سر علاقة حمص بالنكتة

سر علاقة حمص بالنكتة :
ما أن تدخل ربوع حمص حتى يختلف عليك المكان والزمان فهاهي بأهلها ورائحتها ولونها تعطيك انطباعا خاصا يؤكد لك اختلافها، ولأنك مسبقا تتوقع الجنون ستلمس ذلك فوراً، فالمدينة اشتهرت عبر العصور بالنكتة ويؤلف الحماصنة النكتة ويروونها حتى لو كانت تنال منهم ويجدون متعة في ذلك ويفسرون الوصف بالجاذبية وليس البلاهة ولذلك استمروا في تأليف النكات عن أنفسهم لأنه تعبير عن ذكائهم.
يقول المؤرخ الحمصي فيصل شيخاني إن النكتة أو النادرة المضحكة في حمص تعود إلى عصور قديمة وكانت أحياناً تأخذ منحى السخرية وروى المؤرخ الروماني كيكرون عن الحماصنة قولهم إن قيصر روما غني مثل ملك حمص شمسغرام في إشارة إلى الفارق في الغنى بين القيصر الروماني والحاكم الحمصي العربي السرياني.
ويروى عن الملكة الحمصية جوليا دومنا التي حكمت روما كإمبراطورة حبها للنكات الساخرة والنادرة الناعمة.. وذات مرة طلبت من المفكر الروماني "أبنيان" العامل لديها في البلاط ويعتقد أنه سوري الأصل أن يروي لضيوفها ماحدث بينه وبين موظف الأمن عند عبوره نهر الفرات.
ويسرد المؤرخ مايلي .. أردت أن أعبر نهر الفرات فسألني موظف الأمن ماذا تحمل معك .. ولما كنت لاأحمل شيئا قلت مازحاً .. أحمل الصدق والوفاء والعدل وهذه الألفاظ في اللاتينية تنتهي بمقطع مؤنث فقال لي الموظف في استعجال جهز ثلاثة جوازات سفر للفتيات الثلاث وأهلاً بك.
وأثرت عشرة أهل حمص على ذكاء ملك حمص أسد الدين شيركوه في القرن السابع الهجري والمدفون فيها وهو ابن أخت صلاح الدين الأيوبي بطل الحروب الصليبية.
حيث كان صلاح الدين قد صادر أموال أبيه وفرض عليه حفظ القرآن لعلمه أنه شرب الخمر سأله صلاح الدين: أين وصلت في تعلم القرآن الكريم .. فرد شيركوه .. وصلت إلى الآية التي فيها ولاتأكلوا أموال اليتامى.. فضحك صلاح الدين وقال .. أعطوه أموال أبيه وخلصونا منه.
وحدث في زمن شيركوه أيضاً خلاف مع ملك حماة الأيوبي حول ملكية سلمية فقطع شيركوه مياه العاصي عن حماة وعندما أعيدت المياه إلى مجاريها سرت شائعة بين الناس أن العاصي قسمت مياهه وأن حموياً شوهد ينقل المياه من الضفة اليمنى من النهر إلى الضفة اليسرى كي تذهب المياه إلى حماة. وروى الحمويون النادرة نفسها عن الحماصنة واستمر تبادل النوادر والنكات بين الحماصنة والحمويين حتى العصرالحالي وعندما دخل ابراهيم باشا ابن محمد علي باشا والي مصر في عام 1840 إلى سورية أقام في حمص فترة أثناء مطاردة العثمانيين ونقل إليه أن بعض الحماصنة سطوا على مستودع الذخيرة وسرقوا بعض القنابل الكروية وانفجر بعضها بهم. غضب ابراهيم باشا وأراد أن يحقق بنفسه مع الجرحى الحماصنة فقال له أحدهم .. ياسيدي ظنناها كرات نلعب بها لم نحسبها بومبات وكان إلى جانبه المؤرخ الدمشقي ابراهيم مشارقة قال له .. ألم أقل لك إنهم بسطاء لطيفون فرد ابراهيم باشا : لا والله شياطين بالذكاء.
وكان الحمصي يرد على حكم العقوبة بالبلاهة والبلادة وحدث مرة أن السلطنة العثمانية أرادت بناء مارستانات في المدن السورية على غرار دمشق، والمارستان هو مشفى للأمراض العقلية وقرر ممثل السلطنة في دمشق زيارة حمص لاختيار الموقع ... وهناك فوجىء بماهو غير متوقع وجهاء حمص في استقباله لابسين بأقدامهم فردة حذاء أحمر وفردة قبقاب فالطقس كان غائماً وإن نزل المطر انسلخ نعل الحذاء بينما القبقاب أقوى.
وغني عن الذكر ماحدث لـ تيمورلنك الذي انهارت أمامه الحصون والممالك لقد خرج جميع سكان حمص إلى خارج السور وتركوا أبواب المدينة على مصاريعها لبسوا القباقيب بالمقلوب وانهالوا على براميل الحديد العتيقة ضرباً غير عابئين بالغازي وجيشه ... فأمر جيشه بعدم دخول هذه المدينة أو الاختلاط بأهلها.
ويستمر الحماصنة بإنتاج النكتة عن أنفسهم فهي سبيل التسلية الأقل كلفة، ويروونها صغاراً وكباراً إنها الدليل على ارتياحهم وازدهارها يعكس ازدهارهم وهاهم قد قرروا مجاراة الأمم المتحضرة فقرروا إرسال أربعين شاباً وسيماً إلى باريس لتعلم كيفية عقد ربطة العنق .. وبعد أسبوع جاءهم الخبر .. 20 شاباً في ذمة الله و 16 في العناية المشددة ونجح أربعة في الاختبار.
وأخيرا قرر وفد من لبنان الدخول على مدينة حمص فاتفقوا أن يخرجوا أيديهم من الباص وهم يصطنعون التجديف ليروا مالذي سيفعله الحماصنه، وما أن باشروا بخطتهم حتى رأوا أهل حمص يمتطون الباص ويقفزون منه كأنهم يقفزون من السفينة،فانقلب السحر على الساحر ورجع اللبنانيون خائبون."نكته حمصية".
وبذلك نجد ان لا أحد يستطيع التغلب على دهاء الحماصنة وذكائهم المتميز الذي أنقذهم مرات عديدة من مصائب.
................
منقــــــــول

مجموعه من النكث الحمصيه

حمصي إتصلت به خطيبته وقالت له أهلي مسافرين والبيت فاضي شو رأيك
قال لها: إقرئي قرآن ولا تخافي

حمصي وقع ع الدرج عطوه مرهم قالوله ادهن مكان الاصابة راح دهن الدرج

حمصي تاجر مخدرات نزل إعلان بالجريدة عنا..طحين من اللي بالي بالك

كان في حمصي و هو ماشي إنشقت شحاطه قام راح خيطه عند الكندرجي
بعد أسبوع شافها تحسنت قام فك التخيطه

حمصي سمع عن جمع تبرعات لمشفى للأمراض الصدرية ... تبرع بألف سوتيان

مرة في واحد حمصي راح لعند الدكتور قلوا دخيلك يا دكتور بدي حلل
قلوا الدكتور أكل شي اجا الحمصي قللوا له يادكتور شو جاي جربك

القت الشرطة السعودية على مجموعة من الحماصنة في الرياض عندما
اكتشفتهم يصلون الجمعة يوم الاربعاء

حمصي ضيع حماره رجع لبيته زعلان قالتلو مرته لا تزعل دخلتك علي
تسوى عشرين حمار

كان في حمصي وجد ليرة مطعوجة صلّحا بعشر ليرات... ها ها ها

حمصي فات على الحمام ام شاف اشاطة ام قال : ولى كل هي شفرة حلاقة

في واحد حمصي هديتو حبيبتو ببغاء.. و شافيتو حبيبتو بعد يومين
قالتلوا حبيبي كيف الببغاء ..قلا: متلو متل الفروج

ليش الحمصي الصغير أذكى من الحمصي الكبير؟؟؟؟؟؟ل لأنه ماصرلووو
زمان حمصي

في واحد حمصي سالو شو رايك بالزواج المبكر الن يعني اي ساعة

واحد حمصي لغى الموعد مع الدكتور لانه كان مرضان ها ها ها

في واحد حمصي تصور بجانب حمار وبعتها الي اهلو وقال لهم انا يلي
علي اليمين

آل كان في حمصي ماسك قطعة ثلج بمرقة واحد آم سألو ليش ماسك هتلجة
آم ألُو صلي ساعة بدي أعرف من وين عمتنقط.

واحد مستشرق راح على حمص رجع مستغرب..

كان في واحد حمصي قال له صاحبه شفت مبارح مرتك راكبة مع رجل غريب
بسيارتك وعم بتسوق بسرعة رد الحمصي : مش مشكلة هي بتعرف تسوق منيح

على شاطىء البحر سأل الأول : شو مبين الأخ منسجم ؟ فأجابه الثاني
لا يا أخي أنا من حمص!

حمصي اشترى خليوي... مرة كان جالس عند خطيبته فجاة رن الخليوي
وبعد ما خلص كلام على الخليوي مع رفيقه قال!؟ عجيبي يه شو عرفو إنو
أنا هون

في ثلاثة حماصنة سرقو بنك ..عجزو عن عد المصاري قالوا آآآي بكرة نعرف من الجرايد

في واحد حمصي راح يخطب وحده قام الولو اهلها والله البنت عم تدرس
فاجاب الحمصي : طيب برجع بعد نص ساعة

كان في حماصنة عمبيلعبو علي التوستراد حطو قانون للعبة انو يلي
يندعس مرتين بيخسر

كان في ولد حمصي ساله الاستاذ مين من الحيوانات يصحينا على صلاة
الفجر فقال الولد: بابا

كان في ثلاثة حماصنة بدون يسرقو بنك فأسمو السرقة بيناتون

واحد يسرق وواحد يراقب و واحد يروح يبلغ الشرطة

كيف تجعل الحمصي يقرأ رسالة إلى الأبد؟؟؟ أكتب على الوجهين "إقلب الورقة"

في حمصي ماشي بالشارع لاقى فاتورة فراح دفعا

في واحد حمصي اول مره بحياتوا بياكل علكه قام حلف يمين ما ينام الليل الا لما يخلصها.

قال في حمصي صغير سأل امه: ماما بس يكبرو رفقاتي مع مين بدي العب

قال 100 حمصي عميدهنوا باص, واحد ماسك الفرشاية او 99 عبيحركوا الباص

في واحد حمصي دخل الى الصيدليه ومعه التيكو وعينه مسكره قال للصيدلي: في احسن من هل قطره؟

وقف الحمصي امام المراية قام قال مدري وين شايف هالوش قام بعد شوي تذكر انوا شايفوا عند الحلاق

ليش الحمصي بيحط الصوبيا برة؟ - لأانو برة أبرد من جوة

ليش الحمصي بيصلي بالانكليزي ؟؟؟ مشان يحسابه الله بالدولار ....

حمصي عندو سبع ولاد سمى حالو سفن أب

الله يخلينا الحماصنه مافي اخف من دمهم

حصل شغب في حمص مما ادى الى قرار بمنع التجول في الليل ، فخرج اهل حمص جميعا ليتفرجوا على منع التجول ...

بسمع كثير بنكث الحماصنة بس هاي معلومة جديدة عن سر النكثة يعطيكم العافية


مرة إخترع الأمريكان روبوت ذكي جدا بحيث لا يصعب عليه سؤال فمرة دخل حمصي وسأل الروبوت سؤال
وعندما خرج لقوا الروبوت منفجر قاموا لحقوا الحمصي وسألوه:شو سألته؟؟قلن أبو بريص قبل ما يجي ابنه بريص شو كان اسمه؟؟

حدا عنده صوره لابو بريص

واحد حمصي إشترى موبايل وعندما كان عند الحلاق خبرتو مرتو

فقال لها مستغربا : كيف عرفتي إني عند الحلاق?

كان في ثلاثة حما صي ماتوا اجتمعوا و سألوا بعضهم كيف ماتوا؟

قال الأول :أنا زلمة ختيار درويش على باب الله قاعد عند الحّلاق
واذ بيجي واحد لعند الحلاق ويقول لي في واحد عند مرتك،
أنا سمعت هالسّمعة حملت حالي و ركضت لبيتي طلعت خمس طوابق
و أنا عم ألهث ، فتشت البيت كله ما لقيت حدا ،
طلعت على البرندا لقيت واحد معلق من أ صابيعه على الحافة ،
كمشت الشاكوشة وكسرت له أصابيعه واحد واحد ،
قام سقط لتحت وكان في خيمة تحت سقط عليها و ما صار له شيْْء ،
فدفشت البراد عليه ،ونظرت لأسفل - وأنا مريض بالقلب -
ورأيت هالمنظر فجاءتني جلطة ومت..

فقال الثاني:أنا زلمة منحوس كنت واقف على سطح بناية عم ركّب دش ،
قام زحطت رجلي وسقطت لتحت فتعلقت بحافة برندا ،
قام اجى واحد معتوه صار يكسر أصابيعي واحد واحد فسقطت لتحت
ولكن لحسن الحظ كان في خيمة منصوبة تحت فما صار لي شيء ،
قام بدي أرفع راسي لفوق ما لقيت الا براد نزل فوقي ...

قال الثالث أنا واحد كنت عند واحدة صاحبتي فعلمت أن زوجها قادم
فاخبأت بالبراد و ما لقيت حالي الا هون..!

احد الحمويين كان في زيارة لحمص يوم اربعاء، شاهد عددا كبيرا من الحماصنة يركضون باتجاه واحد،
فسأل احدهم: اين يذهب الناس؟
قال الحمصي: في اشاعة ان العاصي سيذهب الى حماه، من شان هيك رايحين يودعوه قبل ما يترك حمص.

حمصي عم يقرا صفحة الوفيات
ويدعي: يا رب ما يكون اسمي معهم

-------------------------------------

الطبيب: ايمتى بتفقد شهيتك
الحمصي بعد الأكل مباشرة

--------------------------------------

حمصي اشترى عقال ورجع بعد يومين بيقول للبياع:
العقال صغير على راسي
البياع: عادي على المشي بيرخي

---------------------------------------

افكار حمصي: الامتناع عن التدخين يحتاج الى...
قرار ... هدوء ... تركيز ... كاسة شاي وسيجارة ..

.--------------------------------------

سألو حمصي شو السبب الرئيسي للطلاق
الحمصي : الزواج

--------------------------------------------------

حماصنة مخترعين صاروخ والعالم كلو خايف منهم ليش؟
مسمينو (وين ما راح يروح)
--------------------------------------------------

حمصي احترقت دكانتو سألو انشالله ما خسرت كتير
قال...لا.. لانو كنت عامل تنزيلات

يبدو أن تميز حمص عن العديد من مدن الشام لم يقتصر على يوم الأربعاء و النكتة الحمصية ...

فاختلافها وصل إلى الميزان و الأوزان و الحديث هنا عن ( الأوقية ) تحديداً .
حيث يساوي الكيلوغرام الواحد في سورية و كل مدن الشام ( 5أوقيات ) أي الأوقية 200غرام إلا في حمص
فالكيلو غرام الواحد يعادل أربع أوقيات , أي الأوقية تساوي 250غرام
فما سبب هذا الاختلاف ؟
القصة قديمة و تعود إلى ما قبل دخول الفرنسيين في سورية , حيث كانت ما تزال الوحدات المستخدمة في سورية هي وحدات الآراميين القدامى .
و من هذه الأوزان ( الرطل ) و الذي يعادل ( 12 أوقية ) و الرطل يساوي 2564غرام في كل مدن الشام
إلا في حمص , فقد زاد الحمامصة وزن الرطل و جعلوه 3000غرام أي أصبحت ( الأوقية ) على هذا الحال تساوي 250غ .

وحدة اجنبية وقفت تنين شباب بحمص وسالتون عن عنوان..؟
حكت معهن بالفرنسي ما فهموا...
حكت بالانكليزي مافهموا...
حكت ألماني ما فهموا...
حكت إيطالي... كمان مافهموا...
قال الأول للتأني : أريضة لو منعرف شي لغة منون كنا فهمنا عالمخلوقة...
رد التاني : شو علاي...ليكأ بتعرف أربع لغات ...شو استفادت منون

طرفة..حمصيـة

حمصي عاطل عن العمل من فترة طويلة ، فقرر إنه يفتح عيادة  !!
وعشان يجيب زباين وضع إعلان وكتب عليه :
" كشفك وعلاجك ب50 دولار ، ولو ما قدرت أعالجك بتاخذ 100 دولار "  !!!
دكتور شاف الإعلان وقال بمر وبعمل حالي مريض وأكيد ما رح يعرف يعالجني وباخذ 100 دولار
المهم راح عليه
الدكتور : السلام عليكم
الحمصي : وعليكم السلام تفضل يا حلو
من شو بتشكي ؟!
الدكتور : والله إلي فترة مش قادر أستطعم الأكل مش عارف أميز طعم الأكل
الحمصي : يا سهييييير (الممرضة) هاتي علاج رقم 22 وحطي للمريض 3 نقط في تمه .
الدكتور : الله يقرفك هاد كاز  !!!
الحمصي : مبروك رجعت تستطعم وتميز الأطعمة كويس أدفع 50 دولار
طلع الدكتور متضايق وبفكر وقرر يرجع بعد يومين عشان يعوض الخسارة
بعد يومين .....
الدكتور : السلام عليكم
الحمصي للدكتور: وعليكم السلام تفضل يا حلو
من شو بتشكي ؟!
الدكتور : بشكي من فقدان الذاكرة مش متذكر أي شي
الحمصي : يا سهييييير (الممرضة) هاتي علاج رقم 22 وحطيله في تمه 3 نقط .
الدكتور : بس العلاج 22 هاد كاز !!!
الحمصي : مبروك رجعت الذاكرة هات 50 دولار
الدكتور : طلع متضايق ومحروقة أعصابه قرر يرجع عشان يعوض خسارته بعد يومين .
بعد يومين .....
الدكتور : مساء الخير
الحمصي : مساء الورد نورت تفضل من شو بتشكي ؟!
الدكتور : نظري ضعف وما بشوف منيح
الحمصي : بعد تنهيده ، للأسف علاجك مش عندي
تفضل وهي 100 دولار :/
الدكتور أنبسط وبعد ما عد المصاري قال بس هدول 50 دولار بس !!!
الحمصي : مبروك رجع نظرك وصرت أتشوف لو سمحت هات اا100 و سدد 50 دولار

ومن ساعتها الدكتور عم يدور عطريقة ياخد فيها جنسية الحمصية وجواز حمصي ليفتح هيك عيادة