في برنامج عالتلفزيون اسمه كلام نواعم ..يعني الستات والانسات والمتموزيلات بيعزمو واحد او وحده وببلشو يحكوا كلام ناعم جدا ..هني هيك مسمين البرنامج انا مرة عزموني جماعه لتناول طعام العشاء في منزل أحد الأصدقاء و كان هنالك أكثر من عشر أشخاص من ثلاث عائلات ومع أننا كنا نسكن حيا واحدا إلا أننا لم نكن نعرف بعضنا .
و كانت بجواري امرأة دائمة الثرثرة لم يهدا لسانها طوال الوقت . و كانت لا تفتح مجالا للآخرين بالحديث و عندما كانت تشعر أن حديثها لا يجلب اهتمام الآخرين كانت تنتقل إلى غيره .
و فجأة قالت :هاي هيه الرزالة بعينا
سألت صاحبة المنزل : شوفي؟؟؟؟
المرأة الثرثارة:شترى سيارة لابنو و هو عندو وحدة و مرتو وحدة و هلئ ابنو اللي بعدو بالبكلوريا ليش ما خبرتو؟؟؟
صاحبة المنزل : على حب النبي مين هو ؟؟؟
المرأة الثرثارة : لا لا ما بقدر قول اسمو ما في داعي لا تحرجوني
همست امرأة : يمكن عم تحكي عن عيلة السيد مروان
قالت أخرى : بس ما عندو 3سيارت
-يمكن يكونو اشترو وحدة
قالت المراة الثرثارة : مو ناقص غير يشترو سيارة لبنتن الزغيرة اللي بعدها بالرابع
-يمكن عيلة السيد وحيد
قالت المرأة الثرثارة :لو بس اشترو سيارة كان الموضوع عادي أما انن يشتروا طابق سياح نياح بالمزة و يعمرو بناية بتاخد العقل هادا هو المو عادي لكان في موظف بيقدر يعمل كل هل العمل
- أكيد ساكن بحارتنا
- أي نعم
صاحبة المنزل : مين هو كتير عبالي اعرف اسمو
المرأة الثرثارة :لا لا مافي داعي لا تحرجوني
-إذا كان موظف فهو مو السيد وحيد
المراة الثرثارة :سيارتو رمادي و سيارة مرتو حمرا و هلئ سيارة ابنو فوشي طبعا اتعود عل الرشوة يا ريت بس من اللأغنيا من الفقرا كمان شو ما عندو رحمة
تجمعت الرؤوس فوق المائدة يتهامسون
-يعني شو بصير لو قلتي اسمو
المراة الثرثارة : لا لا ما بقدر لا تحرجوني . كان فقير و عايف حالو و مديون و لئ عم يقول انو مرتو ورتت عن أهلها مصاري و أراضي و عقارات أي من وين لوين كلنا بنعرف انو مرتو كانت تشتغل كرسونة
عاد الحضور مرة ثانية للهمس
-هلئ عرفت هدوله عيلت السيد عرفان
-بس عرفان ما عندو ولاد
حاول الجميع حل اللغز
- رح انفجر رح طق انتفخ قلبي قولي اسمو و خلصينا
المرأة الثرثارة : لا لا ما بقدر لا تحرجوني أصلا هادا شي ما بخصني...... بعدين هادا مو ابنن أكيد لقيط لكان الأم سمرة و الأب اسمر و الابن اشقر ؟؟
صرخت واحدة و كأنها ملكت القلعة : هلئ عرفتن هدوله عيلة الياس
المراة الثرثارة : مرتو سمينة و قصيرة و بتصبغ شعرها احمر
صمتت المراة التي تكلمت بصوت عال و عادت للتفكير
- منشان الله قولي مين هو
المراة الثرثارة : لا لا ما تعودت احكي ع حدا و شهر فيو .. بيهتم دائما باناقتو و صباطو عطول عم يلمع
- طيب هو طويل ؟؟؟
- لا هو قصير و كل لبسو مخطط كمان.. كمان هو من أصحاب السوابق مرة دخل السجن بتهمة التزوير و طلع منو بعد العفو
بدأ الغضب ينتاب المراة الثرثارة لأننا لم نعرف الشخص المقصود
وقالت : ساكن بالطابق التالت في البناية اللي عالزاوية مقابل السوبر ماركت و حدن في حديقة
صرخ الجميع دفعة واحدة : هادا السيد شاكر و مرتو عروبة
و قلنا ذلك و تنفسنا الصعداء
ردت المراة الثرثارة : أنا ما دخلني ما رح قول اسمو ما في ضرورة لاتحرجووووووووها
الثلاثاء فبراير 05, 2013 1:16 pm
