عادات سورية

إذا صار عندنا عرس .... بنزمر
إذا نجحلنا حدا بالبكالوريا ....... بنزمر
قبل ما تفتح الإشارة الضوئية ... بنزمر
بعد ما تفتح الإشارة .....كمان بنزمر
على الدوار وعلى الجسر و على النزلة و على الطلعة .... كمان بنزمر
إذا طول علينا الشرطي وهو موقفنا .... مشان نذكره بنزمر
أما إذا حد كسر علينا بالغلط أو بالقصد ..... أكيد بنزمر
أما اللي بتوقف سيارته قدامنا عطلانه ....... مو مشكلتنا بنزمر
إذا طالعين من شارع فرعي لرئيسي بالليل أو بالنهار .....بنزمر
وإذا واحد صايع عجبتنه بنت ماشية بالشارع اوووووووووووووووه بنزمررررررر
وإذا شفنا أبو فلان بالشارع وحبينا نقله مرحبا .............بنزمر
ولو قرر واحد منا يخفف مشان يمرر أحد المشاه .... كل اللي وراه بيزمر
ويا حبيبي إذا فاز أحد المعجبين فيه أو فيها بالسوبر ستار أوستار أكاديمي ......بنطلع كلنا وبنزمر
وطبعا" اذا فاز المنتخب بنطلع ......... نزمر
لا أظن إنها ظاهرة اليس كذلك ؟!!!!!!
لكن المفارقة هو انه اذا ارتفعت الأسعار كالكهرباء و الوقود
وإذا ارتفعت الضرائب
وإذا زادت رواتب الكبار وبقيت
على حالها رواتب الصغار
وإذا زاد معدل البطالة مع وفود عماله .. وإذا انتشر البرطيل و لحقه فساد و ...
واذا رأينا اليهود يبنون لكل شاب مستوطنة في أراضينا وشابنا لا يجد داكونة
لينسترو فيها في أراضينا أيضا"
اذا حصل كل هاد أو اكثر
العجيب انه فجأة ما بطلعلنا صوت ولا .............. بنزمر

1-اذا سألته وين فلان بجاوبك بــ (جيبي)

2-لما يطلع من الحمام بيرش المي بوجه اول واحد بشوفه .

3-اذا شاف اخو الصغير مشتري شيبس او كولا او اي شيئ يقول له هات افتحلك اياه (مشان ياكل نصو)

4-لما بده يفتح كيس الخبز بشقه شق

5-اول ما يطلع من الفرن وهو مشتري خبز لازم ياكل نصه

6-لما يخلص علبة الشامبو لازم يعبيا مي (مشان يشطف الزوايا)

7- اول ما تسالو أمو وين رايح؟…. بيقلا يللا يللا راجع

8-لازم يفتح الثلاجة 15 مرة في اليوم .بدون مايطالع منها شي…. عم يتفرج بس

9-لما بلاقي كل اللحمة والجاج فوق بعضن بزاوية الثلاجة بتأكد في ورآهن بوظة بالزاوية

10-لما يلاقي شي بالبراد بيشربو بعدين بيسأل لمين هاي?

اكثرالحكي في سوريا بيدور حول الاكل
------------------------------
لك ليــش كل شي عنا اكل ؟؟؟؟؟
-العز للرز والبرغل شنق حالو.
-عطي الخباز خبزو ولوأكل نصو .
-لاقيني ولا تطعميني .
-في بينا خبز وملح .
-شبعنا حكي .
-كتييير مهضومة هالبنت .
-شو بدي اتزكر منك يا سفرجل .
... -ما هضمتو بنوب .
-عم بطبخ الموضوع على نار هادية .
-لا تئول عنب ليصير بالسللة .
-دمو متل العسل .
- شبعنا حر
-اي شو ماشي على بيض .
-بدك العنب ولا تئاتل الناطور .
-طنجرة ولقت غطاها .
-تاكلني لحم وترميني عضم .
-مافي خيار وفئوس .
-وشّو ما بيضحك للرغيف الصخن .
-متل العجينة بين ايديي .
-عضو كوساية وبكون وصلت .
-لا تاكل هم .
-الناس متل الرز .
-ياداخل بين البصلة وقشرتها .
-داب بزر مخي .
-الجواز متل البطيحة .
-طول متل عرء الفول .
-حاطين مئلايتو .
-خدودها متل الشوندرة .
-أكّال نكّار .
-حاجة اكل هوا .
-نحنا ما مناكل مال حرام .
-راسي عمياكلني لازمني حمام .
-اي شو الشغلة شوربة .
-الأكل على قد المحبة .
-بوري الصحيّة متاكل .
-أكلت كم .
-اكلت وقعة .
-اكلت اتلة .
-اكلت مقلب .
-آكل عليي مصاري .
-ولك حاجة ماشبعتو مصاري .
-هلئ الجوعان متل الشبعان .
-تاكل هم ألبي .
-مو نفعان لا للخل ولا للخردل .
-عجرة ، ( ازا شغلة صعبة )
-حط خبزاتك على جبناتي .
-عينو جوعانة .
-عينو شبعانة .
-إلها تم ياكل مالها تم يحكي .
اي يسلملي الشعب السوري هو وكرشو

عسيرت الاكل خبرونا شو اكلتو....

الشاطر يقرأهم للأخير ومايضحك ..يسلموووو..
انا شبعت من الضحك هاي كمان اكل