظم العراقيين بيلفظوا قلبي = كلبي ..ههههه

حلوة قصة السندريلا يعطيك العافيه ...
والله ياعبير ضحكتيني كثير على قلبي = كلبي ...
بس نحن كمان عنا لهجات محلية حلوة وبتضحك ..
يخرب كوشك ، يفضح حريشك ،ساكو، هوازات ، عمنول ....ههههه

سلامة قلبك ولا كلبك ياعبير ..عنجد في حالات كثير بيكون اللهجة سبب لعدم شو المقصود