Amer-H
صديق فيروزي متميز جدا
علم الدولة : 
الجنس : 
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
 | موضوع: عرس السماء على الأرض  الخميس أبريل 21, 2011 12:43 pm | |
| 
ليش عرس السمــــا عالأرض
صار أحــــــــزان ونحــــيب
وليش نكرو عالسما معروفها
وليش ألغو أحتفالات درب الصليب
وليش هالكنائس أبدت خــــوفها
............
يارب يامالك السلطة عالكـون وعالبشر
يامـن بكلمة وقفت هيجان عاصفة البحر
يامن بعرس قانا حولت الماء إلى خمـر
ومشيت ألعازر بعد ما أقمته من القبـر
وشفيت العميان ورجعت لهـــــم البصر
ومن خبز وسمك أطعمت الناس الكــثر
اليوم بالظلـــم رح يحملـــــوك الصليب
والسما رح تكون شاهد وتلطم كفوفها
.........
يايوم الجمعة العظيمة شو طويل هالنهار
ياتذكار آلام فادينــا المسيح مازالو كثــــار
بساحة هالدير تجمعوا الناس زغار وكبار
والجـــو رهبة وصمـت بساعة هيبة ووقار
والكاهن يبخر والناس حولــــه داير مــدار
ويسوع بالكفن غامرينو بالورود والأزهار
أناجيل أربعة مفتوحة..وصورة عالصليب
الإيمـان بعيــون البشر دموع عما نشوفها
..............
لبسوه تاج الشوك وراسه كان في خطر
وبسمرو جسمه عالخشب ودمـه هـــدر
سقيوه زوم الخل وطعنوه وللظالم غفـر
يسوع فادينا انصلـب تا يخلـــص هالبشر
مات عالصليب وكفـنوه ونقلـــوه عالقبـر
وفي اليوم الثالث قام ودحــرج هالحجـر
عرس السـما عالأرض بالحــق أنتــصر
النسوة من الفرح راحت تنادي قام الحبيب
والسما أستقبلت ابن الله أول ضيوفـــــها
..............
بقيامتك يارب بهالكون فجر جديد لاح
للفقير صرت جنـاح وللخـايف ســلاح
بالحب حررت العبيد ونشرت الصلاح
وفـي كل دنية عتم ..ضويت الصباح
تعاليـــم أناجيلك صارت للسما مفتاح
كلنا بأحضانك نحـب أرواحنا ترتـاح
يامن رسمت طريق الخلاص لكل مستجيب
وعرف كلمة المسيح شو بتعني حـروفها
************
[ _________________  | |
|
