بيانات ... 😁
- ألو ، بيتزا هت ؟
• لا يا الحبيب معاك غوغل بيتزا.
- شلون ؟ هل انا دقيت الرقم بالخطأ؟
• لا ، غوغل اشترت مطاعم بيتزا هت
- ولي عليكن، ما خليتوا شي ما استحوذتوا عليه، طيب بدي بيتزا.
• ولا يهمك ،
بدك طلبك المعتاد؟
- شلون بتعرفوا طلبي المعتاد؟ وانتوا لسا هلأ شاريين المطعم.
• حسب رقم جوالك ، آخر 15 مرة طلبت بيتزا دجاج سميكة مع أطراف محشية بالجبن
- خلص جبلي نفسها.
• طيب ، شو رأيك هالمرة تاخذ بيتزا خضار عجينة نحيفة بدون حشو اطرافها بالجبن ؟
- لا ، أنا ما بحب الخضار .
• بس الكوليسترول عندك مرتفع كثير
- شو عرفك انت😳؟
• المستشفى اللي يراجع فحوصاتك رابط نظام الفحص مع غوغل ، ومنعرف نتائجك خلال السبع السنين الماضية كمان.
- العما لهون وصلت معكن ، لا ما بدي بيتزا خضار ، أنا بستخدم علاج للكوليسترول .
• بس حضرتك ما عم تستخدم العلاج بانتظام ،
قبل 4 شهور اشتريت علبة من صيدلية الدواء فيها ٣٠ حبة ومااشتريت بعدها.
- رحت صيدلية ثانية واشتريت منها 😜.
• بس ما فيه عمليات شراء أدوية على بطاقتك الائتمانية خلال الثلاث شهور اللي مضت .
- الله ياخدكن🥺، دفعت كاش
• حسب بيانات البنك اللي تتعامل معه، آخر عملية سحب نقدي كانت ٣٠٠ يورو قبل ٤ شهور
- طيب عندي كاش بالبيت من زمان ، ورحت الصيدلية المركزية و اشتريت نقدي .
• بس الصيدلية المركزية بتحفظ جميع مشتريات الزبائن برقم جوالاتهم ، وحسب رقمك ماراجعت الصيدلية من ٤ شهور .
- يا اخي انتوا شو قصتكن معي ؟
خلص مابدي بيتزا ؟
ولا غوغل ولا واتساب ولا تويتر ولا سناب ولا انستغرام ، لح سافر وروح جزيرة ما فيها نت ولاجوالات ولا تلفون ولا حدا يتجسس علي .
• على راحتك ، بس اذا بدك تسافر لازم تجدد جواز سفرك لانه منتهي من شهرين
الإثنين يناير 07, 2019 6:59 am
