جهنم الســـــــــــــــــــورية

واحد مات وأخدوه ع النار، المفاجأة كانت أنو النار مقسمة لمناطق ودول متل جزيرة العالم أو القرية العالمية بدبي.

أول شي سأل اللي جنبو: شو هي؟؟

الثاني:هي جهنم الألمانية، هون بيحطوك ع كرسي الكهربا ساعة و بعدين بينيموك ع المسامير ساعة تانية بعدين بيجي ملك النار الألماني بيضل يجلدك لتاني يوم

الأخ ما عجبتو الفكرة فراح ينتقل من نار للتانية ويشوف أنواع العذاب التي تشبه بعضها

أخيرا ً. . .أخيرا وصل على جهنم سوريا، وأتاري العالم عم تعفس ع بعضها ولا في دور ولا هم يحزنون والعدد بالملايين.

شاف واحد سألو: شو هي يا معلم

التاني: هي نار سوريا.

صديقنا المرحوم بدهشة وتعجب: وشو فيها مميزات؟

التاني: هون بيحطوك ع كرسي الكهربا ساعة و بعدين بينيموك ع المسامير ساعة تانية بعدين بيجي ملك النار السوري بيضل يجلدك لتاني يوم

فقال صديقنا المرحوم بدهشة اكبر واعظم: ما نفس البقية بالضبط ، بس ليش كل هالزحمة!!؟؟؟

التاني: لأنو الكهربا مقطوعة، والبسامير عم تطعج لأنو شغل محلي ونصون انسرقوا من لجنة المشتريات،

أما بالنسبة للجلاد فكان بالزمانات موظف حكومي لهيك إجا الصبح وقّع حضور ورح يشتغل ع تكسي بقية النهار!!!!!!!!.........