العيون تحدد شخصية الحبيب

العيون تحدد شخصية الحبيب
توصل علماء النفس بأن هناك تلازما بين أطراف العيون وسمات شخصية الإنسان فيما يعرف بعلم (البراسيكولوجي- ما وراء علم النفس).
هذا وفي المقابل فقد أكدت الدراسات أن العين تكشف الكثير من الأسرار بمجرد النظر، وأن كل حركة أو نبضة أو إشارة
أو نظرة عين هي أشبه بالإشارة اللاسلكية.. قد تكون هذه الإشارة قوية أو ضعيفة، والأمر يعتمد على جهاز الاستقبال لدى الشخص الآخر.
وإن لغة العيون هي الأقوى تعبيرا والأسرع في توصيل الرسالة إلى الإنسان لذلك من المهم جدا أن يتطلع الفرد
في عين محدثه ليقنعه بالصدق في حديثه، كما أنه يمكن من خلال النظر في العيون الكشف عن الكذب في عيني الإنسان الذي تتحدث معه
وقد أجمعت الدراسات، أن هناك أكثر من نظرة وكل واحدة تعكس المشاعر وبعضا من الصفات التي تتواري خلف الأقنعة
مثل النظرة المهذبة و إن النظرة المهذبة في العين تعتبر أقوى حجة من أي خطاب مكتوب خاصة إذا كانت منطلقة بصدق.
وكثيرا ما يقال إننا نعرف الإنسان إذا ما نظرنا إلى عينيه على اعتبار أن العين هي العضو الأكثر صدقا
في نقل الإحساس الحقيقي لدى الإنسان، وأيضا الأقدر على أن تظهر شعوره وصدقه وكذبه، والعين مرآة لكل ما يدور في نفس صاحبتها‏.
وإليك سمات بعض الشخصيات:
صاحبات العيون
السوداء:
يتسمن بالعصبية، سرعة التأثير، الغيرة الشديدة، المشاعر الرقيقة، العاطفة القوية، الحنان، غالباً ما يتحكم القلب في العقل.
صاحبات العيون الزرقاء:
من صفاتهن الجرأة، حب الذات، الغموض، عمق التفكير، شدة الحساسية، قوة التأثير، المزاج الفني، البرود.
صاحبات العيون الرمادية :
الطباع العنيفة، القسوة.
صاحبات العيون الخضراء:
قوة الإرادة، الخبث، برودة العاطفة، صلابة الرأي، العناد، حب العمل.
صاحبات العيون البنية:
الرحمة، العطف، الخجل، الجاذبية، حب العمل، قوة الحجة.
صاحبات العيون العسلية:
الهدوء، التأني، التفكير قبل العاطفة، حب الظهور، ضبط العواطف، الكتمان.
صاحبات العيون الواسعة:
العصبية، الاندفاع وراء العاطفة.
صاحبات العيون الضيقة:
الذكاء، الحدة، الدقة، قوة الملاحظة وتحكيم العقل.
صاحبات العيون المستديرة:
قلة التفكير، الفضول، كثرة الحركة، حب الناس.
صاحبات العيون الغائرة:
التفحص والتدقيق، البحث عن التفاصيل، حب الحياة، التفاؤل.
صاحبات العيون الجاحظة:
البعد عن التفاصيل، حب الظهور، الفصاحة، الميل للتشاؤم.
..............
والان ماعليكم ياحلوين غير أنو كل واحد يقول شو لون عيونوا
والقصة مافيها لف ودوران قولو الحقيقة
وأنا مارح قول شو لون عيوني حتى اعرف لون عيونكم يعني أخر وحدة
ديما

أنا عيوني سوداء وواسعة
يعني كلامك مظبوط يا ديما
يتسمن بالعصبية، سرعة التأثير، الغيرة الشديدة، المشاعر الرقيقة، العاطفة القوية، الحنان، غالباً ما يتحكم القلب في العقل.
العصبية، الاندفاع وراء العاطفة.
أنا بعرف حالي عندي بعد هالصفات هههههههههههه
شكرا لك
باسمة

حلو الموضوع ياديما يسلموا
وأنا لي قصة مع العيون
كنت قد وضعته في موقع آخر
............
سألت محامية عيونها حلوين جدا:
.....................
بحلفك بالعـدل , بالقانـون
بالقلـم ,بالحبـر ,بالورقة
عين اللي بتسرق قلب شو بتكون
وشو بيحكم القانون عالسرقه
.........................
ومرة كنت ناطر على مفرق نبع الشير بالوادي
سألتني صبية عيونها غير شكل ..أنت من الوادي فقلت لها:
...........................
عيونك فيها حكاية وعد
لقلبي اللي فيكي ولهان
وخدّ ك ذكرني بالورد
النابت ع حفافي الوديان
..................
ومرة بمشتى الحلو تحت الدلبة صبية عم بتقول
هالدنيا شوب جدا وباين على عيونها فقلت لها :
.......................
شايف بعيونك شمس دافيـة
لطلتك شو حن قلبي وشو خفق
ياريت بسهر وعيونك غافية
ومن على خدودك بستنشق حبق
.........................
ومرة سألتني طالبة عيونها حلوين لماذا للعين قوة
جذب ومجال مغناطيسي فجاوبتها :
......................
أنتِ وجهك حلـو وكلـو جمال
والمغنطيس والسحر بعيونك الكحال
وياريتني كنت شي قطعة حديد
ومغناطيس عينك يجذبني بكل المجال
.....................

_________________
العيون تحدد شخصية الحبيب 2-1410

أنا مارح قلك لون عيوني يا ديما...بس بما انك مقتنعة انو القصة هاي صح أنا من خلال قناعاتك رح اتوقع لون عيونك واقلب اللعبة رأسا على عقب(لووووول)
أنا بقول لون عيونك ............خضرمرات لأنو ماخدي خبث وحلاوة السؤال من الأخضر
ومرات سود لأنو كان لسؤالك سرعة تأثير بالكل حتى بكارل اللي سمعنا هالكم بيت الحلوات
ومرات عسلية لأنك ماخدة الكتمان منو (ما قلتينا لون عيونك )
ومرات مستديرة (من فضول المستديرة انو تعرفي ألوان عيون العباد)
ومرات ضيقة من ذكائك في طرح السؤال ....ومرات جاحظة لانك ابتعدت عن التفاصيل (يعني ما طلبت تفاصيل عن لون الشعر و لون الوجه و الشامبو اللي منستعملو )
بقى هلق نقي انتي يا حلوة و قولينا ...وأنا بتوقع يكونو خضر سلفا وبدون علم البراسيكولوجي

لعبي غيرها ديمااااااااااااااااااااااا

أنا عيوني سود بس ما رح قول الحجم هههههههه
ولكن بحب أن تكون شريكتي عيونها عسلية ومو كثير غائرة
واللي بعدي يقول لون عيونوا

العيون تحدد شخصية الحبيب 588412

يعني حلوة اللعبة ياديما
وكنتي فيك تسألينا في لعبة تعالو نتعرف على بعض
بس العيون العسلية بتبقى هي الأحلى ولكن لازم على طول نطلع لنظرة العيون وليس للونها لأنها هي مفتاح القلب.
وهلق لازم تقولي شو لون عيونك
...........

وأنا مارح قول شو لون عيوني حتى أعرف لون عيونك ياديما
وبدنا صورة لعيونك ههههههههههه
بس بتبقى العيون السوداء الأجمل ولونها بيحلو وقت اللي بتدمع
تحياتي

شكرا لكل من شاركني الموضوع ...كلكن عيونكم حلوين الله يخليكم
وأنا لون عيوني لوووووووووول
عند الصباح بيكون مروقة علي فنجان قهوة وفيروز بيكونوا عسليات
ولما بعصب شوي ..هوي أنا مابعصب كثير ..بيصيروا سود
ولما بتجيني شي مكالمة مزعجة ..بيصيروا صغار وبروح بدي أختنق وبتنزل دمعتي
لذلك يا أحباب أهم شي الواحد منا يحافظ على كل شيء وهبه له الله
وتحياتي للجميع

» شكل أسنان طفلك تحدد طريقة نطقه
» طريقة تناول الطعام تحدد صفات الشخص
» نسبة هرمون الحب لدى الرجل تحدد ادائه العاطفي
» قوة شخصية الفتاة
» أسرار العيون