عروس تبكي ليلة عرسها

ليش هالعروس ليلة عرسها بتبكي
حزينة قلب ولمين رح همها تشكي
الدمعة ع خدها روايات عم تحكـي
راسها ع مخدة الأحزان ليش تركي
..............
قالوا لها من صبر بهالعمر مثلك نال
أشكري ربك ع النعمة وع كل حــال
عريسك رجل مكمل وزينة الرجـال
وأميركاني وعنده عدة ستوارت شركي
..............
وأمها تقلها يابنيتي أنسي المحبوب
كل الصبايا مثلك مشيت هالدروب
تركت حبيبها اللي فاضي الجيوب
ولحقت أميركاني لمْا الفقر ماتشكي
..............
العروس تقول ياميمتي أسمعي ليي
حبيبـي بفقره بحطه جـــوا عينيي
بدي حبيبي اللي بقلبه خايف عليي
ويلعن أبو المال والذهب لو سبكي
..............
يابنيتي شو رح تقول علينا الناس
بنتنا رفضت عريسها ع أي أساس
شوفي كم أشترى لك ذهب ولباس
ورح يحطك ع الراس كرمال عينكي
..............
يامميتي ما اعرف شو العمل هالحين
قولـي لأبي بلكــي قلبـه ورأسه يلين
أنا ما أقدر حاكيه والدمع مالـي العين
وشو ذنب عريسي الأميركاني المسكين
وكيف رح ضمه لصدري وقلبي حزين
وكيف رح يعيش معه ع طـول السنين
طالــما زواجنا مخالف للشرع والدين
يارب ساعدنـي وخلصني من هاللبكـي
..............
يا بنيتــي برضا الله علينــا وعلـيك
عريسك رح يكـون مثل الخاتم بإيديك
شوفي بدلة هالأكليل شو لابقى عليك
وبالأكليل الكل رح يكونــوا حواليكي
...................
ياميمتي رح أكتب لمحبوبي هالمرسال
وبإيدك رح توصليه مهما قالوا وبينقال
حبه اللي بقلبي أغلى من الذهب والمال
ورح أتكلل مجبورة وماعاد فيني أحكي
...................
وبعد ما تكللوا العرسان وعمرت السهرة
كانت العروس تتحرقص كالقاعد ع جمرة
كل اللي حواليها اتعجبوا ماذاقت الخـمرة
وليش العريس ماباسها ولا سقاها ويسكي
..................
هيك الزمـان بيفرض ع اللي حبت بإيمان
تعمل مثل مابدهم ربعـها من دون إستذان
يازمان شو صاير قاسي علـــى الإنسان
ياريت فيك تحكم عدل وتساعد البتشكي
...............

_________________
عروس تبكي ليلة عرسها 2-1410

» لمازا تبكي النساء؟
» ما اجمل ماكتبه جبران
» النباتات تبكي عند التعرض لهجوم
» لماذا تبكي النساء بسهولة ..!!
» حكمة :عروس ببلاش