تحت هالدالية

موضوع: تحت هالدالية السبت أكتوبر 17, 2009 12:01 pm

شفتها قاعدة
تحت هالدالية
وشعرها
مشلوح عالكتفين
وبنظرة
من عيونها الغالية
أخذت خيالي
وصرت شوفها أثنين
ياوجها اللي مثل القمر
وخدودها عم يزهو
بخال
وغمازين
ياحسرتي
في حضنها كتاب
وعم تقرأ
وشفافها مثل السحر
مرة تمشي مع الحروف
ومرة تتنهد
بألف آوف وآوف
ويا آوفها تبكي الأرض
تشق الجبل طول وعرض
ولما سألتها شو بكي
نزلت الدمعة
فوق خدّ الكتاب
وطارت فراشة
فوق الهضاب
ورفرف الحسون
حولها يزقزق
الكل حابب يواسيها
ع فرقة الأحباب
........
ياحبابها
اللي هجرتوا
وتركتوا الأسى بالروح
شوفوا عناقيد الدالية
كيف بالهوى بتلوح
الولد مين له غير أمه تضمه
والعاشق مين له
غير الحبيب يشكي له همه
والغايب شو مشتاق
لتراب الوطن تايشمه
..........
وأنتي ياحلوة
اللي عم تقرأي هالكتاب
كل صفحة بتزيد
عذابك ... عذاب
أنا جاي ت نسيكي
كل هالوهن
وأوقف بجنبك
وخلصك من هالمحن
شوفي البدر كيف قدامك صفن
وأرضي بشو مخبي لك هالزمن
عين السما تحميك من كل الفتن
جاي قدملك قلبي
اللي فيك انفتن
واليوم تحت هالدالية
رح قولك شو مخبي
حبك بقلبي كان سر
واليوم أنعلن
............

_________________
تحت هالدالية 2-1410