أمثال قالوها الجدود :
- وقت الكباب سكروا الباب ، ووقت المجدرة نادوا للمعترة
- ابن آدم نصو خلقة ونصو خرقة ، ويلي ما بتزينو عروقو ما بيتزينو خروقو
- البخيل متل الكديش ، بيحمل دهب وبياكل حشيش .
- خدي الفارس ، ولا تاخدي الدارس
- خايف هزك يا غربالي ، يوقع منك كل عزيز وغالي
- العشرة يلي هانت ، ياريتها ما كانت !
- اللي بيعاتب الرخيص ، بيرخص
- اللي بقلبي علساني ، واللي مو عاجبو ينساني .
- الأصيل أصيل ولو حظو على قدو ، وإبن النعمة مبين ولو الزمن هدو .
- مو كل ورد خلق للشم ،.ولا كل البشر بتنفدى بالدم .
- قالت ياجارة سكبيلي ، ردتلا بكفوفي ولا بصحونك اللي على رفوفي.
- لا تضرب وتغمق الجرح ، مابعد العداوة إلا الصلح .
- نامو عندي ليلة ، فكرو حالهم من العيلة.
- بنت الأصل ، بتخلي كوخها قصر
- النذل يلي متعود على الوخامة ، ما بيناسبو بيت الشرف والشهامة .