أنا عندي تعجب

أنا عندي تعجب
يمكن أنكم تتعجبوا مثلي ويمكن بس أنا من اللي تتعجب ...ماشفت لافي هالموقع ولافي أي موقع ثاني من فيروزة لاصور ولا أي نشاط للرياضة في فيروزة هو مافي نوادي وفرق ولا في وماحدا بيكتب .
شكرا لكم

معك كل الحق يا أخت أبتسام أن تتعجبي ..فأنا بعيد مثلك عن جو القرية ..ولم أشاهد أي معلومات عن النشاط الرياضي في أي موقع لأهل فيروزة حتى في هذا الموقع ونأسف كثير لذلك .
ولكن أنا أعرف أنه يوجد مركز للنادي الرياضي في فيروزة ولكن معلوماتي شحية جدا عنه ..
وعتبي مثلك على بعض الأعضاء من فيروزة المسجلين في الموقع والذين لاينقلوا لنا أي خبر عن النشاطات الرياضية في قريتنا فيروزة ..
وكذلك كل المواقع التي تضع صور للحفلات في فيروزة نادرا ماتضع أي صورة للنشاط الرياضي في القرية ولا أعرف مالسبب .
وياريت من يعرف أكثر مني عن لجنة النادي الرياضي في القرية أن يكتب لنا ولو أسماء أو إيميلات لنحاول الإتصال بهم .
وشكرا لك !

هوي ليش نادي فيروزة مابساوي موقع خاص فيه أو حدا من أعضاء النادي يشترك بشي موقع ويصير ينقل أخبار وصور عن نشاطات النادي طالما كل شي ببلاش
والله لازم نتعجب يمكن يكون هذه قلة مروة ..بس الله يعطيهم العافيه .
أخوكم الياس

ما بدكن بالاول تكون فيروزة ،،فيروزة حبر عاورق مجرد فيروزة ترحب بكم ويمكن الكثير ما يشوفها ،فيروزه صارة شقه مفروشة للاجار رزقالله ايام زمان وقت يجي غريب عالضيعة ويسال عن بيت فلان نركض ادامو ندلو عالبيت اليوم بتمشي مابتعرف حدى ،،فيروزة من قبل تغني فيروزي رشي الورود عاشبابك هالاسود اليوم فيروزة كل يوم بتتعلق اوراق نعوتها لانها كل يوم بتموت

كلام جميل وكله حكم ..يعني كانت فرق فيروزة تأخد البطولات على مستوى حمص مثلا بكرة القدم وكان بهيج المنصور يذبح الخواريف على مدخل الضيعة عندما فاز فريق السلام على فريق شعلة زيدل ..هلق أنت بتقول فيروزة عم تموت يعني كل اللي عم يموتوا بيحطوهم بغرف العناية المشددة ..معقول مافي غرفة عناية مشددة لما نخلي فيروزة تموت ..صحيح مثل ماقال المثل رزق الله على أيام زمان .

ياخي جورج ،،لآ يصلح العطار ماأفسده الدهر، في غرف عناية مشدده مثل ما تفضلت بس ما في مين يداوي العلة

معقول في علة مالها دوا ...بس بدك مين يعترف بالعلة ..

جورج شماس؛؛لو خلقت وربيت بفيروزه واشربت من جب حمزة والعبت بساحت جب جعبر و بعد ٤٠ سنة رماك الزمان خلف بحار هالدنيا ،رح تعرف شو العلة وشو الدوى

أنا بقول العلة من أهل الدار يعني مانو من الغريب ..لاجب جعبر ولا فيروزي ولا اللعب بساحات فيروزي هي السبب مثل ما الانسان ولد السرطان أهل فيروزي عملوا نفس الشي ..بس أنا بعمم كلامي عالجميع ..

نقاشكم على العين والرأس ...كل مين عليه حق ..اللي بالغربة واللي بالضيعة وماحدا أدرك شو اللي عم بصير ..والله يرحم اللي قال وقعت ولا رماك الجمل ..

ومنعاود نعود على نفس الموضوع ...لو ناقشنا كيف في النادي الرياضي أنو يستفيد من من الخبرات الفيروزية في الخارج ...أو كيف فيها لخبرات في الخارج أنها تفيد الرياضة في فيروزة ..شو رأيكم ممكن تتحسن الحالة أكثر ..

الله عالشباب أيام زمان ...كانت حمص ترتجف عندما يقولوا نادي السلام في فيروزة
وهنا لابد من القول ...أنه إلى الآن ا لكثيرون يجهلون أنه كان هناك نادي أسمة نادي الوحدة في فيروزة في الخمسينيات
وأنا لازال عندي ختم النادي وقطعة من كرة القدم أم الربر اللي كانوا يلعبوا فيها ..كانت المحبة أكبر في ذلك الوقت بين أبناء فيروزة ...
وجاء بعده دور نادي السلام ومعطمنا يذكر كيف ساندت أهل القرية ذلك النادي العظيم وكم من الأنتصارات حقق وكلها كانت جهود فردية وجماعية من أعضاء النادي وأسرهم المتحابين ..
وتشكل نادي النهضة المنافس ومعظمنا يعلم كيف تم تشكيله ..وحلو أن يكون هناك منافسة حرة بين أبناء القرية في الرياضة فهي في النهاية تخدم اللياقة البدنية لجيل واسع من الشباب..
وكلنا يذكر الإنتصار الذي حققته فيروزة علي فريق زيدل في الملعب البلدي وكيف أستقبل فريق فيروزة بالعراضة الفيروزية وكيف ذبحت الخراف في مدخل فيروزة عند وصول الفريق ومشجعيه....كانت البساطة وطيبة القلب تغلب عند من شجع الرياضة في فيروزة ذلك الحين وهي العامل الأول الذي ساعد وجود رياضية حقيقية في القرية ..
أيام ذهبية يتذكرها الكبار ولابد من تدوينها في كتاب يشمل تاريخ فيروزة ..
مع أجمل تحياتي

الله يخليكن على هالذكريات يعني عمر الصورة اكثر من 40 سنة ومن اكثر من 40 سنة في كان نادي ولاعبين وبيتحدو حمص وهلق مافي نادي ولا في نادي ومافي نشاط ..