Amer-H
صديق فيروزي متميز جدا
علم الدولة : 
الجنس : 
المشاركات : 9804
الإقامة : Sweden
العـمل : IT-computer
المزاج : Good
السٌّمعَة : 316
التسجيل : 09/02/2007
 | موضوع: خربشة ألوان  الإثنين سبتمبر 06, 2010 8:55 pm | |
|
قالت ارسمني بريشة الألوان شي رسمة
وخلي ع شفافي الحلـوة تظهر البسمة
بلكـي هـوى العشاق يبعث لنا نسمة
ويطبع ع اللــــوحـة أسمـك وأسمــي
جاوبتها وعندي وتر صوت مبحوح
لمــا بدأ العطر من حبق شعرا يفوح
تبسمر كياني وصمت الجسد والروح
وسألت ريشة الألوان لـوين بدي روح
ت تصير هاللــــوحة للـحلا عنـوان
ويظهر على مبسمها أجــــمل الألوان
ت يعبرو عن أنـوثة الحـب والإيمان
وكيف رح تمزج ألوانها ريشة الفنان
تنازعوا ع شفافها الأحمر والخمري
وقال الأحـمر بـفـدي شفافها بعمري
وياريشة أرسمي وخرطشي بأمري
بلكــي ع شفافــها ينطفي جـمـري
وتشاوروا الأزرق مــــع الكحـــلي
ت يوقـفوا على جفونــــــها كحــلة
لـون البنفسج دخــل وأخذ يشرحلـي
وقــال أنا كحـــلة العينين بستحلي
وع لون خدودها اجتمعوا كومة ازهار
نرجس وجــــوري وزنبق وجلـنار
وشعلت معارك بينهم وقالـوا أختار
حتى الريشة عالخد طبعت لون النار
وعالعنق تسابقت ألوان ورد نيسان
وريشة أختارت عنق أجمل الغزلان
وخربشت كم سلسلة وعلقت صلبان
ت صار ع العنق الــــورد غفيان
وللـــون الشعر أحترت شو أختار
وتغلب سواد الليل ع ضوء النهار
ورسمت عالكتفين خصلتين زغار
ونزلت غــــرة علـــى جبين الغار
ولما وضعت اللوحة بقالب الرسمات
شعشعت الألـــوان من فمها المـدور
غـاروا من حـــلاها بقية اللوحـات
وتعجبوا كيف الخالق هالحلا صور
وقفت الصبية وقالت صورتي بالذات
فنــــان أنت وأنـا بريشتك بكــــبر
قلتها يا حلوتي أنت أجمل الحلوات
والله بعد ماوهبك الحلا قالبك كسر
لما رسمتك بيدي سكرت الريشات
كيف بدك بحـبك قلبــــي مايسكـر
****
_________________  | |
|
AbeerAlsalm
صديقة فيروزية مساهمة
علم الدولة :
الجنس : 
المشاركات : 444
العـمر : 39
الإقامة : سوريا
العـمل : العمل
المزاج : جيد
السٌّمعَة : 9
التسجيل : 07/07/2007
| | موضوع: رد: خربشة ألوان الثلاثاء سبتمبر 07, 2010 2:43 pm | |
| وقال الأحـمر بـفـدي شفافها بعمري نيالوا هالون شو أنو كريم ...عم يفدي الشفايف بعمره حلوة هالكلمات ونيال الصبة ..بس مانك حاطط صورتها بعد التصوير .. تحياتي  | |
|
