اثنتين نسوان يدردشون سوا...
الأولى: آه لوتعرفي.. ليلتي امبارح كانت من أحلى ما يكون... كيف كانت ليلتك؟
الثانية: يوووه... الله لا يورجيكي... كانت بايخة كثير.. زوجي اجى ع البيت المساء واكل العشاء في 3 دقايق.. وبعدها بدقيقتين ماشفتلك اياه إلا وهو نايم...
الأولى: لااااااا بالنسبة لي كانت من أروع مايكون.. زوجي اجى ع البيت المساء وأخذني نتعشى برا في مطعم اخترته أنا لأنه كثير رومانسي، وبعدها تمشينا شي ساعة كاملة، ولما وصلنا ع البيت شعـّـل كام شمعة بالبيت وقعدنا ندردش ساعة كاملة.. كانت ليلة حلوة افتقدتلها من زمان..
في نفس الوقت... أزواج نفس النسوان يدردشون سوا بالعمل:
الأول: كيف أمسيت امبارح؟
الثاني: والله بخير، وصلت ع البيت وكان العشاء جاهز، فتعشيت وحطيت راسي ونمت، عموماً كنت مبسوط ومرتاح..، وأنت كيف كانت ليلتك؟
الأول: أووووووف ، كانت ليلة مأساوية، وصلت ع البيت ومرتي ما كانت محضرة عشاء لأن الكهرباء مقطوعة، وأنا فارط من جوعي..!! فاضطريت آخذ زوجتي لمطعم نتعشى سوا.. وياريتني مارحت !! لأن طرقوني كمّ مرتب بالحساب.. ودفعتلهم متل التوتو وماغضرت افتح تمي بحرف.. !! أحلى الشي ما بقي معي مصاري مشان نرجع بتاكسي ، فاضطرينا نمشي ساعة كاملة لحد ماوصلنا ع البيت، ولما وصلنا ع البيت كانت الكهرباء لساتها مقطوعة.. فشعلت كام شمعة وبقيت ناطر ساعة تانية لبين ما إجت الكهرباء مشان اسمع نشرة الأخبار ونام، وبها الساعة مرتي شبعتني حكي... عفت حالي..
----------------
من بريد الموقع ـ شكرا للمرسل
_________________
السبت مارس 12, 2011 12:27 pm
